Atir 13:3 - ÎVUKU RÎA ÛVORO MWARO

³ Mûraika wa Ngai-Mûnene nîwaumîrîre mûndûmûka ûcio na akîmwîra atîrî, “Taroria, we ûtûîre ûrî nthata, nwatî îvinda rîtarî îraca nîûkûgîa îvu na nîûgaaciara kavîcî.

Atir 13:3 ပူးပေါင်းရင်းမြစ်များ

Kîam 17:16

Nîngûmûrathima na ndûme agûciarîre kavîcî, na ndûme atuîke ng'ina wa ndûrîrî nyîngî. Njiarwarî ciake nîgûkaauma athamaki.”

Kîam 18:10

Ngai-Mûnene nîwaugire atîrî, “Vuva wa mîeri kenda kuuma rîu, nîngaacoka, na mûkaguo Sara nîakaagîa na mwana wa kavîcî.” Sara aarûngamîte mûrangorî wa îgema arî vuva wa Iburahimu athikîrîrîtie.

Kîam 18:14

Kûrî ûndû Ngai-Mûnene atangîvota gwîka? Wata ûrîa nauga, nî ngaacoka vuva wa mîeri kenda kuuma rîu, na Sara nîakaagîa na kamwana.”

2Atha 4:16

na Elisha nîwamwîrire atîrî, “Vîndî ta îno mwaka mûku nîûkethîrwa ûrî na kaana gaku ga kavîcî.” Nake mûndûmûka nîwaugire atîrî, “Ûûi! Naarî mwathi wakwa, mûndû wa Ngai tiga kûmveenia!”

Luka 1:11

Zakaria arî kûu hekarûrî ndarî, mûraika wa Mwathani nîwamumîrîre na akîrûngama mwenarî wa ûrîo wa metha ya kîgongoona îrîa yavîvagîrua ûbani.

Luka 1:13

Nwatî mûraika ûcio nîwerire Zakaria atîrî, “Zakaria, ndûkegue guoya. Ngai nîwîguîte mavoya maku. Mûkaguo Elizabethi nîagûgûciarîra mwana wa kavîcî na ûkaagatuîra rîîtwa Johana.

Atir 13:10

Kwoguo nîwavinyûrire kûrî mûthuuriwe, na akîmwîra atîrî, “Taroria! Mûndû ûrîa waûkîte kûrî nie mûthenya ûrîa wîngî nîwanyumîrîra rîngî.”

Atir 13:15

Nake Manoa nîwerire mûraika wa Ngai-Mûnene atîrî, “Nakûthaitha ndûkathiî. Tiga tûkûrugîre koori.”

Atir 13:6

Nake mûndûmûka ûcio nîwathiîre na akîra mûthuuriwe atîrî, “Mûndû wa Ngai nîwaûka kûrî nie. Nîonekaga arî wa kûgegania ta mûraika wa Ngai. Nie ndinamûûria kûrîa araumîte na ndanambîra rîîtwa rîake.

Atir 13:8

Nake Manoa nîwavoire Ngai-Mûnene akiugaga atîrî, “Nakûthaitha, Ngai-Mûnene, tiga mûndû wa Ngai ûrîa watûmire aûke rîngî kûrî tue nîguo atwîre ûrîa twagîrîrwe nî gwîka na kavîcî kau rîrîa gagaaciarwa.”

Atir 2:1

Mûraika wa Ngai-Mûnene nîwathiîre Bokimu aumîte Giligali na akîra Aisiraeli atîrî, “Naamûrutire Misiri na ngîmûrete vûrûrirî ûrîa nerîîre methe menyu ma tene na mwîvîtwa atî nîngaamava. Naugire ndikauna kîrîkanîro gîetû namue.

Atir 6:14

Nake Ngai-Mûnene nîwamwathire na akîmwîra atîrî, “Thiî na vinya ûcio waku na ûvonokie Aisiraeli kuuma kûrîa Amidiani. Nînie nagûtûma.”

1Sam 1:20

Kwoguo vîndî îrîa kavinda kagîrîru gaakinyire, Hana nîwagîre nda na agîciara kavîcî. Ke aagatuîrîre rîîtwa Samueli na akiuga atîrî, “Nie naavoire Ngai-Mûnene amve ko.”