Atir 15:4 - ÎVUKU RÎA ÛVORO MWARO

⁴ Kwoguo Samusoni nîwathiîre na agîoca mbwe magana mathatû (300). Nîwaciovanirie na mîkia yacio igîrî igîrî, agîcoka akîoverera kîmûrî Kîam mwaki wa îkundorî rîa mîkia yacio.

Atir 15:4 ပူးပေါင်းရင်းမြစ်များ

2Sam 14:30

Abusalomu nîwacokire akîîra ndungata ciake atîrî, “Taroriani mûgûnda wa Joabu ûrîa ûriganîtie na wakwa mwone ûrî na cairi irakûra. Thiîni na mûûmundie mwaki.” Kwoguo ndungata cia Abusalomu nîciathiîre na ikîmundia mûgûnda ûcio mwaki.

Thaburi 63:10

Makaaûragîrwa mbaararî, nayo mîîrî yao îkaarîwa nî ciathi.

Nthi 26:18

Mûndû ûrîa ûveenagia mûndû ûrîa wîngî akînamwîra atî nîkwa akûthakaga,

Rwîmbo rwa Nyîmbo 2:15

Tûnyitîreni mbwe, mbwe irîa nini, itanacûkangia mîthavibu îkîthundia.”

Isaia 7:4

Mwîre amenyerere, akirîrîrie, ndagetigîre na ndagakue ngoro nîûndû wa marakara meengî ma Rezini, mûthamaki wa Sîria na ma Peka, mûvîcî wa Remalia. Andû acio aîrî mekariî ta ndogo ya ngû ikîvora mwaki.

Maca 5:18

nîûndû kîrîma gîa Zayuni nîgîatiganîrue, rîu nî mbwe itûûraga kuo.

Atir 15:3

Nake Samusoni nîwamerire atîrî, “Vîndî îno, nie ndikaaûrua nîûndû wa maûndû marîa ngwîka Afilisiti!”

Atir 15:5

Nîwacokire akîmundia mwaki imûrîrî icio na akîrekereria mbwe icio ithiî mîgûndarî ya Afilisiti îrîa yarî na ngano. Nîciavîvirie ngano irîa ciarî ngethe na irîa itarî ngethe, wa vamwe na mîgûnda yao ya mîthavibu.