Atir 15:11 - ÎVUKU RÎA ÛVORO MWARO

¹¹ Kwoguo arûme ngiri ithatû (3,000) a Juda nîmaathiîre ngurungarî ya îthiga rîa Etamu na makîra Samusoni atîrî, “Nîkwa ûtaicî atî Afilisiti nîo matwathaga? Nîkwa ûtûîkîte atîa?” Nake Samusoni nîwamacokerie atîrî, “Nîramekire wata ûrîa wanao maambîkire.”

Atir 15:11 ပူးပေါင်းရင်းမြစ်များ

1Maû 4:3

Avîcî a Etamu maarî Jezireeli, Ishima, na Idibashi. Nake mwarî eetagwa Hazeleliponi.

Alawi 26:25

Nîngaarekereria nthû cienyu irûe namue nîguo nîmûverithie nîûndû wa kûrega kûvingia kîrîkanîro gîetû. Na wana mwaûngana vamwe matûûrarî menyu nîguo mûgitîrwe, nî ngaamûtûmîra mûrimû mûcûku mûno wa kûûraga andû eengî mûno gatagatîrî kenyu na nî ngaamûrekereria kûrî nthû cienyu.

Gûco 28:13

Ngai-Mûnene nîakaamûtua a mbere nwatî tî a mûthiia. Maûndû menyu makethagîrwa makîthiî na mbere na matigaacoka na vuva, ethîrwa nî mûkwathîkîra maathani ma Ngai-Mûnene Ngai wenyu marîa ngûmwatha ûmûnthî na mûmavingagie na kinyi.

Gûco 28:43

“Ageni arîa matûûraga vûrûrirî wenyu nîmakaathiî na mbere kûgîa na vinya kûmûkîra, namue nîmûkaathiî na mbere kûthirwa nî vinya.

Atir 13:1

Andû a Isiraeli nîmeevîrie Ngai-Mûnene rîngî, nake Ngai-Mûnene nîwamarekererie wathanirî wa Afilisiti îvinda rîa mîaka mîrongo îna.

Atir 14:4

Aciari a Samusoni matiamenyaga atî nî Ngai-Mûnene wendaga Samusoni eke ûguo. Ngai-Mûnene aacaragia kanya ga kûvûûra Afilisiti. Vîndî îo Afilisiti nîo maathaga Aisiraeli.

Atir 15:10

Nao andû a Juda nîmaaûririe Afilisiti atîrî, “Mûratûtharîkîra nîkî?” Nao nîmaacokirie atîrî, “Tûraûkire kûnyita Samusoni nîguo tûmwîke wata ûrîa wanake aatwîkire.”

Atir 15:12

Arûme acio a Juda nîmeerire Samusoni atîrî, “Tûkire gûkû nîguo tûkûove na tûkûvire kûrî Afilisiti.” Nake Samusoni nîwamerire atîrî, “Îîvîteni kûrî nie atî, mue ene tîmûmbûraga.”