Amosi 7:12 - ÎVUKU RÎA ÛVORO MWARO

¹² Amazia nîwacokire akîîra Amosi atîrî, “We Mûrathi, uma gûkû ûthiî vûrûri wa Juda, ûrîcage irio kuo na ûrathage maûndû ûrî kuo.

Amosi 7:12 ပူးပေါင်းရင်းမြစ်များ

2Maû 16:10

Mûthamaki Asa nîwarakarire mûno nî ciugo cia mûrathi Hanani na nîwamûvingîrithirie njera. Kuuma vîndî îo Asa nîwambîrîrie kûvinyîrîria andû amwe.

Isaia 30:10

Meraga oni maûndû atîrî, ‘Tigani kwona maûndû.’ Na makeera arathi atîrî, ‘Mûtigatûrathîre maûndû marîa magîrîru, twaragîrieni maûndû marîa maro, na mûrathage maûndû ma maveeni.

Isaia 56:11

Mekariî ta ngui ngoroku, irîa itavaaga. Arîthi acio matirî ûmenyo; onthe nîagarûrûku na wa mûndû akethiîra njîra yake ke mwene, wa mûndû acaragia ûrîa akwîguna ke mwene.

Ezek 13:19

Mue nîmûmbagithîtie gîtîîo mbere ya andû akwa nîûndû wa kûvewa îvaki rîa cairi ya ngundi na tûirio tûnini. Nîmûragithîtie andû arîa matagîrîrwe nî kûragwa na mûkavonokia andû arîa matagîrîrwe nî gûtûûra mwoyo na njîra ya kûveenia andû akwa nao magetîkia maveeni menyu.’ ”

Amosi 2:12

Nwatî nîmwatûmire Anazari manyue ndivei, na makîatha arathi matikarathe.

Amosi 7:11

Ethîrîtwe akiuga atî Jeroboamu nîakaaûragwa na rûviû, nao andû a Isiraeli nîmagaatavwa kuuma vûrûrirî wao mavirwe îthamîriorî.”

Malaki 1:10

Ngai-Mûnene mwene vinya wonthe arauga atîrî, “Narî kethîrwa nwa kwoneke mûndû gatagatîrî kenyu ûngîvinga mîrango ya hekarû, nîguo mûtigakie mwaki wa mana metharî yakwa ya kîgongoona! Nie ndikenagua nîmue na ndikaamûkîra matega menyu;

Mathaayo 8:34

Kwoguo andû onthe arîa maarî îtûûrarî rîu nîmaaumire, makîthiî gûtûnga Jesû. Na rîrîa maamwonire nîmaamûthaithire aume vûrûrirî wao.

Luka 13:31

Vîndî wa îo, Afarisai amwe nîmaathiîre varîa Jesû aarî na makîmwîra atîrî, “Nî kava ume gûkû nîûndû Herode nîarenda gûkûûragithia.”

Ciîko 16:39

Kwoguo nîmaathiîre kûrî Paûlo na Sailasi na makîmavoya ûkirîrîria. Nîmaacokire makîmaruta kûu njeera na makîmeera maume kûu îtûûrarî rîu.

Aroma 16:18

Nîûndû andû arîa mekaga maûndû ta mau matungatagîra mavu mao, nwatî tî Mwathani wetû Jesû Kristû. Na njîra ya ciugo ciao mbaro na mîario yao îrî na mûrîo, andû acio nîmaveenagîrîria andû arîa marî ngoro mvûthû.

1Akor 2:14

Mûndû wa wonthe ûtarî na Roho ndangîvota kwamûkîra iveo irîa ciumaga kûrî Roho wa Ngai. Andû ta acio meciragia ûcio nî ûrimû nîûndû vata waguo ûngîtuîrua tu na njîra ya Kîîroho.

1Pet 5:2

mûrîthagie ndîthia îrîa Ngai aamûvere. Rûmenyagîrîreni mûrî na wendi na tî ûndû wa kûringîrîrua. Ûguo nîguo Ngai endaga mwîke. Rutagani wîra wenyu mûrî na wendi ûrîa wa ma wa gûtungata na tî ûndû wa kwenda mbeca.

1Sam 2:36

Nake mûndû wa wonthe wa rûciaro rwaku ûrîa ûgaatigara nîakaathiî kûrî mûthînjîri-Ngai ûcio na akavoya mûthînjîri-Ngai ûcio mbeca kana irio na nîakaathaithanaga akiugaga etîkîrue atethagîrîrie athînjîri-Ngai, nîguo oonage kîndû gîa kûrîa.”

1Sam 9:9

Mbererî vûrûrirî wa Isiraeli mûndû akîthiî kûria ûndû kûrî Ngai augaga atîrî, “Ûka tûthiî tûkone mwoni maûndû” nîûndû mûndû ûrîa wîtagwa mûrathi, tene etagwo mwoni maûndû.