Atir 15:7 - ÎVUKU RÎA ÛVORO MWARO

⁷ Nake Samusoni nîwamerire atîrî, “Ethîrwa ûguo nîguo mwîkaga, nînîîvîta atî ndingîthiî ndambîte kwîrîvîrîria kûrî mue!”

Atir 15:7 ပူးပေါင်းရင်းမြစ်များ

Aroma 12:19

Arata akwa, mûtikerîvîrie, nwatî tigani Ngai amûrîvagîrîrie na marakara make. Nîûndû mandîkorî matheru kwandîkîtwe atîrî, “‘Kwîrîvîrîria nî gwakwa, nînie ngeerîvîrîria,’ ûguo nîguo Mwathani augîte.”

Atir 14:19

Roho wa Ngai-Mûnene nîwamûnyûrûkîre wa rîmwe na ûkîmwîkîra vinya. Nîwanyûrûrûkire Ashikeloni na akîûraga andû mîrongo îthatû kûu îtûûrarî. Nîwacokire akîmaruta nguo ciao irîa mbaro mûno na akîinenganîra kûrî andû arîa maataûrîte ndaî. Vuva wa ûguo, Samusoni nîwacokire mûciî arî mûrakaru.

Atir 14:4

Aciari a Samusoni matiamenyaga atî nî Ngai-Mûnene wendaga Samusoni eke ûguo. Ngai-Mûnene aacaragia kanya ga kûvûûra Afilisiti. Vîndî îo Afilisiti nîo maathaga Aisiraeli.

Atir 15:6

Rîrîa Afilisiti maaûrîrîrie mûndû ûrîa wekîte ûguo, nîmaamenyire atî nî Samusoni wekîte guo nîûndû mûthoniwe wa kuuma Timuna nîwocete mûka wa Samusoni na akamûvecana kûrî mûndû wîngî mûrata wa Samusoni. Kwoguo Afilisiti nîmaathiîre na makîvîvia mûndûmûka ûcio vamwe na andû a mûciî wao magîkua.

Atir 15:8

Samusoni nîwaûragire Afilisiti eengî mûno, na agîcoka agîkara ngurungarî ya îthiga rîrîa rîarî Etamu.