Amosi 5:6 - ÎVUKU RÎA ÛVORO MWARO

⁶ Cariani Ngai-Mûnene, namue nîmûgûtûûra mwoyo. Ethîrwa tîmûmûcaria nîakaamûthiria mue njiarwa cia Josefu na Mwaki. Mwaki nîûkavîvia atûûri a Betheli na gûtirî mûndû ûkaavota kûûvoria.

Amosi 5:6 ပူးပေါင်းရင်းမြစ်များ

2Sam 19:20

Mwathi wakwa, nîmbicî atî nînjîvîtie, na kîu nîkîo gîatûma mbîthîrwe nîrî mbere kuuma mûciî wa Josefu gûka gûgûtûnga we mwathi wakwa mûthamaki.”

1Atha 11:28

Jeroboamu aarî mwanake mûvoreri. Na rîrîa Solomoni oonire atî mwanake ûcio nîwarutaga wîra na ûvinyaru, nîwamûtwire mûnene wa andû onthe a mûciî wa Josefu arîa maarutithagua wîra na vinya.

2Maû 34:25

Nîûndû nîmaareganire nanie na makîvîvîria ngai ciîngî ûbani. Nîmatûmîte ndakare nîûndû wa maûndû mau monthe mekîte. Kwoguo marakara makwa nîmagûkinya Jerusalemu na tîmathira.

Thaburi 27:8

Rîrîa waugire atîrî, “Ûka ûngooce,” nînaacokirie atîrî, “Nîngûka, Ngai-Mûnene;

Thaburi 69:33

Nîûndû Ngai-Mûnene nîathikagîrîria arîa marî na ûvatari, na ndariganagîrwa nî andû ake arîa marî njeera.

Ntha 22:6

“Mûndû angîakia mwaki naguo mwaki ûcio ûtambe na ûvîvie rûgiri rwa mîgua rwa mûgûnda wa mûndû wîngî na ûcoke ûvîvie ngano îrîa îrakûra kana îrîa îtemetwe îkovwa vamwe, mûndû ûrîa wakirie mwaki nwanginya akaarîva yonthe.

Isaia 1:31

Andû arîa marî vinya magekara ta ndagara, na wîra wake wîkare ta nthande cia mwaki, na onthe nîmakavîvua na gûtirî mûndû ûkaamavonokia.

Isaia 55:3

“Tegani matû menyu, na mûke kûrî nie; nthikîrîriani na nî mûgûtûûra mwoyo! Nîngûrûtha namue kîrîkanîro gîa gûtûûra tene na tene, na nîngaamûva wendo wakwa ûtathiraga ûrîa nerîîre Daudi.

Isaia 55:6

Cariani Ngai-Mûnene vîndî îrîa angîoneka, mwîteni vîndî îrîa arî vakuvî.

Jeremia 38:20

Jeremia nîwacokirie atîrî, “Ndûkanenganîrwa kûrî o. Athîkîra mûgambo wa Ngai-Mûnene, wata ûrîa nîrakwîra, na maûndû maku nîmagûtuîka maro na ûvonokie mwoyo waku.

Jeremia 4:4

Mue andû a Juda na atûûri a Jerusalemu, îtherieni mûrî mbere yakwa nie Ngai-Mûnene, igani ngoro cienyu îrî ntheru mûrî mbere yakwa. Ethîrwa tî mwîka ûguo nîmbakanwa nî marakara, na gûtirî mûndû ûngîmavoria, nîûndû wa maûndû macûku marîa mwîkaga.”

Jeremia 7:20

Kwoguo nie Mwathani Ngai nîrauga atî: rîu nîngwîtûrûra marakara makwa manene gûkû na makinyîre andû na nyamû cia kîthaka mîtî na mîmera yonthe ya nthî. Marakara makwa magaakana ta mwaki ûtangîvoreka.”

Ezek 21:3

Îra vûrûri wa Isiraeli atî nie Ngai-Mûnene mbugîte nîngûcomora rûviû rwakwa kuuma njûrarî na mbûrage andû aro wana arîa aganu nîmarute kûrî we.

Ezek 33:11

Meere atî wata ûrîa nie Ngai-Mûnene Ngai ndûûraga mwoyo, ndikenagua nî gîkuû Kîam mûndû mwîvia, nwatî mendaga mûndû mwaganu agarûrûke atige mîthiîre yake na atûûre mwoyo. Mue andû a Isiraeli mûrenda gûkua nîkî? Garûrûkani mûtige maûndû menyu ma waganu.

Ezek 37:19

we ûkaamera atî Ngai-Mûnene augîte, nîngoca karûthanju ka Josefu karîa karî njararî ya Efiraimu na mîvîrîga ya Isiraeli îrîa makonanîtie nayo. Nîngaacoka nyitithanie karûthanju kau na ka Juda nîguo gatuîke karûthanju kamwe karî njararî yakwa.

Amosi 3:14

Mûthenya ûrîa ngaaverithia andû Isiraeli nîûndû wa mevia mao na njûkangie metha cia kîgongoona cia Betheli, nîngaatemanga mvîa cia metha cionthe cia magongoona nîigwîthie nthî.

Amosi 5:14

Geragiani gwîka maûndû marîa maro na mûtigekage marîa macûku nîguo mûtûûre mwoyo. Mweka ûguo, Ngai-Mûnene, Mwene vinya wonthe akethagîrwa arî vamwe na mue wata ûrîa mugaga.

Amosi 5:4

Ngai-Mûnene arera andû a Isiraeli atîrî, “Njariani namue nî mûgûtûûra mwoyo!

Amosi 6:6

Mûnyunyaga ndivei na mbakûri, na mûkevaka maguta manungi waro mûno, nwatî mûtiîgucaga kîeva nîûndû wa gûcûkangua gwa Isiraeli.

Zefania 2:3

Cokererani Ngai-Mûnene mue muonthe arîa avoreri, mue arîa mwîkaga ûrîa kwagîrîrîte, cariani ûthingu cariani wînyivia. Kwavoteka ûkethîrwa ûtarî vamwe na andû arîa makaverithua, mûthenya ûrîa Ngai-Mûnene akonania marakara make.

Zakaria 10:6

Nîngaatûma nyomba ya Juda îgîe vinya, na nîngaavonokia nyomba ya Josefu. Nîngaamacokia kwao nîûndû nînîmegucagîra ntha, na nîmagekara ta andû ndanatiganîria, nîûndû nî nie Ngai-Mûnene, Ngai wao, na nîngegua mavoya mao.

Gûco 32:22

Marakara makwa makanîte ta mwaki, mavîvagia nthî na indo cionthe irîa irî kuo. Mavîvagia nginya kwa arîa akuû, na makathiria mîcingi ya irîma.

Gûco 4:24

Ngai-Mûnene, Ngai wenyu ekariî ta mwaki ûrîa ûvîvagia ûkathiria viû. Ke nî Ngai wî wîru.

Josh 18:5

Vûrûri ûyû nîûgaanua icunjî mûgwanja. Mûvîrîga wa Juda ûrî na vûrûri wao na mwena wa îveti. Nacio njiarwa cia Josefu irî na wao na mwena wa rûgûrû.