Atir 17:2 - ÎVUKU RÎA ÛVORO MWARO

² Mika nîwerire ng'ina atîrî, “Tûcunjî ngiri îmwe na îgana twa sîlûva twaku tûrîa twaîirwe na ûkîruma mwîi wa tuo, taroria, nînie nîrî na tuo. Nînie naatwocire.” Nake ng'ina nîwaugire atîrî, “Ngai-Mûnene arokûrathima mûvîcîwa!”

Atir 17:2 ပူးပေါင်းရင်းမြစ်များ

Kîam 14:19

Nîwamûrathimire na akiuga atîrî, “Ngai ûrîa ûrî Îgûrû Mûno, ûrîa waûmbire îgûrû na nthî arorathima Aburamu!

Nehemia 13:25

Nînakararanirie nao na ngîmaruma irumi, amwe ao ngîmariva na ngîmakûranga njuîrî cia ciongo. Nînaamevîtithirie na rîîtwa rîa Ngai atî gûtirî vîndî îngî o kana ciana ciao ikaavikia kana ivikue nî andû acio.

Thaburi 10:3

Andû arîa aganu metîîaga nîûndû wa merirîria ma ngoro ciao, arîa akoroku marumaga na makarega Ngai-Mûnene.

Ntha 20:7

“Ndûkagwete rîîtwa rîa Ngai-Mûnene, Ngai waku na îtherû, nîûndû nie Ngai-Mûnene ndikaauga atî mûndû ndevîtie ûrîa ûngwetaga rîîtwa na îtherû.

Nthi 28:24

Mûndû ûrîa wîaga indo cia îthe kana ng'ina akînauga atîrî, “Mau tî mavîtia;” ndarî ngûrani na aîi arîa engî.

Jeremia 48:10

Kûgwatwa nî kîrumi nî mûndû ûrîa ûrutaga wîra wa Ngai-Mûnene na mûvûthia; na kûgwatwa nî kîrumi nî mûndû ûrîa ûgiragia rûviû rwake rwîtûrûra nthakame!

Mathaayo 26:74

Petero nîwambîrîrie kwîvîta akiugaga atîrî, “Nîraria ûma na Ngai amverithie ethîrwa nîraria maveeni atî nie ndiîcî mûndû ûcio!” Na kavinda wa kau ngûkû nîyagambire.

Aroma 9:3

nîûndû wa andû a mûvîrîga wetû arîa tûciaranîrîtue nao. Nwa mende nyitwe nî kîrumi Kîam Ngai na ndigithanue na Kristû îthenya rîao.

1Akor 16:22

Mûndû wa wonthe ûtendete Mwathani arogwatwa nî kîrumi. Maranatha: Mwathani wetû, ûka!

Gûco 27:16

“ ‘Kûnyitwa nî kîrumi nî mûndû ûrîa ûtatîîaga îthe kana ng'ina.’ “Nao andû onthe nîmakaauga, ‘Ameni!’

2Joh 1:11

Nîûndû mûndû ûrîa ûmûkethagia nîanyitanagîra nake maûndûrî make macûku marîa ekaga.

Atir 17:1

Vîndî îmwe kwarî na mûndû watûûraga vûrûrirî ûrîa ûrî irîma wa Efiraimu. Mûndû ûcio eetagwa Mika.

Atir 17:3

Mika nîwacokerie ng'ina tûcunjî tûu ngiri îmwe na îgana twa sîlûva, nake ng'ina akîmwîra atîrî, “Nînyamûrîra Ngai-Mûnene sîlûva îno nîguo kîrumi gîtigakûgwate mûvîcîwa. Ikaavûthîrwa na kûthondeka mûvuanano wa kumua ûvakîtwe sîlûva kuonthe. Kwoguo rîu nîngûgûcokeria cio.”

Atir 5:23

Mûraika wa Ngai-Mûnene arauga atîrî, “Îtûûra rîa Merozu rîronyitwa nî kîrumi, andû arîa matûûraga kuo maronyitwa nî kîrumi. Nîûndû matiaûka gûtethia Ngai-Mûnene, kûrûa na andû arîa marî vinya.”

Ruthu 3:10

Nake Boazu nîwerire Ruthu atîrî, “Mûndûmûka ûyû, Ngai-Mûnene arokûrathima nîûndû nîwonanîtie wîvokeku mûnene makîria na njîra ya ûrîa ûreka rîu wana gûkîra ûrîa wekire nyaciaraguo. We nî ûngîathiîre gûcaria mwanake, arî mûthîni kana arî gîtonga, nwatî we ndweka ûguo.

1Sam 14:24

Nao andû a Isiraeli nîmaathirirwe nî vinya mûno mûthenya ûcio, nîûndû Saûlo nîwamevîtithîtie mwîvîtwa na akîmeera atîrî, “Mûndû wa wonthe ûrîa ûkaarîa irio ûmûnthî mbere ya gûtuke nie ndarîkîtie gûtooria nthû ciakwa aronyitwa nî kîrumi.” Kwoguo gûtirî mûndû warîre irio mûthenya ûcio wonthe.

1Sam 14:28

Nake mûndû ûmwe gatagatîrî ka andû acio nîwaugire atîrî, “Tue tuonthe tûrî athiru vinya nîûndû wa kûvûta, nwatî aguo nîevîtithiirie andû mwîvîtwa auga atî, ‘Mûndû ûrîa wonthe ûkaarîa irio ûmûnthî aronyitwa nî kîrumi’ ”

1Sam 15:13

Nake Samueli akinya kûrî Saûlo, Saûlo nîwamwîrire atîrî, “Ngai-Mûnene arokûrathima Samueli! Nie nîmvingîtie ûrîa Ngai-Mûnene athanîte.”

1Sam 23:21

Nake Saûlo nîwacokirie atîrî, “Ngai-Mûnene aromûrathima nîûndû wa ûrîa mûmbîguîrîrîte ntha!

1Sam 26:19

Mwathi wakwa, rîu thikîrîria ûrîa ndungata yaku îkuga. Ethîrwa nî Ngai-Mûnene ûtûmîte wende kûmbûraga, nînîmûrutîra îtega nîguo agarûre îtua rîake. Nwatî ethîrwa nî andû matûmîte, Ngai-Mûnene arotûma magwatwe nî kîrumi nîûndû nîmamîngatîte ngauma îgairî rîrîa Ngai-Mûnene aatûveere na makiuga atî, ‘Thiî ûgatungatîre ngai ng'eni.’