Atir 17:13 - ÎVUKU RÎA ÛVORO MWARO

¹³ Mika nîwacokire akîîra na ngoro atîrî, “Rîu nîmbicî atî Ngai-Mûnene nîakûmbîka maûndû maro, nîûndû nîrî na Mûlawi arî mûthînjîri-Ngai wakwa.”

Atir 17:13 ပူးပေါင်းရင်းမြစ်များ

Nthi 14:12

Kûrî njîra mûndû onaga takwa îrî mbagîrîru, nwatî mûthiiarî îviraga mûndû gîkuûrî.

Isaia 44:20

Mûndû ûcio arîcaga mûu, nîûndû meciria make nîmo mamûveenetie, akaremwa nî kwîvonokia wana kana kuga atîrî, “Kinthî tî maveeni nyitîte na njara yakwa ya ûrîo?”

Mathaayo 15:13

Nake Jesû nîwamacokerie atîrî, “Mûtî wa wonthe ûtavandîtwe nî Vava ûrîa ûrî îgûrû nîûgakûûrwa.

Mathaayo 15:9

Ûgooci ûrîa mamvecaga ndûrî vata, nîûndû o mathomithanagia mawatho marîa mathondeketwe nî andû, takwa arî mo mawatho makwa.’ ”

Johana 16:2

Mue nîmûkaarutûrûrwa mavoerorî. Nako kavinda nîgagaakinya karîa mûndû wa wonthe ûrîa ûkûmûraga ageeciria atî agîka ûguo nî Ngai aratungatîra.

Ciîko 26:9

“Nie mwene nîneciragia atî nîmbagîrîrwe nî gwîka maûndû monthe marîa nîngîvota ma kûregana na ûvoro wîgiî Jesû wa Nazarethi.

Atir 17:12

Mika nîwamûtuire mûthînjîri-Ngai wake na agîtûûra mûciî kwa Mika.

Atir 18:1

Îvindarî rîu, Isiraeli gûtiarî na mûthamaki. Nao andû a mûvîrîga wa Dani nîmaacaragia vûrûri ûrîa mangîîgwatîra rîrî îgai rîao na magatûûra kuo. Meekaga ûguo nîûndû matiarî na vûrûri wao o ene gatagatîrî ka mîvîrîga ya Isiraeli.

Atir 18:24

Nake Mika nîwacokirie atîrî, “Mûrauga atîa rîrîa mûrambûria, nîrenda atîa? Mwakuua ngai îrîa naathondekire na mwathiî na mûthînjîri-Ngai wakwa! Natigwa na ndûî?”