Atir 1:20 - ÎVUKU RÎA ÛVORO MWARO

²⁰ Kalebu nîwaverwe îtûûra rîa Heburoni wata ûrîa Musa aaugîte. Nake Kalebu nîwengatire avîcî athatû a Anaki kuuma kuo.

Atir 1:20 ပူးပေါင်းရင်းမြစ်များ

Ndari 13:22

Nîmaaunûkirie makîthiî mwena wa Negebu na magîkinya Heburoni. Kûu nîkuo meethîrîrie Ahimani, Sheshai, na Talimai njiarwa cia Anaki. (Heburoni yatumirwe mîaka mûgwanja mbere ya Zoani îrîa îrî Misiri.)

Ndari 14:24

Nwatî nîûndû ndungata yakwa Kalebu aarî na roho ngûrani na arîa engî ûrîa wamûgucagia na eethîrîtwe akîmbathîkîra, nîngaatûma akinye vûrûrirî ûrîa aathiganire, na njiarwa ciake nîikegwatîra vûrûri ûcio ûtuîke wao.

Gûco 1:36

Kalebu mûvîcî wa Jefune, nîke wenga tu ûgaatonya vûrûrirî ûcio. Ke ethîrîtwe arî mwîvokeku kûrî nie na nîngaamûva wa vamwe na njiarwa ciake vûrûri ûcio aathiganire.’

Josh 10:36

Vuva wa ûguo, Joshua na athigari ake a mbaara nîmaaumire Egiloni na makîthiî îtûûrarî rîa Heburoni na makîrîtharîkîra

Josh 11:21

Kavinda wa kau, Joshua na athigari ake a mbaara nîmaaûragire andû a rûruka rwa andû maarî anene mûno metagwa Anaki. Andû acio maatûûraga vûrûrirî ûrîa ûrî irîmarî matûûrarî ma Heburoni, Debiri, Anabu na vûrûri wonthe ûrîa ûrî irîma wa Juda na Isiraeli. Joshua nîwacûkangirie andû onthe wa vamwe na matûûra mao.

Josh 14:15

Mbererî îo Heburoni yetagwa Kiriathariba. (Ariba aarî mûndû warî ngumo mûno gûkîra onthe wa andû arîa meetagwa Anaki.) Naguo vûrûri ûcio nîwagîre thayû gûtarî mbaara.

Atir 1:10

Andû acio a Juda nîmaacokire makîthiî kûrûa na Akanaani arîa maatûûraga îtûûrarî rîa Heburoni. Îtûûra rîu rîa Heburoni mbererî rîetagwa Kîriathi-ariba. Andû acio a Juda nîmaavootire andû a mbarî ya Shashai, Ahimani na Tulimani.