Amosi 9:10 - ÎVUKU RÎA ÛVORO MWARO

¹⁰ Evia onthe gatagatîrî ka andû akwa nîmakaûragîrwa mbaararî, arîa maugaga atî, ‘Tûtikaanyitwa nî ûndû mûcûku.’

Amosi 9:10 ပူးပေါင်းရင်းမြစ်များ

Thaburi 10:11

Andû arîa aganu meîraga na ngoro atîrî, “Ngai nî mûriganîre! Nîathithîte ûthiû wake na ndonaga wanarî kîndû!”

Mûvunjia 8:11

Ngoro cia andû ciîthagîrwa ciîvarîrîtie gwîka maûndû marîa macûku nîûndû îverithia rîa ûndû mûcûku rîtiîkagwa na îvenya.

Isaia 33:14

Andû evia arîa marî Zayuni nîmaretigîra, nao andû arîa matagoocaga Ngai marainaina makiugaga atîrî: “Nû gatagatîrî getû ûngîvota gûkuvîvîria mwaki ûyû ûvîvagia ûkathiria? Nû gatagatîrî getû ûngîtirîria mwaki ûyû ûtavoraga tene na tene?”

Isaia 5:19

Maugaga atîrî, “Tiga Ngai-Mûnene eke maûndû na îvenya, nîameke narua, nîguo tûmone. Tiga mîvango ya Ûrîa Mûtheru wa Isiraeli îvinge, nîguo tûmîmenye.”

Isaia 56:12

Meranaga atîrî, “Ûkani tûgacarie ndivei; tigani tûnyue njovi tûvae! Rûyû rûkaavana wata ûmûnthî, na rûyû ûkethîrwa ûrî mûthenya mûnene makîria!”

Jeremia 18:18

Nao andû nîmaacokire makiuga atîrî, “Ûkani tûvange ûrîa tûkûraga Jeremia. Tûtigatura athînjîri-Ngai a gûtûthomithia kana andû aûgî a gûtûtaara na arathi a kwanîrîra ndûmîrîri ya Ngai-Mûnene. Ûkani tûmûthitange na ciugo ciake ke mwene na tûtikathikîrîrie ûrîa arauga.”

Jeremia 23:17

Vîndî cionthe meraga andû arîa mareganîte na kiugo Kîam Ngai-Mûnene atî, ‘Maûndû maku monthe nî maro tî macûka.’ Nake mûndû ûrîa wîthagîrwa arî na ngoro nyûmû maugaga atîrî, ‘Ndûkagîa na ûndû mûcûku.’

Jeremia 29:32

Kwoguo nie Ngai-Mûnene nîrauga atî nîngûverithia Shemaia mûvîcî wa Nehelamu vamwe na rûciaro rwake. Gûtirî mûndû wanarî ûmwe wa arîa metanîtue nake ûgatigara arî mwoyo nîguo one maûndû maro marîa ngeka andû akwa, nîûndû ethîrîtwe akîra andû maregane nanie Ngai-Mûnene. Ûguo nîguo nie Ngai-Mûnene nauga.”

Ezek 20:38

Andû arîa aremi na arîa mevagia nîngaamaruta gatagatî kenyu. Nîngaamaruta kuuma vûrûrirî ûrîa matûûraga, nwatî ndigetîkîra matonya vûrûrirî wa andû a Isiraeli. Nîmûgaacoka mûmenye atî nie nînie Ngai-Mûnene.

Amosi 6:1

Kaî arîa mekaraga Zayuni magangarîte marî na thîna-î, na arîa megucaga marî agitîre marî kîrîmarî gîa Samaria, mue atongoria a rûrîrî rûnene rwa Isiraeli, kûrîa andû mathiîcaga gûcaria ûtethio!

Amosi 6:3

Mue mûgeragia kûrega mûthenya mûcûku, nwatî mûgetîkîra arîa maathanaga na vinya.

Amosi 9:8

Nie Ngai-Mûnene nîndoretie ûthamaki mwîvia wa Isiraeli, nîngaûcûkangia ûthire gûkû nthî, nwatî ndikaathiria nyomba ya Jakovu viû.

Mika 3:11

Atucanîri ciira marutaga wîra wao nîguo mavewe îvaki, athînjîri-Ngai mathomithagia watho nîguo marîvwe, nao arathi mataûraga cioneki nîguo mavewe mbeca. Kûnarî ûguo nîmetîîaga megiritanîtie na Ngai-Mûnene makiugaga atîrî, “Ngai-Mûnene arî vamwe natue, na gûtirî ûndû mûcûku ûngîtûnyita!”

Zakaria 1:6

Methe menyu nîmaareganire na irîra na mawatho marîa namathire na njîra ya arathi ndungata ciakwa. Kwoguo nîmaaverire na makiuga atî nie Ngai-Mûnene Mûnene mwene vinya wonthe, nîmaverithîtie kûringana na mîthiîre yao na ciîko ciao wa ta ûrîa natuîte, na nîguo naamekire.”

Malaki 3:15

Kuuma rîu tûkaugaga atî andû arîa etîi nîo arathime na andû arîa mekaga maûndû macûku, wana mageria Ngai-Mûnene mativerithagua, nwakwa mathiîcaga na mbere na kûgîa na mûtûûrîre mwaro.’”

Malaki 4:1

Ngai-Mûnene mwene vinya wonthe arauga atîrî, “Taroria, mûthenya wa îtuîro nîûrakinya, ûgîakanaga ta mwaki mûnene mûno. Andû arîa aganu na etîi nîmakavîvua na mwaki ta nyaki mûthenya ûcio. Makavîvua mathire viû ta ûrîa mûtî ûvîcaga mvûa wana mîri.