Atir 15:19 - ÎVUKU RÎA ÛVORO MWARO

¹⁹ Ngai nîwatûmire nthî îgîe na karima kûu Lehi na manjî makiumîrîra karimarî kau. Samusoni nîwanyuire manjî mau na akîambîrîria kwîgua waro. Kwoguo kathima kau nîgeetirwe Eni-hakore. Kathima kau gatûûraga kûu Lehi nginya ûmûnthî.

Atir 15:19 ပူးပေါင်းရင်းမြစ်များ

Kîam 16:13

Hagari nîweyûririe atîrî, “Nîkwa monete Ngai na ngatûûra mwoyo?” Kwoguo Hagari nîwetire Ngai-Mûnene ûcio wamwarîrie, “Ngai ûrîa wonaga.”

Kîam 28:19

Nîwacokire agîtuîrîra vandû vau rîîtwa Betheli. (Nwatî îtûûra rîu mbere rîetagwa Luzi).

Kîam 30:30

Nîûndû mbere ya mbûke gwaku ndîthia ciaku itiarî nyîngî, nwatî rîu nîciîngîvîte mûno na Ngai-Mûnene nîarakûrathimaga kûrîa kuonthe nîrathiîcaga. Nwatî rîu nî kavinda ga kûthûkûmîra mûciî wakwa.”

Kîam 45:27

Nwatî rîrîa maamûvere ûvoro wonthe ûrîa Josefu aamerîte, na ona ikaari cia mbarathi irîa Josefu aatûmîte cia kûmûkuua, Jakovu nîwegwire agîa na vinya ngoro.

Thaburi 110:7

Mûthamaki nîakaanyua manjî karûnjîrî karî rûtere rwa njîra; na nîakaathiî kîthûri kîrî mbere nîûndû wa kûvootana.

Thaburi 120:1

Rîrîa naarî mathînarî nînakaîre Ngai-Mûnene, nake akîmbîgua.

Thaburi 34:6

Andû arîa athîni mamwîtaga na nîegucaga; na nîamavonokagia kuuma mathînarî mao monthe.

Thaburi 50:15

Mbîtaga vîndî îrîa wanyitwa nî thîna; nîngaakûvonokia nawe nîûkaangumia.”

Ntha 17:15

Musa nîwatumire metha ya kîgongoona na akîmîtuîra rîîtwa “Ngai-Mûnene nîke vendera yakwa.”

Isaia 40:26

Taroriani îgûrû mwone! Nû waûmbire indo icio cionthe? Nî ûrîa ûitongoragia ta athigari ake a mbaara, nîaicî cionthe ûrîa ciîgana, aciîtaga cionthe na marîîtwa ma cio. Gûtirî wanarî kîndû kîmwe kîthagîrwa gîtarî vo, nîûndû Ngai-Mûnene arî vinya nyîngî.

Isaia 40:29

Nîavecanaga vinya kûrî arîa athiru vinya, nake ûrîa ûtarî na ûvoti nîamwongagîrîra vinya.

Isaia 44:3

“Nîûndû nîngetîrîria manjî vûrûrirî ûrîa mûnyondu, na mbîkîre nyûnjî vûrûrirî ûrîa mûmû. Nîngetîrîria njiarwa ciaku Roho wakwa, na mbîtîrîrie ciana ciaku irathimo ciakwa.

Ndari 20:11

Musa nîwacokire agîûkîrîria mûragi wake na akîringa îthiga rîu naguo maita maîrî. Namo manjî meengî mûno nîmaaumire îthigarî rîu. Nao andû onthe a Isiraeli vamwe na ndîthia ciao nîmaanywire manjî.

Atir 15:9

Afilisiti nîmaathiîre na makîamba magema mao kûu Juda, na makîtharîkîra îtûûra rîa Lehi.

1Sam 30:12

kîenyûa Kîam ngûû irî nyûmithie, na icunjî igîrî cia thavibu. Na rîrîa aarîkirie kûrîa, ke nîwacokirwe nî vinya nîûndû ndaarîte irio kana anyua manjî kwa îvinda rîa mîthenya îthatû.