Atir 1:34 - ÎVUKU RÎA ÛVORO MWARO

³⁴ Amori nîmeengatire na vinya andû a mûvîrîga wa Dani na makîthiî vûrûrirî ûrîa ûrî irîma na nîmaamagiririe manyûrûrûke kûndû kûrîa kwaraganu.

Atir 1:34 ပူးပေါင်းရင်းမြစ်များ

Josh 19:47

Vûrûri wa Dani nîwacunanirwe. Naguo mûvîrîga wa wa Dani nîwatharîkîre îtûûra rîa Laishi. Marîtharîkîra nîmaarînyitire na makîûraga andû a kuo na makîrîtua itûûra rîao. Nîmaatûûrire îtûûrarî rîu na makîgarûra rîîtwa rîarîo rîgîtiga gwîtagwa Laishi rîgîcoka gwîtagwa Dani. Maarîtanirie na Dani îthe wao wa tene.

Atir 1:33

Nao andû a mûvîrîga wa Nafutali matiengata andû arîa maatûûraga matûûrarî ma Bethishemeshi na Bethianathu. Maatûûranirie na Akanaani arîa maatûûraga vûrûrirî ûcio, nwatî nîmaarutithagia Akanaani acio wîra na vinya.

Atir 1:35

Amori nîmaathiîre na mbere gûtûûra Aijaloni, Sha-alibimu, na kîrîmarî Kîam Herihezi. Nwatî andû a mîvîrîga ya Efiraimu na Manase nîmaamavootire na nîmaarutithagia Amori acio wîra na vinya.

Atir 18:1

Îvindarî rîu, Isiraeli gûtiarî na mûthamaki. Nao andû a mûvîrîga wa Dani nîmaacaragia vûrûri ûrîa mangîîgwatîra rîrî îgai rîao na magatûûra kuo. Meekaga ûguo nîûndû matiarî na vûrûri wao o ene gatagatîrî ka mîvîrîga ya Isiraeli.