Atir 12:3 - ÎVUKU RÎA ÛVORO MWARO

³ Rîrîa noonire atî tîmûmvonokia, nînevirire ûgwatirî wa gîkuû na nînaaringire ngîthiî kûrûa na Aamoni na Ngai-Mûnene nîwamvotithirie kûmavoota. Kwoguo mûkîte kûrî nie mûkîenda tûrûe namue nîkî?”

Atir 12:3 ပူးပေါင်းရင်းမြစ်များ

2Maû 13:12

Ngai arî natue arî mûtongoria wetû, nao athînjîri-Ngai marî na tûrumbeta nîguo matûvuve magîtwîta tûke tûrûe namue. Mue andû a Isiraeli, mûtikarûe na Ngai-Mûnene, Ngai wa methe menyu, nîûndû mûtîngîvootana!”

Ayubu 13:14

Nie nînîvarîrîtie, wana ethîrwa nî kûrwa nî mwoyo wakwa.

Thaburi 119:109

Mbîthagîrwa vîndî cionthe nîrî thînarî wa gîkuû, nwatî ndiriganagîrwa nî watho waku.

Aroma 16:4

Andû aya matietigîra gûkua nîguo mamvonokie. Nie nîngûcokia ngatho kûrî o, wana makanitha monthe ma andû a ndûrîrî nîmamacokeria ngatho.

Kûguû 12:11

Ariû na aarî a îthe wetû nî maavootire Ngoma na nthakame ya Gatûrûme na njîra ya ndûmîrîri îrîa maavunjirie. O matietigagîra gûkua, nîmeevarîrîtie kûvecana mîoyo yao.

Atir 11:27

Nie ndikûvîtîrîtie, nwatî we nîûramvîtîria nîûndû wa kwenda tûrûe nawe. Tiga Ngai-Mûnene ûrîa arî ke mûtucanîri, atwithanie ûmûnthî gatagatî ka andû a Isiraeli na andû a Amoni.”

Atir 12:2

Nwatî Jefitha nîwamerire atîrî, “Nie na andû akwa twarî avîtaniu na Aamoni. Rîrîa naamwîtire mûtiaûka kûmvonokia kuuma kûrî o.

Atir 12:4

Jefitha nîwacokire akîûngania vamwe arûme onthe a Gileadi, makîrûa na andû a Efiraimu na akîmavoota nîûndû andû a Efiraimu nîmaaugîte atîrî, “Mue andû a Gileadi aya mûtûûraga gatagatî ka Efiraimu mwatorokire kuuma Efiraimu mûkîthiî vûrûrirî wa Manase!”

Atir 9:17

Ririkanani atî, vava nîwamûrûîrîre na agîtonyia ûgwatirî wa gîkuû, na akîmûvonokia kuuma kûrî Amidiani.

1Sam 19:5

Nîweîkîrire ûgwatirî mûnene rîrîa aaûragire Goliathu na Ngai-Mûnene agîtûma Aisiraeli mavootane. Rîrîa wonire ûndû ûcio, we nîwakenire. Rîu we ûrenda gwîka ûndû ûyû mûcûku nîkî wa gwîtûrûra nthakame ya mûndû ûtarî na wîvia na njîra ya kûûraga Daudi vatarî na gîtûmi?”

1Sam 28:21

Nake mûndûmûka ûcio nîwacokire akîthiî kûrî Saûlo, na ona ûrîa aamakîte nîwamwîrire atîrî, “Mwathi wakwa, nînîîtonyirie ûgwatirî wa gîkuû rîrîa mbîtîkîrire gwîka ûrîa we ûmbîrire.