Atir 10:18 - ÎVUKU RÎA ÛVORO MWARO

¹⁸ Marî wa kûu, atongoria a andû a Isiraeli nîmaambîrîrie kûrania o ene atîrî, “Nî ûrîkû ûkwambîrîria kûtharîkîra andû a Aamoni? Ûrîa ûgwîka guo nîke ûgûtuîka mûtongoria wa andû onthe arîa matûûraga Gileadi.”

Atir 10:18 ပူးပေါင်းရင်းမြစ်များ

Isaia 34:12

Gûtikaagîa na mûthamaki wa kwatha vûrûri ûcio, na gûtikethîrwa kûrî na anene vûrûrirî ûcio.

Atir 1:1

Vuva wa Joshua gûkua, Aisiraeli nîmaaûririe Ngai-Mûnene atîrî, “Gatagatîrî ka mîvîrîga yetû-î nî mûvîrîga ûrîkû ûkwîthîrwa ûrî wa mbere kûthiî kûrûa na Akanaani?”

Atir 10:17

Aamoni nîmaaûnganire na makîamba magema mao kûu Gileadi. Nao andû a Isiraeli makîûngana na makîamba magema kûu Mizipa îrîa îrî Gileadi.

Atir 11:1

Jefitha ûrîa warî Mûgileadi aarî mûthigari njamba. Nwatî ng'ina aarî mûmaraa nake îthe wa Jefitha eetagwa Gileadi.

Atir 11:11

Kwoguo Jefitha nîwathiîre marî na athuuri acio a Gileadi, na andû nîmaamûtuire mûtongoria na mûthamaki wao. Jefitha nîwaririe maûndû monthe marîa aarî namo kûu Mizipa arî mbere ya Ngai-Mûnene.

Atir 11:4

Vuva wa kavinda, andû a Amoni nîmaathiîre kûrûa na andû a Isiraeli.

Atir 12:7

Jefitha nîwatirîrîre vûrûri wa Isiraeli îvinda rîa mîaka îtandatû. Nîwacokire agîkua na akîthikwa mûciî gwake kûu îtûûrarî rîa Gileadi.

1Sam 17:25

Nao nîmeeranire atîrî, “Taroriani mûndû ûyû! Na ma ke aûka kûnyararithia andû a Isiraeli. Mûthamaki Saûlo nîwîranîrîte atî mûndû ûrîa ûkaamûraga, nîakaamûva kîveo kîene. Mûthamaki nîagaacoka amûve mwarî amûvikie na andû a mûciî wa îthe matigaacoka kûrîva gooti kûu vûrûri wa Isiraeli.”