Amosi 9:1 - ÎVUKU RÎA ÛVORO MWARO

¹ Nînonire Ngai-Mûnene arûngamîte metharî ya kîgongoona. Nake nîwathanire atîrî, “Ringa ciongo cia itugî cia hekarû na vinya mûno, nginya mîcingi yayo inaine, mîomomore îgwîre andû arîa marî kuo, na arîa magatigara nîngaamaûraga na rûviû. Gûtirî mûndû wa naarî ûmwe ûkauma kuo, gûtirî wanarî ûmwe ûkaûra.

Amosi 9:1 ပူးပေါင်းရင်းမြစ်များ

2Maû 18:18

Mikaia nîwacokire akiuga atîrî, “Kwoguo thikîrîria ûrîa Ngai-Mûnene augîte! Nînoonire Ngai-Mûnene ekarîrîte gîtî gîake Kîam ûthamaki kûu îgûrû, nao araika ake onthe maarûngamîte mamûthiûrûrûkîrîtie.

Thaburi 68:21

Ngai nîagaatombora ciongo cia nthû ciake, ciongo cia arîa matûûraga mevagia.

Thaburi 68:22

Mwathani nîwaugire atîrî, “Nîngaacokia nthû ciaku kuuma Bashani; nîngaamacokia kuuma îriarî îriku,

Isaia 30:16

Vandû va ûguo mue mwaugire atîrî, “Naarî! Tue tûkaavinyûra tûtwîte mbarathi irîa irî îvenya.” Îî nîguo, nîmûkaavinyûra na mbarathi irîa irî îvenya, nwatî arîa makaamûvinyûria makethîrwa matwîte mbarathi irî na îvenya makîria!

Isaia 6:1

Mwaka ûrîa mûthamaki Uzia aakwire, nînonire Mwathani ekarîrîte gîtî gîake Kîam ûthamaki kîrî vandû îgûrû mûno; nayo nguo yake ndaca yecûrîte hekarûrî yonthe.

Jeremia 11:11

Kwoguo Ngai-Mûnene arauga atî, nîngûmaretera maûndû macûku na gûtirî mûndû ûkamaûrîra; wana mangaîra, ndikamathikîrîria.

Jeremia 42:16

mbaara îrîa mwîtigagîra nîikaamwîthîrîria kuo, na yûra rîrîa mwîtigagîra nîmûgaacemania narîo kûu Misiri na nîmûgaakuîra kuo.

Jeremia 48:44

Mûndû ûrîa ûkaûra nî kîmako, nî akagwa îrimarî, na mûndû ûrîa ûkauma îrimarî, nîakaanyitwa nî mûtego. Nîûndû Ngai-Mûnene areterete Moabu maûndû mama, nîûndû mwaka wao wa kûmaverithia nîmûkinyu. Ûguo nîguo Ngai-Mûnene arauga.

Ezek 1:28

Ûkengu ûcio warî na marangi ta ma mûkûngambura. Ûguo nîguo mûvano wa ûkengu wa riiri wa Ngai-Mûnene wekariî. Rîrîa nawonire nînegwîthirie ngîturumithia ûthiû nthî, na ngîgua mûgambo wambarîria.

Ezek 10:4

Naguo riiri wa Ngai-Mûnene nîwaunûkirie umîte kûrî Akerubi ûkîthiî ûkîrûngama kîvingorî Kîam hekarû. Hekarû nîyecûrirwe nî îtu, nayo nja ya hekarû îgîcûra ûkengu wa riiri wa Ngai-Mûnene.

Ezek 15:7

na nîngaamaverithia. Nîmakaaûra maume kûrî mwaki, nwatî makaavîvua nî mwaki, na nîmûgaacoka mûmenye atî nie nînie Ngai-Mûnene.

Ezek 9:2

Wa rîmwe nîgwaûkire andû atandatû maumîte mwena wa kîvingo Kîam îgûrû kîrîa kîroretie mwena wa rûgûrû. Wa mûndû nîwanyitîte indo ciake cia mbaara. Maarî na mûndû wekîrîte nguo mbaro arî na kîndû gîa kwandîka. Nîmaatonyire hekarûrî na makîrûngama vakuvî na metha ya kîgongoona ya gîcango.

