Amosi 7:10 - ÎVUKU RÎA ÛVORO MWARO

¹⁰ Amazia mûthînjîri-Ngai wa îtûûra rîa Betheli nîwavirîre mûthamaki Jeroboamu wa Isiraeli ndûmîrîri îno: “Amosi nîavangîte ûndû mûcûku gatagatî gaku na andû a Isiraeli. Maûndû marîa ethîrîtwe akîaria nwa macûkangie vûrûri ûyû.

Amosi 7:10 ပူးပေါင်းရင်းမြစ်များ

Kîam 37:8

Nao aa mûrwang'ina nîmaamûririe atîrî, “Ûreciria nama atî nîûgûtuîka mûnene wetû ûtwathage?” Nao nîmaamûmenire mûno makîria, nîûndû wa iroto ciake na nîûndû wa maûndû marîa aaugaga mamegiî.

1Atha 13:33

Vuva wa maûndû mau Jeroboamu, mûthamaki wa Isiraeli ndaatiga gwîka maûndû macûku. Nwatî nîwathiîre mbere kûthuura athînjîri-Ngai kuuma kûrî andû a mîthemba yonthe nîguo matungatage metharî cia magongoona irîa aatumîte. Aamûraga mûthînjîri-Ngai wa wonthe wendaga kwamûrwa.

1Atha 18:17

Rîrîa Ahabu oonire Elija, nîwamwîrire atîrî, “Kwoguo wî gûkû, we mûndû ûrîa ûretaga thîna gûkû Isiraeli!”

Jeremia 18:18

Nao andû nîmaacokire makiuga atîrî, “Ûkani tûvange ûrîa tûkûraga Jeremia. Tûtigatura athînjîri-Ngai a gûtûthomithia kana andû aûgî a gûtûtaara na arathi a kwanîrîra ndûmîrîri ya Ngai-Mûnene. Ûkani tûmûthitange na ciugo ciake ke mwene na tûtikathikîrîrie ûrîa arauga.”

Jeremia 36:16

Na rîrîa meegwire ciugo cionthe, nîmaroranirie marî na guoya na makîra Baraki atîrî, “Nwanginya twîre mûthamaki maûndû mau monthe twegua.”

Jeremia 38:4

Nao anene nîmeerire mûthamaki atîrî, “Mûndû ûyû nîwagîrîrwe nî kûragwa nî ûndû nîathirîtie athigari arîa matigîtwe gûkû îtûûrarî vinya vamwe na andû onthe nîûndû wa kwaria ciugo ta icio. Mûndû ûyû ndacaragia wagîrîru wa andû aya, nwatî amacaragîria maûndû macûku.”

Amosi 1:1

Ino nîcio ciugo cia Amosi. Amosi aarî ûmwe wa arîthi a kuuma îtûûra rîa Tekoa. Mîaka îîrî mbere ya kîthingithia, rîrîa Uzia aarî mûthamaki wa Juda, na Jeroboamu mûvîcî wa Joashi arî mûthamaki wa Isiraeli, Ngai nîwaguûrîrie Amosi maûndû mama megiî Isiraeli.

Amosi 3:14

Mûthenya ûrîa ngaaverithia andû Isiraeli nîûndû wa mevia mao na njûkangie metha cia kîgongoona cia Betheli, nîngaatemanga mvîa cia metha cionthe cia magongoona nîigwîthie nthî.

Amosi 5:10

Mue nîmûthwîre arîa marûngamagîrîra kîvooto na arîa maragia ûûma îgootirî.

Amosi 5:5

Mûtikaathiî Beeri-shiba kûgooca. Mûtikanjarie kûu Betheli nîûndû Betheli nîgaacûkangua kana mûthiî Giligali nîûndû nwanginya mathiî îthamîriorî.”

Amosi 7:11

Ethîrîtwe akiuga atî Jeroboamu nîakaaûragwa na rûviû, nao andû a Isiraeli nîmagaatavwa kuuma vûrûrirî wao mavirwe îthamîriorî.”

Mathaayo 21:23

Jesû nîwacokire hekarûrî. Na vîndî îrîa aathomithagia, anene a athînjîri-Ngai na athuuri nîmaathiîre kûrî ke na makîmûûria atîrî, “Ûreka maûndû mama na wathani ûrîkû na nû ûkûvete wathani ûcio?”

Luka 23:2

Nao nîmaambîrîrie kûmûthitanga makiugaga atîrî, “Tue tûranyitire mûndû ûyû akîvîtithia andû a vûrûri wetû. Arameeraga matikarutîre mûthamaki wa Roma mbeca cia gooti na akauga atî ke nîke Mesaya, mûthamaki.”

Ciîko 24:5

Tue nîtûrîkîtie kwona atî mûndû ûyû nî mûcûku. Ke nîwambagîrîria gacagaca gatagatîrî ka Ayahudi onthe arîa marî nthî yonthe, na nîke mûtongoria wa Kîamma Kîam Anazari.

Ciîko 5:28

na akîmeera atîrî, “Tue tûramûkaanirie na vinya tûkîmwîra mûtikathomithanie na rîîtwa rîa mûndû ûcio. Nwatî mue ta roriani ûrîa mwîkîte! Mue mûthomithanîtie Jerusalemu kuonthe, na mûrenda tûcokwe nî nthakame ya mûndû ûcio!”

Ciîko 7:54

Rîrîa athuuri a Kîama meegwire Stefano akîaria maûndû mau, nîmaarûmithanirie magego nî kûrakara.