Atir 13:20 - ÎVUKU RÎA ÛVORO MWARO

²⁰ Rîrîa nînîmbî cia mwaki ciaunûkagia na îgûrû kuuma metharî ya kîgongoona, Manoa na mûka nîmoonire mûraika wa Ngai-Mûnene aunûkîtie na îgûrû arî nînîmbîrî cia mwaki. Manoa na mûka nîmeenamîrîrie mothiû mao nthî makîgooca na matiacoka kwona mûraika ûcio rîngî.

Atir 13:20 ပူးပေါင်းရင်းမြစ်များ

Kîam 17:3

Aburamu nîwakuamîrîrie na agîturumithia ûthiû wake nthî. Nake Ngai nîwamwîrire atîrî,

2Atha 2:11

Mathiîte wa ûguo wa makîaragia, wa rîmwe gîkaari Kîamrîrîmbûkaga ta mwaki kîgucîtue nî mbarathi ciarîrîmbûkaga ta mwaki nîgîaûkire karîgatî kao oîrî, na Elija nîwavirirwe îgûrû nî rûkûngi rûnene rwavurutanaga na vinya.

1Maû 21:16

Daudi nîwonire mûraika wa Ngai-Mûnene arûngamîte rîerarî gatagatî ka nthî na îgûrû agwete rûviû na njara rûrî rûcomore njûrarî na rûkîrîrîtue îgûrû rîa Jerusalemu. Daudi na athuuri, mekîrîte nguo cia macakaya nîmegwîthirie na magîturumithia mothiû mao nthî.

1Maû 21:21

Orinani ona mûthamaki Daudi aûkîte, nîwaumire vau îtîrirî na nîwenamîrîrie na agîturumithia ûthiû wake nthî vau mbere ya Daudi.

1Maû 21:26

Daudi nîwatumire metha ya kîgongoona ya Ngai-Mûnene vau na nîwarutire matega ma kûvîvua na matega ma thayû. Nîwavoire na Ngai-Mûnene nîwamûcokerie mavoya make na njîra ya gûtûma mwaki kuuma îgûrû na ûkînyûrûrûka ûkîvîvia matega mau.

Thaburi 47:5

Ngai nîaunûkîtie athiîte gîtîrî gîake Kîam ûthamaki, arakûngûîrwa na gîkeno na tûrumbeta tûkîvuvagwa.

Ezek 1:26

Îgûrû rîa mûtambarûko ûcio nînonire kîndû gîekariî ta gîtî Kîam ûnene Kîam rangi wa erûû. Na ûrîa wekarîrîte gîtî kîu ekariî ta mûndû.

Ezek 1:28

Ûkengu ûcio warî na marangi ta ma mûkûngambura. Ûguo nîguo mûvano wa ûkengu wa riiri wa Ngai-Mûnene wekariî. Rîrîa nawonire nînegwîthirie ngîturumithia ûthiû nthî, na ngîgua mûgambo wambarîria.

Danieli 10:9

Na rîrîa neguire mûgambo wake nînaarivanire nthî na ngîkara vo ndurumithîtie ûthiû nthî ndakwîîgua.

Alawi 9:24

Wa rîmwe mwaki nîwaumire kûrî Ngai-Mûnene na ûkîvîvia îtega rîa kûvîvua vamwe na mathunya marîa maarî îgûrû rîa metha ya kîgongoona. Rîrîa andû onthe a Isiraeli moonire ûguo, nîmaaugîrîrie marî na gîkeno na makînamîrîria mothiû mao nthî.

Mathaayo 17:6

Rîrîa arutwa acio athatû megwire mûgambo ûcio, nîmaamakire mûno na magîturumithia mothiû mao nthî.

Ahib 1:3

Ke onanagia ûkengu wa riiri wa Ngai na akonania mûvano wa ma wa ûrîa Ngai ekariî. Nîanyitîrîte nthî yonthe na kiugo gîake kîrîa kîrî vinya. Vuva wa kûtheria mevia ma mûndû, nîwekarire mwena wa ûrîo wa Ngai mwene vinya wonthe kûu îgûrû.

Atir 6:19

Kwoguo Gideoni nîwathiîre gwake nyomba na akîruga koori na agîtûmîra kilo îkûmi cia mûtu kûruga mîgate îtarî mîkîre ndawa ya kwimbia. Nîwekîrire nyama gîkavurî, agîcoka agîkîra mûthûri nyûngûrî na akîvirîra mûraika wa Ngai-Mûnene vau aarî gîtinarî Kîam mûtî wa mûvuru.

Atir 6:21

Mûraika wa Ngai-Mûnene nîwacokire akîvutia nyama na mîgate îo na mûthiia wa mûragi ûcio aanyitîte na njara. Naguo mwaki nîwaumire îthigarî rîu na ûkîvîvia nyama na mîgate îo îtaarî mîkîre ndawa ya kwimbia; Mûraika wa Ngai-Mûnene nîwacokire akîûrîra.