Amosi 3:14

Mûthenya ûrîa ngaaverithia andû Isiraeli nîûndû wa mevia mao na njûkangie metha cia kîgongoona cia Betheli, nîngaatemanga mvîa cia metha cionthe cia magongoona nîigwîthie nthî.

Amosi 7:17

Kwoguo Ngai-Mûnene arauga atîrî, ‘Mûka waku akethîrwa arî îraa îtûûrarî, nacio ciana ciaku nîikaûragîrwa mbaararî na mûgûnda waku nîûgatûrangîrwa andû engî. We mwene, ûgaakuîra vûrûrirî ûtarî mûtheru, nao andû onthe a Isiraeli nîmagaatavwa mavirwe îthamîriorî kûraca na vûrûri wao.’ ”

Amosi 7:9

Kûrîa gûtûgîru njiarwa cia Isaka igoocagîra nîngaagûcûkangia viû, nacio nyomba irîa nyamûre cia andû a Isiraeli igatuîka maganjo na nîngaatharîkîra nyomba ya Jeroboamu na rûviû rwa njûra.”

Habakuku 3:13

Nîwaumire ûkîthiî kûvonokia andû aku, ûkîthiî kûvonokia mûthamaki rûrîa wathuurîte. Nîwakinyangire mûtongoria wa andû arîa aganu, na ûkîthiria arûmîrîri ake onthe.

Zefania 1:12

Vîndî îo nîngoca taa na nthiî Jerusalemu ngîcaragia; Nîngaverithia andû arîa meganaga na makeîraga na ngoro atî, ‘Ngai-Mûnene ndarî ûndû ekaga: mwaro kana mûcûku.’

Zefania 2:14

Nyamû cionthe cia kûrîthua nîikaamama kuo. Nyamû cionthe cia kîthaka nîikaamama kûrîa gûcûkangie. Ndundu ikaagambaga irî ndiricarî na ndiiû igambe irî matîrirî, nîûndû nyomba ciao cia mîtarakwe nîigaatiganîrua.

Johana 1:18

Gûtirî mûndû wanona Ngai. Nwatî Mûriû wake wa mûmwe ûrîa wî vakuvî mûno na îthe, nîke ûtûmîte amenyekane.

Johana 1:32

Johana nîwavecanire ûira ûyû: “Nînona Roho akînyûrûrûka kuuma îgûrû ekariî ta ndutuura na ekara îgûrû rîake.

Ciîko 26:13

Na thaa thita cia mûthenya nîrî njîrarî nthiîte kuo, mûthamaki mûgathe, nînoonire ûtheri kuuma îgûrû. Ûtheri ûcio warî mûnene gûkîra wa riûa na nîwamûrîkire na mîena yonthe wa vamwe na andû arîa nathiîcanîtie nao.

Josh 10:18

Joshua nîwacokire akiuga atîrî, “Vingiritia mathiga manene nîguo mavinge mûromo wa ngurunga, na kwigwe athigari a kûmîrangîra,

Kûguû 1:17

Rîrîa namwonire, nînegwîthirie nthî mbere yake ta mûndû mûkuû. Nwatî mûndû ûcio nîwakûnjûrire njara yake akîmbigîrîra na akîmbîra atîrî, “Ndûgetigîre! Nie nî nie wa mbere na wa mûthiia.

Kûguû 8:3

Mûraika wîngî nîwaûkire na akîrûngama metharî ya kûrutîra kîgongoona, anyitîte kavakûri ka thaavu ga kûvîvîria ûbani. Nake nîwanengerwe ûbani mwîngî mûno nîguo aûrutanîrie vamwe na mavoya ma andû onthe a Ngai. Nake mûraika ûcio nîwaigîrîre maruta mau metharî ya kûrutîra kîgongoona ya thaavu îrîa yarî vau mbere ya gîtî Kîam ûthamaki.