Amosi 8:2 - ÎVUKU RÎA ÛVORO MWARO

² Ngai-Mûnene nîwacokire akîmbîra atîrî, “Amosi, nî ndûî ûrona?” Na nie nînamûcokerie atîrî, “Nîrona matunda ma vîndî ya riûa mecûrîte gîkavurî.” Nake Ngai-Mûnene nîwacokire akîmbîra atîrî, “Mûthiia wa andû akwa a Isiraeli nîwakinya, ndingîricûkwa rîngî ûvororî wîgiî kûmaverithia.

Amosi 8:2 ပူးပေါင်းရင်းမြစ်များ

Kîam 6:13

Ngai nîwerire Nuhu atîrî, “Nie nînduîte ciira atî nîngûthiria andû onthe. Nînîmathiria onthe nîûndû nthî îcûrîte mbaara nîûndû wao. Nînîmathiria vamwe na nthî yonthe.

Isaia 28:4

Riiri wao ûrathira ta ûrîa yûa rîvovaga, riiri ûrîa ûrî Kîamndarî kîrîa kîrî ûtonga, ûkethîrwa wîkariî ta ngûû irîa itunîvaga mbere ya îvinda rîa riûa, rîrîa mûndû aciona aitucaga na akairîa wa rîmwe.

Jeremia 40:10

Nie nîndûûra Mizipa na nûngame vandûrî venyu kûrî Akalidei arîa magaûka gûkû; nwatî mue ûnganiani ndivei, matunda, maguta na mûtûûre matûûrarî marîa mûtavîte.”

Jeremia 5:31

arathi methîrîtwe makîruta ûrathi wa maveeni, na athînjîri-Ngai makathana wa ûrîa makwenda. Andû akwa makona ûndû ûcio ûrî mwagîrîru. Nwatî maûndû mama makinya mûthiia mûgeka atîa?”

Maca 4:18

Nthû cietû ciekarire itwîthithîrîte, tûtingîavotire kûthiîrîra njîrarî cietû, mîthenya yetû yarî mîtare, mûthiia wetû warî mûkinyu.

Ezek 12:23

Rîu thiî ûmere ûrîa nie Ngai-Mûnene mbugîte atî, matigûcoka kûvûthîra nthimo îo rîngî gûkû vûrûrirî wa Isiraeli. Nwatî meere kavinda karî vakuvî rîrîa ûrathi wonthe ûkaavinga!

Ezek 29:8

Kwoguo, nie Ngai-Mûnene Ngai nîmbuga atî: nîngaatûma andû makûtharîkîre na mviû na nîmakaaûraga andû na maûrage nyamû ciaku cionthe irîa ûrîthagia.

Ezek 3:10

Nîwacokire akîmbîra atîrî, “We mûndû, thikîrîria waro maûndû monthe marîa ngûkwîra na ûmaige ngororî yaku.

Ezek 3:7

Nwatî andû a Isiraeli matigakûthikîrîria, nîûndû matirenda kûnthikîrîria. Andû onthe a Isiraeli marî ngoro nyûmû na nî aremi.

Ezek 7:6

Mûthiia nî mûkinyu! Mûthiia nî mûkinyu! Mûthiia nî ûmûkinyîrîte!

Ezek 8:12

Ngai nîwacokire akîmbîra atîrî, “We mûndû, nîûrona maûndû marîa atongoria a Isiraeli mareka na nthitho? Wa mûndû arî nyomba gwake akîgooca mîvuanano. Meîraga atî, ‘Ngai-Mûnene ndaratwona! Ke nîatiganîrîtie vûrûri wetû.’ ”

Ezek 8:17

Ngai-Mûnene nîwambîrire atîrî, “Mûndû, nîwona maûndû mau? Maûndû mau marî mûgiro andû a Juda mareka marona arî ûndû mûnini, nîûndû nîmatûmîte vûrûri wonthe ûgîe mbaara na magatûma nthiî na mbere kûrakara? Taroria, nîmarandakaria makîria!

Ezek 8:6

Nake nîwambîrire atîrî, “Mûndû, nîûrona ûrîa andû a Isiraeli mareka? Mareka maûndû marî mûgiro na ma gûtûma nthiî kûraca na nyomba yakwa îrîa nyamûre. Nîûkwona maûndû manene na marî magigi gûkîra mau.”

Hosea 9:7

Mîthenya ya kûverithania nî mîkinyu, mîthenya ya kwîrîvîrîria nîmîkinyu; andû a Isiraeli nwa nginya mamenye mûthenya ûcio. Mue mugaga atî, “Mûrathi nî kîrimû na mûndû ûrîa ûrî na Roho arî na ngoma.” Mugaga ûguo nîûndû wa mevia menyu meengî, na nîûndû wa rûmena rwenyu rûnene îgûrû rîake.

Amosi 7:8

Nake Ngai-Mûnene nîwambîrire atîrî, “Amosi, ûrona ndûî?” Nanie nînamûcokerie atîrî, “Nîrona kabirû.” Ngai-Mûnene nîwacokire akîmbîra atîrî, “Taroria! Nînaiga kabirû gatagatî ka andû akwa a Isiraeli. Ndingîricûkwa rîngî îgûrû rîgiî kûmaverithia.

Amosi 8:1

Ngai-Mûnene nîwamonirie kîoneki kîngî: Nînonire gîkavu gîcûrîte matunda ma vîndî ya riûa.

Mika 7:1

Kaî nîrî na thîna-î! Nie mbîkariî ta mûndû ûrîa ûthiîcaga, akethîrîria mîgûnda yarîkia gûkethwa. Thavibu cionthe nî ngethe, na gûtirî maciaro ma mbere ma ngûû irîa nîriragîria.

Zakaria 5:2

Mûraika nîwambûririe atîrî, “Nîndûî ûrona?” Nanie nînaamûcokerie atîrî, “Nîrona îvuku rîa gîkûnjo rîrî rîerarî rîgûrûkîte. Ûraca warîo nî wa mita kenda na wariî warîo nî wa mita inya na nuthu.”