Atir 16:30 - ÎVUKU RÎA ÛVORO MWARO

³⁰ na akiugîrîria atîrî, “Nîrokucanîria vamwe na Afilisiti!” Nîwatindîkire nyomba îo na vinya wake wonthe na îkîgwîra athamaki vamwe na andû onthe arîa maarî ndaarî. Kwoguo andû arîa Samusoni aaûragire vîndî ya gûkua gwake maarî eengî gûkîra arîa aaûragîte arî mwoyo.

Atir 16:30 ပူးပေါင်းရင်းမြစ်များ

Kîam 3:15

Nîngûtûma we na mûndûmûka mûmenane, na mbîkîre ûthû gatagatî ka mbeû yaku na ya mûndûmûka. Mbeû ya mûndûmûka îgaakûringaga kîongo nawe ûkamîrûmaga ndiira ya kûgûrû.”

Ayubu 20:5

atî ûcamba wa mûndû mwaganu nîwa kavunda kanini, na gîkeno Kîam mûndû ûtaicî Ngai kîthiraga narua.

Ayubu 31:3

Na kinthî mûtino ndûnyitaga arîa matarî athingu, naguo mûthiro ûkanyita arîa aganu?

Thaburi 62:3

Mue muonthe nîmûntharîkîra nginya rî, na ndirî vinya mbîkariî ta rûthingo rwînamîrîrîtie, nie mûndû wîkariî rwirigo rwomomoku?

Mûvunjia 9:12

Gûtirî mûndû wicî rîrîa kavinda gake gagaakinya. Nwata ûrîa nthamaki înyitagwa na neti kana ta ûrîa gîconi kînyitagwa nî mûtego wa rîmwe nwaguo andû manyitagwa nî mathîna matakûmenya.

Mathaayo 16:25

Nîûndû mûndû ûrîa wendaga kûvonokia mwoyo wake nîakaaûrwa nîguo. Nwatî mûndû ûrîa ûragwa nî mwoyo wake nîûndû wakwa nîakaawona.

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Ciîko 21:13

Nwatî nîwatûcokerie atîrî, “Mue mûreka atîa? Mûrarîra methori na mûkambûraga ngoro nîkî? Nie nînîvarîrîtie kwovwa njeera wana gûkua nîrî kûu Jerusalemu nîûndû wa rîîtwa rîa Mwathani Jesû.”

Afil 2:17

Kwavoteka mbûragwe; na njîra ta îno nîngîthîrwa mbîkariî ta kîgongoona kîrîa mûrutagîra Ngai nîûndû nîmwîtîkîtie. Kûngîtuîka ûguo, nwa mbîthîrwe nîrî na gîkeno na nganyitanîra gîkeno gîakwa na mue muonthe.

Afil 2:30

nîûndû aarî vakuvî gûkua nîûndû wa wîra wa Kristû. Ekire ûguo nîguo andethie na ûtethio ûrîa mue mûtangîavotire kûmva.

Afil 2:8

Ke aarî mwînyivia, na nîwatuîkire mwathîki nginya akîûragwa. Aakwire na njîra ya kwambwa mûtharavarî.

Akol 2:15

Na mûtharavarî ûcio nîvo Kristû eetethûrire kuuma kûrî maavinya ma maaroho marîa maathamakaga na maathanaga. Ke nîwamanyûrûririe na njîra ya kûmatongoria mbere ya andû na wa vo akîonania atî aarî na ûvootani îgûrû rîa maroho na maavinya mau.

1Ath 5:2

Nîûndû nîmwîcî waro atî Mwathani agaaûka gûtarî mûndû ûkûmwîrîgîrîra wata ûrîa mwîi aûkaga ûtukû.

Atir 14:19

Roho wa Ngai-Mûnene nîwamûnyûrûkîre wa rîmwe na ûkîmwîkîra vinya. Nîwanyûrûrûkire Ashikeloni na akîûraga andû mîrongo îthatû kûu îtûûrarî. Nîwacokire akîmaruta nguo ciao irîa mbaro mûno na akîinenganîra kûrî andû arîa maataûrîte ndaî. Vuva wa ûguo, Samusoni nîwacokire mûciî arî mûrakaru.

Atir 15:15

Nîwacokire akîona îvîndî rîa rûthîa rwa mvunda yakuîte îvinda rîtaarî îraca. Nîwarîocire na akîûraga arûme ngiri îmwe narîo.

Atir 15:8

Samusoni nîwaûragire Afilisiti eengî mûno, na agîcoka agîkara ngurungarî ya îthiga rîrîa rîarî Etamu.

Atir 16:29

Nîwacokire akînyita itugî igîrî cia gatagatî irîa ciagwatîrîrîte nyomba. Wa njara nîyanyitire gîtugî Kîamyo, agîîtirîkania na nyomba îo

Atir 16:31

Aa mûrwang'ina vamwe na andû acio engî a mûciî wake nîmaathiîre na magîoca mwîrî wake. Nîmaacokire naguo na makîûthika gatagatî ka Zora na Eshitaoli mbîrîrarî ya îthe Manoa. Samusoni aatirîrîre vûrûri wa Isiraeli îvinda rîa mîaka mîrongo îîrî (20).