Atir 14:15 - ÎVUKU RÎA ÛVORO MWARO

¹⁵ Mûthenyarî wa kana, nîmeerire mûka wa Samusoni atîrî, “Thaîrîria mûthuuriguo nîguo atwîre ûrîa ndaî îo îrauga. Warega nîkwa tûgûkûvîvia mûrî na andû a mûciî waku. Nîkwa mwatwîtire gûkû nîguo mwîe indo cietû?”

Atir 14:15 ပူးပေါင်းရင်းမြစ်များ

Nthi 1:11

Mangîkwîra atîrî, “Ûka tûthiî tûkethithîre andû tûmaûrage, tûthiî tûkovere andû matarî na mavîtia gûtarî na gîtûmi!

Nthi 5:3

Nîûndû mîromo ya mûndûmûka mûmaramaru îrî mûrîo ta ûûkî, ciugo ciake nî nyoroku gûkîra maguta.

Nthi 6:26

Mûmaraa nwa arîvwe na thogora wa thaani ya irio, nwatî kûtharia na mûndûmûka wene, gûtûmaga mûndû aûrwe nî indo ciake cionthe.

Mika 7:5

Ndûkevoke mûndû ûrîa wîngî, kana wîtîkie mûrata waku. Menyagîrîra ûrîa ûkwaria wana ethîrwa ûrarîa na mûkaguo.

Atir 12:1

Andû a Efiraimu nîmaaûnganire vamwe na makîîvarîria kûrûa. Nîmaaringire Rûnjî rwa Jorodani na makîthiî Zafoni na nîmaaûririe Jefitha atîrî, “Ûvîtûkire mûvaka wathiî kûrûa na Aamoni nîkî na ndûnatwîta tûthiî nawe? Nîtûmundia nyomba yaku mwaki tûkûvîvîrie ndaarî!”

Atir 14:14

Nake nîwamerire atîrî, “Kuuma kûrî mûrîcani nîkwaumire irio, kuuma kûrî ûcio ûrî vinya nîkwaumire mûrîo.” Anake acio matiavotete gûtaûra ndaî îo kwa îvinda rîa mîthenya îthatû.

Atir 15:6

Rîrîa Afilisiti maaûrîrîrie mûndû ûrîa wekîte ûguo, nîmaamenyire atî nî Samusoni wekîte guo nîûndû mûthoniwe wa kuuma Timuna nîwocete mûka wa Samusoni na akamûvecana kûrî mûndû wîngî mûrata wa Samusoni. Kwoguo Afilisiti nîmaathiîre na makîvîvia mûndûmûka ûcio vamwe na andû a mûciî wao magîkua.

Atir 16:5

Athamaki a Filisiti nîmaathiîre kûrî Delila na makîmwîra atîrî, “Veenereria Samusoni nîguo akwîre kûrîa vinya ûcio wake mûnene ûguo umaga na ûrîa tûngîmûvoota, tûmûthaîke na tûmûthirie vinya. Natue tûgaakûva wa mûndû tûcunjî ngiri îmwe na îgana rîmwe twa sîlûva.”