Amosi 9:11 - ÎVUKU RÎA ÛVORO MWARO

¹¹ Mûthenya ûcio nîngaarûngamia ûthamaki wa Daudi ûrîa wagwîre. Nîngaatuma rîngî nthingo ciaguo irîa ciarî nyomomoku, ciîkare ta ûrîa ciekariî mbere.

Amosi 9:11 ပူးပေါင်းရင်းမြစ်များ

Ayubu 1:10

Nîkwa ûmûgitagîra ke, mûciî wake, wana indo ciake cionthe. Ûndû wa wonthe ekaga we nîûmûrathimaga. Ndîthia ciake cia mbûri na ng'ombe ciîcûrîte vûrûri wonthe.

Thaburi 143:5

Nîndirikanaga mîthenya ya tene, ngeciragia na vinya maûndû monthe marîa waneka, na ngaririkana maûndû monthe marîa wîkîte.

Thaburi 80:12

Ngai-Mûnene, wamomorire rûthingo rûrîa rwaûthiûrûrûkîrîtie nîkî? Rîu andû arîa mavîtûkagîrîra kuo mathiîcaga magîtucaga thavibu.

Thaburi 89:40

Nîwomomorete nthingo cionthe cia îtûûra rîake, nîunangîte kûndû gwake gwa kwîthitha.

Isaia 16:5

mûndû wa rûciaro rwa Daudi nîagaatuîka mûthamaki; na nîakaatha andû na wîvokeku na wendo ûtathiraga. Ke agaatucanagîra ciira na kîvooto na waragania na ekage maûndû ma ûthingu.”

Isaia 5:5

Rîu nîngûmwîra ûrîa ngwîka mûgûnda wakwa wa mîthavibu. Nîngûthengutia rûgiri rwaguo, na nîûgûcûkangua; nîngwomomora rwirigo rwaguo, na nyamû cia kîthaka nîigaaûkinyanga.

Isaia 58:12

Andû enyu nîmagaatuma rîngî nyomba irîa ciomomorirwe tene, maitume rîngî îgûrû rîa mîcingi îrîa mîkûrû. Namue mûgeetagwa andû arîa maatumire rîngî nthingo irîa ciomomoretwe, arîa maatumire rîngî nyomba irîa ciavaraganîtue.”

Isaia 63:11

Nwatî nîmaacokire makîririkana mavinda ma tene, mavinda ma Musa, ndungata ya Ngai-Mûnene na makîûria atîrî, “Nîkwa ûrîa wavonokirie atongoria a andû ake kuuma îriarî arî kû? Ûrîa warekirie roho wake mûtheru gatagatîrî kao arî kû?

Isaia 65:9

Nîngaatûma kûgîe na njiarwa kuuma kûrî Jakovu, na ndûme Juda kuume andû arîa makaagaa vûrûri wakwa ûrîa ûrî irîma. Andû arîa nthuurîte nîo makaaûgaa, nao arîa mandungatagîra nîo magaatûûra kuo.

Jeremia 18:9

Na vîndî wa yonthe îrîa nîngîkera vûrûri kana ûthamaki atî nîngatûma wîvande na wîkindîrie,

Jeremia 30:9

Nwatî nîmakaandungatîra nie Ngai-Mûnene Ngai wao, na matungatîre ûmwe wa njiarwa cia mûthamaki Daudi, ûrîa ngamathuurîra atuîke mûthamaki.

Jeremia 46:26

Nîngamanenganîra kûrî Nebukadinezarû mûthamaki wa Babuloni na athigari ake arîa mendaga kûmaûraga. Vuvarî vûrûri wa Misiri nîûkaagîa na andû wata arîa maarî kuo mbere. Ûguo nîguo nie Ngai-Mûnene nîrauga.

Maca 5:21

Tûcokie kûrî we Ngai-Mûnene, natue nîtûgûcoka, tûcokerie riiri ûrîa twarî naguo mbere.

