Atir 1:6 - ÎVUKU RÎA ÛVORO MWARO

⁶ Adonibeseki nîwaûrire, nwatî andû a mûvîrîga Juda na wa Simioni nîmaamûvinyûririe, makîmûnyita na makîmûtinia ciara irîa nene cia njara na cia magûrû.

Atir 1:6 ပူးပေါင်းရင်းမြစ်များ

Esita 8:12

Watho ûyû wagîrîrwe nî kûvingua mavûrûrirî monthe marîa mûthamaki aathanaga. Mageeka ûguo mûthenya wa îkûmi na kathatû wa mweri wa Adari na nîguo mweri wa îkûmi na kaîrî.

Thaburi 107:40

nîwanyararire atongoria arîa maamavinyagîrîria, na agîtûma maûrûre werûrî kûndû gûtarî njîra.

Thaburi 149:8

Nîmove athamaki ao na nyororo, na move atongoria ao na mvîngû cia cuuma;

Thaburi 59:11

Ndûkamaûrage wa rîmwe, nîûndû andû akwa nwa mariganîrwe, manyaganie na vinya waku na ûmavoote, we Mwathani, we nîwe ûtûgitagîra.

Ntha 14:26

Ngai-Mûnene nîwacokire akîra Musa atîrî, “Tambûrûkia njara yaku îgûrû rîa Îria, nîguo manjî macokanîrîre makunîkîre andû a Misiri, na ngari ciao cia mbarathi na atwari a cio.”

Ntha 21:24

riitho rîrîvagwe na riitho, îgego rîrîvagwe na îgego. Njara nîîrîvagwe na njara, na kûgûrû kûrîvagwe na kûgûrû,

Ntha 29:20

Ûkaamîûraga, na woce nthakame îmwe yayo na ûmîvake rûrengorî rwa gûtû kwa ûrîo kwa Aroni, Kîamra kîrîa kînene Kîam njara yake ya ûrîo, na Kîamra kîrîa kînene gîa kûgûrû gwake kwa ûrîo. Ûgeka wa ûguo kûrî avîcî a Aroni. Nthakame îrîa îgaatigara ûkaamîtûrûra mîenarî yonthe ya metha ya kîgongoona.

Jeremia 34:17

Kwoguo nie Ngai-Mûnene nîrauga atî, mue mûtiambathîkîra na njîra ya kûrekereria andû enyu a Isiraeli. Kwoguo nie nîngûmûrekereria mûragwe nî mbaara, mîrimû na yûra. Nîngatûma mothamaki monthe ma nthî mamake nîûndû wa maûndû marîa ngûmwîka.

Jeremia 50:15

Riugîrîrieni na mîena yonthe, îtûûra rîa Babuloni nîrîvecanîte; nthingo ciarîo nînyomomore. Nîûndû nie Ngai-Mûnene nîkwa nîrerîvîrîria, wana mue îrîvîrîrieni; mekeni wata ûrîa wanao meekire mavûrûri marîa mengî.

Josh 15:16

Kalebu nîwacokire akiuga atîrî, “Mûndû ûrîa ûkaavota kûnyita îtûûra rîa Kiriathi-seferi nîngaamûva Akisa atuîke mûka.” Akisa aarî mwarî wa Kalebu.

Atir 1:5

Nîmaacemanirie na Adonibeseki kûu Bezeki na makîrûa nake.

Atir 1:7

Adonibeseki nîwacokire akiuga atîrî, “Nîkwarî na athamaki mîrongo mûgwanja maatinîtue ciara irîa nene cia njara wana cia magûrû. Athamaki acio moocanagia rwîtîki rungu rwa metha yakwa makîrîcaga. Wata ûrîa nekire andû, nwaguo Ngai ambîka.” Adonibeseki nîwacokire akîvirwa Jerusalemu, kûrîa aakuîrîre.