Amosi 6:14 - ÎVUKU RÎA ÛVORO MWARO

¹⁴ Ngai-Mûnene, Mwene vinya wonthe arauga atîrî, “Nîngûreta vûrûri mûgeni ûmûtharîkîre, ûkaamûvinyîrîria kuuma mwîrîgarî wa Hamathi nginya karûnjî ka Araba.”

Amosi 6:14 ပူးပေါင်းရင်းမြစ်များ

1Atha 8:65

Solomoni na andû onthe a Isiraeli nîmaakûngûîre kîrugo îvinda rîa mîthenya mûgwanja. Kwarî na andû eengî arîa maaûkîte kuuma mwanyarî wa Hamathi mwena wa rûgûrû nginya karûnjîrî ka Misiri mwena wa îveti.

2Atha 14:25

Nîwacokirie rîngî vûrûri wonthe ûrîa warî wa andû a Isiraeli kuuma mwanyarî wa Hamathi mwena wa rûgûrû nginya Îriarî rîa Araba mwena wa îveti. Ûguo nîguo Ngai-Mûnene Ngai wa Isiraeli aaugîte na njîra ya ndungata yake mûrathi Jona, mûvîcî wa Amitai. Jona aarî wa kuuma Gathu Heferi.

2Atha 15:29

Vîndî îrîa Peka aarî mûthamaki wa Isiraeli nîrîo Tigilathi Pilesa, mûthamaki wa Asîria aanyitire matûûra ma: Ijoni, Abeli-bethi-maaka, Janoa, Kadeshi, Hazoru, Gileadi, na Galili, vûrûri wonthe wa Nafutali. Nîwacokire akîvira andû Asîria marî mîgwate.

2Atha 17:6

Mwakarî wa kenda (9), Hoshea mûthamaki wa Asîria nîwanyitire Samaria. Nîwavirire andû a Isiraeli Asîria marî mîgwate na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

Isaia 7:20

“Vîndî îo, Mwathani nîagaakombora kawembe kuuma mûringo wa rûnjî rwa Farati: kawembe kau nî mûthamaki wa Asîria! Nîakenja njuîrî cia ciongo cienyu, njuîrî cia mîîrî yenyu wana nderu cienyu.

Ezek 47:20

“Mwena wa îthûîro, mûvaka ûkethîrwa ûrî îria rîa Mediterania na ûthiîte nginya mwena wa îthûîro rîa mwanya wa Hamathi.

Hosea 10:5

Andû arîa matûûraga Samaria nîmagaatetema, nîûndû wa njaû ya Bethaveni. Andû a kuo nîmagacakaîra njaû îo, wana athînjîri-Ngai arîa magoocaga ngai cia mûviano nîmakaamînamîrîria, makarîra nîûndû riiri wa njaû îo nîmûthengutie.

Amosi 3:11

Nthû nîikaarigicîria vûrûri na kûrîa kûgitîre kûthirwe vinya na nthingo irîa cirigîrîte matûûra menyu ciomomorangwe.”