Atir 11:24 - ÎVUKU RÎA ÛVORO MWARO

²⁴ Îigîre kîrîa Kemoshi, ngai yaku îkûveete? Natue nîtwîgwatîra kûrîa Ngai-Mûnene, Ngai wetû atûvete.

Atir 11:24 ပူးပေါင်းရင်းမြစ်များ

1Atha 11:7

Solomoni nîwatumire vandû vatûgîru va kûgoocagîra Kemoshi, ngai îrîa îrî mûgiro ya Moabu, na vandû vatûgîru va kûgoocagîra Moleku, ngai îrîa îrî mûgiro ya Aamoni mwena wa îrathîro wa Jerusalemu.

Thaburi 44:2

ûrîa wengatire andû a ndûrîrî na vinya waku, na ûkiga andû aku mavûrûrirî ma andû acio; ûrîa waverithirie andû a mavûrûri mengî, na ûgîtûma andû aku mekindîrie.

Thaburi 78:55

Wa ûrîa andû ake maatonyaga vûrûrirî ûcio, nwaguo eengataga andû arîa maatûûraga kuo; nîwagaîre mîvîrîga ya Isiraeli vûrûri ûcio, na agîtûma andû a Isiraeli matûûre magemarî ma andû acio.

Jeremia 48:13

Nao andû a Moabu nîmagaaconoka nîûndû wa ngai yao Kemoshi, wata ûrîa andû a Isiraeli maaconokire nîûndû wa Betheli, ngai îrîa mevokete.

Jeremia 48:46

Mue andû a Moabu kaî mûrî na thîna-î! Andû arîa magoocaga Kemoshi onthe nîacûkangie! Ciana cienyu cionthe nîndave ikavirwa îthamîriorî.

Jeremia 48:7

We Moabu nîwevokire ûvoti waku na ûtonga waku, nwatî rîu wanawe nîûgatavwa; ngai yaku Kemoshi nîîkavirwa îthamîriorî, vamwe na athînjîri-Ngai na ndungata ciake.

Mika 4:5

Wa vûrûri ûgoocaga na ûkathîkîra ngai ya guo, nwatî tue tûkaagoocaga na tûkathîkîra Ngai-Mûnene, Ngai wetû tene na tene.

Ndari 21:29

Mue andû a Moabu mûrî arume! Mue andû a arîa mûgocaga Kemoshi mûrî acûkangie; ngai yenyu nîyatûmire arûme matuîke mbûrûrû, na aka matuîke mîgwate ya mûthamaki Sihoni wa Amori.

Gûco 18:12

Ngai-Mûnene Ngai wenyu nîathûrîte andû arîa mekaga maûndû mama macûku, na kîu nîkîo gîgûtûma engate andû arîa maatûûraga vûrûrirî ûrîa akûmûva nîguo mûwîgwatîre.

Josh 21:43

Ngai-Mûnene nîwavere andû a Isiraeli vûrûri wonthe ûrîa eerîrîte methe mao ma tene na mwîvîtwa atî nî akaamava. Kwoguo andû a Isiraeli nîmegwatîre vûrûri ûcio na magîtûûra kuo.

Josh 3:10

na nîmûkûmenya atî Ngai ûrîa ûtûûraga mwoyo arî vamwe namue nîûndû vîndî îrîa mûkaambîrîria gûtonya vûrûrirî ûcio nîakeengata andû a Kanaani, Ahiti, Ahivi, Aperizi, na Agirigashi, na avinyûrie Amori, na Ajebusi.

Atir 10:6

Aisiraeli nîmeevîrie Ngai-Mûnene rîngî. Nîmaagoocire Baali, Maashitarothu na ngai cia Moabu, Aamoni, na cia Filisiti. Nîmaatiganîrie Ngai-Mûnene na magîtiga kûmûtungatîra.

Atir 11:23

Kwoguo Ngai-Mûnene, Ngai wa Isiraeli nîwengatire Aamori nîguo mathengutîre andû ake Aisiraeli. Nîkwa ûkwenda kwîgwatîra vûrûri wetû?

Atir 2:1

Mûraika wa Ngai-Mûnene nîwathiîre Bokimu aumîte Giligali na akîra Aisiraeli atîrî, “Naamûrutire Misiri na ngîmûrete vûrûrirî ûrîa nerîîre methe menyu ma tene na mwîvîtwa atî nîngaamava. Naugire ndikauna kîrîkanîro gîetû namue.

Ruthu 1:15

Naomi nîwerire Ruthu atîrî, “Ta roria, mwîruguo nîwacoka kûrî andû ao na kûrî ngai ciake. Wa nawe rûmîrîra mwîruguo.”