Atir 14:11 - ÎVUKU RÎA ÛVORO MWARO

¹¹ Rîrîa Afilisiti moonire Samusoni, nîmaatûmire anake mîrongo îthatû (30) nîguo mathiî mekaranie nake.

Atir 14:11 ပူးပေါင်းရင်းမြစ်များ

Ayubu 41:6

Ategi a nthamaki nwa marîrîrie thogora wakîo? Avûri mbiacara nwa makîgaanie makîendie?

Rwîmbo rwa Nyîmbo 5:1

Nînatonya mûgûndarî wakwa, mwendwa wakwa, mûviki wakwa. Nîraûngania mînyamû mînungi waro ya mare yakwa. Nîrarîa ûûkî wakwa na mago. Nîranyua ndivei yakwa na îriia. Arata, rîani na mûnyue, nginya mûrîwe nî wendo!

Mathaayo 9:15

Nake Jesû nîwamacokerie atîrî, “Mûreciria atî andû arîa metîtwe ûvikirî nwa megue kîeva vîndî îrîa marî vamwe na mûvikania? Ûguo gûtingîvotekeka. Nwatî mûthenya nîûgaakinya rîrîa mûvikania akaathengutua gatagatîrî kao, na vîndî îo nîmakenyerekia.

Johana 3:29

Mûvikania nîke wîthagîrwa arî ke mwene mûviki, nwatî rîrîa mûrûngamîrîri wa ûviki arûngamîte vakuvî na mûvikania na akamûthikîrîria, nî ecûragwa nî gîkeno egua mûvikania akîaria. Na rîu gîkeno gîakwa nîgîcûru.

Atir 14:10

Îthe wa Samusoni nîwathiîre kûgîra mûndûmûka ûcio na Samusoni akîthondeka kîrugo kuo kûringana na mîtugo ya anake.

Atir 14:12

Samusoni nîwerire anake acio atîrî, “Nîngûmûgwatithia ndaî. Ethîrwa nîmûkûndaûrîra yo mîthenyarî îno mûgwanja ya kîrugo Kîam ûviki, nîngaamûva nguo mîrongo îthatû mbaro mûno na ciîngî mîrongo îthatû cia gûcenjia.

1Sam 10:23

Kwoguo nîmaavinyûrire na makîgîra Saûlo; na rîrîa Saûlo aarûngamire gatagatîrî ka andû, akîoneka arî mûraca gûkîra andû acio engî onthe kuuma cianderî ciake gûcoka mwena wa îgûrû.

1Sam 16:6

Rîrîa maakinyire, Samueli nîwaroririe mûvîcî wa Jesii ûrîa wetagwa Eliabu na akîîra na ngoro atîrî, “Nama mûndû ûyû ûrûngamîte ava mbere ya Ngai-Mûnene nîke athuurîte.”