Ezek 17:24

Nayo mîtî yonthe kûu vûrûrirî nîkaamenya atî nie nînie Ngai-Mûnene. Nîmvotaga gûtûma mîtî îrîa mîraca îtuîke mîkuvî na mîtî îrîa mîkuvî îtuîke mîraca. Nînyûmagia mîtî îrîa mîthî na îrîa mîûmû ngatûma îtuîke mîthî. Nie Ngai-Mûnene nînie mbugîte ûguo, na nîngeka guo.”

Ezek 36:11

Nîngaatûma andû mengîve wana nyamû irîa mûrîthagia ciîngîve. Nîikoongerereka na iciarane mûno na ndûme irîma itûûrwe ta ûrîa ciatûûragwa mbererî. Nîngaamwîka maûndû maro gûkîra marîa monthe naamwîkîte mbere na nîmûkaamenya atî, nie nînie Ngai-Mûnene.

Hosea 3:5

Vuvarî, andû a Isiraeli nîmagacoka macarie Ngai-Mûnene Ngai wao na macarie mûthamaki wao wa rûciaro rwa Daudi. Nîmagacoka magoce Ngai-Mûnene Ngai wao na kwîvoka wega wake mavinda ma mûthiia.

Obadia 1:17

“Nwatî kîrîmarî gîa Zayuni nîgûkethîrwa arîa makaavonokua, gûkethîrwa kûrî kûndû kûtheru. Andû a Jakovu nîmakegwatîra vûrûri ûrîa maacunîtwe ûtuîke wao kîûmbe.

Mika 5:2

Ngai-Mûnene augîte atîrî, “We Bethilehemu Efiratha, nîwe îtûûra rîrîa rînini mûno Juda. Nwatî mûndû ûrîa ûkaathana Isiraeli vandûrî vakwa akaauma kûrî we, na nîwa njiarwa cia methe ma tene.”

Mika 7:11

Andû a Jerusalemu kavinda nîgagûkinya ga gûtuma nthingo cia îtûûra rîenyu rîngî. Vîndî îo mîvaka ya vûrûri wenyu nîkaanenevua.

Mika 7:14

We Ngai-Mûnene, rîthia andû aku na mûragi waku, ûrîthie arîa we wîthuurîrîte arîa matûûraga marî onga mûtitûrî, mathiûrûrûkîrîtue nî vûrûri mûnoru. Tiga mathiî Bashani na Gileadi makarîe, wata ûrîa mekaga tene.

Mika 7:8

We nthû yakwa ndûgakene rîrîa nîrî thînarî. Rîrîa nagwa, nîmbûkagîra, rîrîa nîrî ndumarî, Ngai-Mûnene nîke ûtheri wakwa.

Zakaria 12:7

“Nake Ngai-Mûnene nîakaavonokia mbere andû arîa matûûraga Juda, nîguo nyomba ya Daudi na andû arîa matûûraga Jerusalemu matikone takwa marî aro gûkîra andû a Juda.

Zakaria 14:10

Vûrûri wonthe nîûkaaraganua kuuma Geba mwena wa rûgûrû kûthiî nginya Rimoni mwena wa îveti wa îtûûra rîa Jerusalemu. Nwatî îtûûra rîa Jerusalemu nîrîgaatûgîrua na rîtigwe rîrûngamîte varîa rîrî kuuma mwîrîgarî wa mûvîrîga wa Benjamini nginya mwîrîgarî wa mbere na kûthiî mwîrîgarî ûrîa ûrî konarî, na kuuma nyombarî îrîa ndaca na îgûrû ya Hananeli kinya kîvivîrorî Kîam ndivei Kîam mûthamaki.

Zakaria 6:12

Mwîre Ngai-Mûnene mwene vinya wonthe augîte atî, ‘Ûyû nîke mûndû ûrîa wîtagwa Rûvûa. Nîagaatamba arî wa vau arî na atume rîngî hekarû ya Ngai-Mûnene.

Ndari 24:18

Isiraeli nîîkavoota Edomu na îîgwatîre vûrûri wao; nwatî Isiraeli nîîkathiî na mbere kûvootana.