Atir 14:6 - ÎVUKU RÎA ÛVORO MWARO

⁶ Roho wa Ngai-Mûnene nîwamûnyûrûrûkîre na vinya wa rîmwe na agîtucanga mûnyambû ûcio tûcunjî ta ûrîa mûndû atucangaga koori ka mbûri. Nwatî ndeera aciari ake ûrîa eekîte.

Atir 14:6 ပူးပေါင်းရင်းမြစ်များ

Thaburi 91:13

Nîûgaakinyanga mînyambû na ciîmvuva, nîûgaakinyanga twana twa mînyambû na twa njoka.

Isaia 42:2

Ndîkaanîrîra kana yugîrîria, kana îtûma mûgambo wayo wîguîka njîrarî.

Zakaria 4:6

Nake mûraika ûcio nîwambîrire nginyîrie Zerubabeli ndûmîrîri îno yumîte kûrî Ngai-Mûnene mwene vinya wonthe nîmwîre atîrî, “Ndûkaavootana nîûndû wa vinya kana ûvoti waku, nwatî ûkaavotithua nî Roho wakwa.”

Mathaayo 11:29

Ocani îcoki rîakwa mwîkîre na mwîrute na nie, nîûndû nie nîrî mûvoreri na nîmwînyivia ngororî yakwa na nîmûkûvurûka.

Ahib 11:33

Na njîra ya wîtîkio nîmaarûire na mavûrûri monthe na makîmavoota. Nîmeekire ûrîa kwagîrîrîte na Ngai nîwamavere kîrîa aamerîrîte. Nîwavingire tûnyua twa mînyambû,

1Joh 3:8

Mûndû wa wonthe wîvagia nî wa Ngoma nîûndû Ngoma îtûûraga îvagia kuuma wa Kîammbîrîria. Kîrîa gîatûmire Mûriû wa Ngai aûke, nî gûcûkangia wîra wa Ngoma.

Atir 11:29

Roho wa Ngai-Mûnene nîwacokire ûgîtonya kûrî Jefitha, nake nîwaumire kûu akîvîtûkîra Gileadi na Manase na agîcoka Mizipa kûu Gileadi na akîthiî nginya agîkinya Amoni.

Atir 13:25

Naguo Roho wa Ngai-Mûnene nîwambîrîrie kûmwîkîra vinya arî kûrîa mbarî ya Dani yambîte magema gatagatî ka Zora na Eshitaoli.

Atir 14:19

Roho wa Ngai-Mûnene nîwamûnyûrûkîre wa rîmwe na ûkîmwîkîra vinya. Nîwanyûrûrûkire Ashikeloni na akîûraga andû mîrongo îthatû kûu îtûûrarî. Nîwacokire akîmaruta nguo ciao irîa mbaro mûno na akîinenganîra kûrî andû arîa maataûrîte ndaî. Vuva wa ûguo, Samusoni nîwacokire mûciî arî mûrakaru.

Atir 14:5

Samusoni nîwacokire makîthiî Timuna marî na aciari ake. Rîrîa maakinyire mîgûndarî ya mîthavibu kûu Timuna, Samusoni nîwegwire kaana ka mûnyambû gaûkîte kûrî ke gakîraramaga.

Atir 14:7

Nîwacokire akîthiî na makîaria na mûndûmûka ûcio na Samusoni akîmwenda.

Atir 15:15

Nîwacokire akîona îvîndî rîa rûthîa rwa mvunda yakuîte îvinda rîtaarî îraca. Nîwarîocire na akîûraga arûme ngiri îmwe narîo.

Atir 15:8

Samusoni nîwaûragire Afilisiti eengî mûno, na agîcoka agîkara ngurungarî ya îthiga rîrîa rîarî Etamu.

Atir 16:30

na akiugîrîria atîrî, “Nîrokucanîria vamwe na Afilisiti!” Nîwatindîkire nyomba îo na vinya wake wonthe na îkîgwîra athamaki vamwe na andû onthe arîa maarî ndaarî. Kwoguo andû arîa Samusoni aaûragire vîndî ya gûkua gwake maarî eengî gûkîra arîa aaûragîte arî mwoyo.

Atir 3:10

Othinieli nîwecûrirwe nî Roho wa Ngai-Mûnene na agîtuîka mûtongoria wa andû a Isiraeli. Nîwathiîre mbaararî na Ngai-Mûnene akîmûvotithia kûvoota mûthamaki Kushani Rishathaimu wa Mesopotamia.

1Sam 10:16

Nake Saûlo nîwacokirie na akîîra mamawe atîrî, “Samueli nîwatwîrire cararûkû atî, mvunda ciarî moneku.” Nwatî Saûlo ndeera mamawe ûrîa Samueli aarîtie ûvoro wîgiî Saûlo gûtuîka mûthamaki.

1Sam 10:6

Nake Roho wa Ngai-Mûnene agaûka îgûrû rîaku na vinya wa rîmwe na ûgarûrûke ûtuîke mûndû wîngî. Nawe ûkanyitanîria nao na wambîrîrie kwina ugîrîrîtie.

1Sam 11:6

Rîrîa Saûlo eguire ûguo, Roho wa Ngai nîwaûkire na ûkîmûnyita na vinya na akîrakara mûno.

1Sam 14:1

Mûthenya ûmwe Jonathani, mûvîcî wa Saûlo nîwerire mwanake ûrîa wamûkuuagîra indo ciake cia mbaara atîrî, “Ûka, tûthiî mûringo ûrîa wîngî kûrîa Afilisiti marî.” Nwatî Jonathani ndeera îthe Saûlo ûguo.

1Sam 17:46

Ûmûnthî Ngai-Mûnene nîakûmva we, ngûvoote na ngûnuke kîongo na njoke mve iconi na nyamû cia kîthaka ciimba cia athigari a Afilisiti irîe, nîguo andû a nthî mamenye atî Isiraeli kwîthagîrwa kûrî na Ngai.