Atir 15:18 - ÎVUKU RÎA ÛVORO MWARO

¹⁸ Samusoni nîwacokire akînyonda mûno, kwoguo nîwetire Ngai-Mûnene na akîmwîra atîrî, “Nîwe ûmvotithîtie kûvootana na ûvootani mûnene ûguo. Rîu nîkwa ûrenda ngue nî nyonda na nyitwe nî Afilisiti aya mataruaga?”

Atir 15:18 ပူးပေါင်းရင်းမြစ်များ

Kîam 20:11

Iburahimu nîwacokirie atîrî, “Nie nekire ûguo nîûndû neciragia gûkû gûtingîthîrwa kûrî na mûndû wîtigîrîte Ngai, na atî nwambûragwe nîûndû wa mûka wakwa.

Kîam 32:31

Riûa nîrîarathire Jakovu arî njîrarî aumîte Penieli, na nîwathuaga nîûndû ngunguro yake yarî mvenûku.

2Sam 1:20

Mûtikavecane ûvoro ûcio kûu Gathu, kana mûûvecana njîrarî cia Ashikeloni. Mûtigatûme erîtu a Afilisiti makena, mûtigatûme erîtu a andû arîa mataruaga makena.

Johana 19:28

Jesû nîwaicî atî vuva wa ûguo maûndû monthe maarî marîku. Na nîguo mandîko matheru mavinge nîwaugire atîrî, “Nie nîrî mûnyondu.”

Ahib 11:32

Nie nîmbuga atîa wîngî? Gûtirî na mavinda meganu ma kûgweta ûvoro wa Gideoni, Baraki, Samusoni, Jefitha, Daudi, Samueli na arathi.

Atir 14:3

Nwatî îthe na ng'ina nîmaamûririe atîrî, “Ûrenda kûvikia mûndûmûka kuuma kûrî Afilisiti arîa matarî aruu nîkî? Nîkwa ûtangîthuura mûndûmûka kuuma kûrî andû a mbarî yetû, kana gatagatîrî ka andû etû onthe?” Nwatî Samusoni nîwerire îthe na ng'ina atîrî, “Nîrenda mûngîrîre ûcio nîûndû nîke mendete mûno.”

Atir 15:17

Rîrîa aarîkirie kuga ûguo, nîwatere îvîndî rîa rûthîa rwa mvunda rîu aarî narîo. Vandû vau ûndû ûcio wekîkîre veetirwe Ramathu Lehi

Atir 16:28

Samusoni nîwacokire akîvoya kûrî Ngai-Mûnene akiuga atîrî, “Ûûi, Mwathani Ngai-Mûnene, nakûthaitha ûndirikane. Nakûthaitha we Ngai, ûnjokerie vinya wakwa rîngî nîguo na njîra ya îringa rîîrî rîmwe mvote kwîrîvîrîria kûrî Afilisiti nîûndû wa kûngûûra metho moîrî.”

Atir 8:4

Vîndî îo Gideoni na andû ake magana mathatû maarî akinyu rûnjîrî rwa Jorodani na makarûringa. Maarî athiru vinya, nwatî nwa maarûmîrîrîtie nthû ciao na îvenya.

1Sam 17:26

Daudi nîwaûririe andû arîa maarî vakuvî nake atîrî, “Mûndû ûrîa ûkaaûraga Mûfilisiti ûyû na athengutîrie Isiraeli gîconoko gîkî-rî, akaavewa ndûî? Mûfilisiti ûyû ûtarî mûruu nîkwa arî ûrîkû ke atî nîguo anyararithie athigari a Ngai ûrîa ûtûûraga mwoyo?”

1Sam 17:36

Nîmbûragîte mînyambû na ngatûnyi, na ûguo nwaguo ngwîka Mûfilisiti ûyû ûtarî mûruu ûrîa ûnyararithîtie athigari a Ngai ûrîa ûtûûraga mwoyo.

1Sam 27:1

Daudi nîweîrire na ngoro atîrî, “Mûthenya ûmwe Saûlo nîakambûraga. Kwoguo ûndû ûrîa mwaro makîria nîngîka nî kûra nthiî vûrûrirî wa Afilisiti. Vîndî îo Saûlo nîagaatiga kûnjaria kûu vûrûrirî wonthe wa Isiraeli, na ngethîrwa nîrî mûgitîre kuuma kûrî ke.”