Atir 1:7 - ÎVUKU RÎA ÛVORO MWARO

⁷ Adonibeseki nîwacokire akiuga atîrî, “Nîkwarî na athamaki mîrongo mûgwanja maatinîtue ciara irîa nene cia njara wana cia magûrû. Athamaki acio moocanagia rwîtîki rungu rwa metha yakwa makîrîcaga. Wata ûrîa nekire andû, nwaguo Ngai ambîka.” Adonibeseki nîwacokire akîvirwa Jerusalemu, kûrîa aakuîrîre.

Atir 1:7 ပူးပေါင်းရင်းမြစ်များ

1Atha 21:19

Ûmwîre, nie Ngai-Mûnene namwîra atî, ‘Vuva wa kûûraga Nabothi, nîkwa ûrenda gwîyocera indo ciake wanacio?’ Ûmwîre nauga, atî ‘vandû wa varîa nthakame ya Nabothi yetîkire na îgîcûnwa nî ngui nwavo igaacûnîra nthakame yaku!’ ”

Ntha 29:20

Ûkaamîûraga, na woce nthakame îmwe yayo na ûmîvake rûrengorî rwa gûtû kwa ûrîo kwa Aroni, Kîamra kîrîa kînene Kîam njara yake ya ûrîo, na Kîamra kîrîa kînene gîa kûgûrû gwake kwa ûrîo. Ûgeka wa ûguo kûrî avîcî a Aroni. Nthakame îrîa îgaatigara ûkaamîtûrûra mîenarî yonthe ya metha ya kîgongoona.

Isaia 33:1

Kaî we mûcûkangia ûyû, wî thînarî-î! Ûcûkangagia na ndûcûkangagua, we wîkaga maûndû macûku, na gûtirî mûndû ûgwîkaga maûndû macûku! Rîrîa ûkaathiria gûcûkangia, wanawe nîûgaacûkangua! Rîrîa ûkaathiria gwîka andû maûndû macûku, wanawe nîûgekwa maûndû macûku.

Zefania 3:19

Taroria, vîndî îo nîrîo ngaaverithia arîa onthe makûvinyagîrîria. Nîngaavonokia arîa onthe cionje na nyûnganie arîa onthe matetwe. Nîngaagarûra gîconoko Kîamo gîtuîke ûkumio wao, na ndûme mamenyeke nthî yonthe.

Aroma 2:15

Maûndû marîa mekaga nîmonanagia atî maûndû marîa watho ugîte nîmandîke ngororî ciao. Nacio thamiri ciao nîcionanagia ûguo nî ma nîûndû mavinda mamwe meciria mao nîmamacirithagia na mavinda meengî makamaûmîrîria.

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.

Kûguû 13:10

Mûndû wa wonthe ûrîa ûtuîrîtwe kwovwa njeera, nwa nginya ovwe. Mûndû wa wonthe ûtuîrîrîtwe kûûragwa na rûviû, nwa nginya aûragwe na rûviû. Ûguo nîkuga andû a Ngai magîrîrwe nî kûmîrîria na kûgîa na wîtîkio.”

Kûguû 16:6

Nîûndû andû acûku nîmetûrûrire nthakame ya andû a Ngai na ya arathi. Kwoguo nîwamava nthakame manyue, nîûndû ûguo nîguo magîrîrwe!”

Atir 1:6

Adonibeseki nîwaûrire, nwatî andû a mûvîrîga Juda na wa Simioni nîmaamûvinyûririe, makîmûnyita na makîmûtinia ciara irîa nene cia njara na cia magûrû.

Atir 9:24

Ûndû ûyû wekîkire nîguo wîvia ûrîa wekirwe wa kûûraga avîcî mîrongo mûgwanja a Gideoni ûrîvîke. Nayo nthakame yao îgîcokerera Abimeleki na andû a Shekemu acio maamwîkîrire vinya nîguo aûrage aa mûrwang'ina.

Atir 9:57

Ngai nîwacokire agîtûma andû a Shekemu manyitwe nî waganu wao o ene. Nîmaanyitirwe nî kîrumi kîrîa Jothamu mûvîcî wa Gideoni aarumanîte.

1Sam 15:33

Nake Samueli nîwerire Agagi atîrî, “Wata ûrîa rûviû rwaku rwa njûra rwanatûma aka eengî matigwe matarî na ciana, ûguo nwaguo rîu nyûkwe agûtigwa atarî na mwana.” Nake Samueli agîtinangia Agagi tûcunjî mbere ya metha ya kîgongoona kûu Giligali.