Atir 12:5 - ÎVUKU RÎA ÛVORO MWARO

⁵ Andû a Gileadi nîmeenyitîre mariûko monthe ma rûnjî rwa Jorodani kûrîa andû a Efiraimu mangîaringîre rûnjî. Nake mûndû wa wonthe wa Efiraimu angîaugaga etîkîrue aringe, andû a Gileadi nîmaamûragia atîrî, “We ûrî Mûefiraimu?” Nake angîaugire, “Naarî,”

Atir 12:5 ပူးပေါင်းရင်းမြစ်များ

1Atha 11:26

Jeroboamu mûvîcî wa Nebati, Mûefiraimu wa îtûûra rîa Zereda ûrîa warî ndungata ya Solomoni, na ng'ina aarî mûndûmûka wa ndigwa wetagwa Zeruia, wanake nîwareganire na Solomoni.

Josh 2:7

Kwoguo andû a mûthamaki nîmaarûmîrîrie athigani acio na îvenya. Na rîrîa maaumire nja ya îtûûra kîvingo gîa îtûûra nîkîavingirwe. Nao nîmaamarûmîrîrie nginya varîa rûnjî rwa Jorodani rwaringagîrwa.

Josh 22:11

Nao andû acio engî a Isiraeli nîmeerirwe atîrî, “Tathikîrîriani! Andû a mûvîrîga wa Reubeni, Gadi na Manase a mwena wa îrathîro nîmatumîte metha ya kîgongoona îtûûrarî rîa Gelilothu mwena wetû wa rûnjî rwa Jorodani.”

Atir 12:4

Jefitha nîwacokire akîûngania vamwe arûme onthe a Gileadi, makîrûa na andû a Efiraimu na akîmavoota nîûndû andû a Efiraimu nîmaaugîte atîrî, “Mue andû a Gileadi aya mûtûûraga gatagatî ka Efiraimu mwatorokire kuuma Efiraimu mûkîthiî vûrûrirî wa Manase!”

Atir 12:6

nîmangîamwîraga atîrî, “Ta gweta kiugo gîkî, ‘Shibolethi’, nake akagweta, ‘Shibolethi,’ ” nîûndû ndangîavotaga gûkîgweta waro. Nîmaacokaga makamûnyita na makamûûragîra kûu mariûkorî ma Jorodani. Îvindarî rîu Aefiraimu ngiri mîrongo îna na igîrî (42,000) nîmaaûragirwe.

Atir 17:7

Vîndî îo kwarî na mwanake Mûlawi warî wa kuuma Bethilehemu ya Juda.

Atir 3:28

Ehudi nîwerire Aisiraeli atîrî, “Nûmîrîrani! Nîûndû Ngai-Mûnene nîamûvotithîtie kûvoota nthû cienyu, Amoabu.” Nao Aisiraeli nîmaamûrûmîrîre makîthiî na makîîgwatîra mariûko marîa Amoabu maaringagîra Jorodani na matietîkîria mûndû wanarî ûmwe aringe.

Atir 7:24

Gideoni nîwatûmire anjaama vûrûrirî wonthe ûrîa ûrî irîma wa Efiraimu makauge atîrî, “Nyûrûrûkani mûkarûe na Amidiani. Nyitani mariûko ma manjî nginya Bethibara kûu Jorodani nîguo Amidiani matikaringe.” Kwoguo andû onthe a Efiraimu nîmaaûnganire vamwe, na makînyita mariûko mau monthe nginya Bethibara kûu Jorodani.

1Sam 1:1

Kwarî mûthuuri wetagwa Elikana ûrîa warî wa mûvîrîga wa Efiraimu. Elikana aarî mûvîcî wa Jerohamu, Jerohamu aarî mûvîcî wa Elihu, Elihu aarî mûvîcî wa Tohu, Tohu aarî mûvîcî wa Zufu, Zufu aarî wa mûvîrîga wa Efiraimu. Elikana aatûûraga îtûûrarî rîa Rama vûrûri ûrîa wîthagîrwa ûrî irîma nyîngî wa Efiraimu.