Amosi 5:12 - ÎVUKU RÎA ÛVORO MWARO

¹² Nîmbîcî ûrîa mavîtia menyu marî meengî na ngamenya ûrîa mwîkîte maûndû meengî macûku. Mûnyariraga andû arîa aro, mûkamûkîra mavaki na mûkagirîrîria ngîa ituîrwa na kîvooto îgootirî.

Amosi 5:12 ပူးပေါင်းရင်းမြစ်များ

Ayubu 20:19

nîûndû nîwavinyîrîrie ngîa na akîmatiganîria, na agîtava nyomba ataatumîte.

Ayubu 31:21

Ndianatûmîra vinya wakwa kûverithia mwana wa ndigwa, nîûndû atî atongoria a îtûûra marî mwena wakwa.

Thaburi 127:5

Gûkena nî mûndû ûrîa wîcûrîtie thiaka yake mîguî. Ke ndagaaconoka agîcira na nthû ciake arî karengerere.

Ntha 23:3

Ndûkonanie mûthutûkanio ciirarî wa mûthîni.

Ntha 23:6

“Ndûkarege kûrûmîrîra kîvooto rîrîa mûthîni agûcirithua.

Nthi 17:8

Mûndû ûrîa ûvakanaga eciragia îvaki rîrutaga wîra ta ngûnga, etîkîtie atî nwa rîtûme maûndû monthe marîa ekaga mavue.

Nthi 22:22

Ndûgacune mûthîni kîndû nîûndû atî ke ndarî na ûvoti, kana ûvinyîrîrie mûndû ûtarî na mûmûtethia cirarî,

Isaia 1:23

Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Isaia 10:2

Mekaga ûguo nîguo maime athîni kîvooto, na gûcuuna athîni a andû akwa kîrîa kîmagîrîrîte. Matavaga aka a ndigwa, na makaîa ciana cia ndigwa.

Isaia 29:21

Ngai nîagaacûkangia arîa marutaga ûira wa maveeni nîguo mûndû atuwe mwîvia, arîa mavîtithagia atucanîri ciira magootirî, na arîa maragia maveeni, nîguo maime arîa matarî na mavîtia kîvooto Kîamo.

Isaia 33:15

Nî mûndû ûrîa ûtûûraga na ûthingu na waragia ûma, ûrîa ûreganaga na umithio umanîte na kûvinyanîrîria. Ûrîa ûtendaga kwamûkîra mavaki, ûrîa ûtendaga kûthikîrîria ndeto cia ûûragani na ûtendaga kwona maûndû macûku.

Isaia 47:9

Maûndû mama moîrî magaaûka kûrî we wa rîmwe mûthenya ûmwe, gûkuîrwa nî ciana na gûtuîka mûndûmûka wa ndigwa, wana ethîrwa wî na ûrogi mwîngî, na wî na vinya mwîngî wa kûringa mbûgû.

Isaia 5:23

Arîa mavakagwa nîguo marekererie arîa marî na mavîtia, na makaima arîa athingu kîvooto Kîamo.

Isaia 66:18

Nîmbicî ciîko ciao na meciria mao. Ngaaûka gûcokanîrîria andû a ndûrîrî cionthe na nthiomi cionthe; magaaûka na meyonere riiri wakwa

Jeremia 29:23

Ngameka ûguo nîûndû nîmekire ûndû wa nthoni vûrûrirî wa Isiraeli. Nîmaatharirie na aka a andû arîa maariganîtie nao, na nîmaririe maveeni makîgwetaga rîîtwa rîakwa, na ndiamathîte meke guo. Nie mwene nîmbicî na nîrî mûira wa maûndû mau. Ûguo nîguo nie Ngai-Mûnene nîrauga.”

Maca 3:34

Ngai-Mûnene nîamenyaga rîrîa arîa oove, maravinyîrîrua na makanyamarua marî njeera.

Ezek 13:22

“Maveeni menyu nîmathirîtie andû arîa athingu vinya, na ndiendaga kûmathiria vinya. Nîmwîkîrîte andû arîa aganu vinya nîguo matigatige gwîka maûndû ma waganu mavonokie mîoyo yao.

Hosea 5:3

Nîmbicî andû a Efiraimu, andû a Isiraeli matingînîthitha. Mue andû a Efiraimu nîmwîkîte maûndû ma ûtharia, andû onthe a Isiraeli nîmegwatîtie mûgiro.

Amosi 2:16

Mûthenya ûcio mûndû ûrîa mûmîrîru mûno akaûra arî njaga.” Ûguo nîguo nie Ngai-Mûnene mbugîte.

Amosi 2:3

Nîngaûraga mûthamaki wa Moabu, na atongoria onthe a vûrûri wao.”

Amosi 5:10

Mue nîmûthwîre arîa marûngamagîrîra kîvooto na arîa maragia ûûma îgootirî.

Amosi 5:7

Îîmenyerereni mue arîa mûreganaga na ûûma na mûgakinyangîra kîvooto nthî.

Amosi 8:4

Tathikîrîria ûvoro ûyû mue arîa mwendaga kûvinyîrîria ngîa, na mwendaga kûthiria athîni vûrûrirî,

Mika 3:11

Atucanîri ciira marutaga wîra wao nîguo mavewe îvaki, athînjîri-Ngai mathomithagia watho nîguo marîvwe, nao arathi mataûraga cioneki nîguo mavewe mbeca. Kûnarî ûguo nîmetîîaga megiritanîtie na Ngai-Mûnene makiugaga atîrî, “Ngai-Mûnene arî vamwe natue, na gûtirî ûndû mûcûku ûngîtûnyita!”

Mika 7:3

Onthe nîmaicî waro gwîka maûndû marîa macûku; atongoria na acirithania metagia mavaki. Mûndû ûrî îgweta aragia maûndû macûku marîa marî ngororî yake, kwoguo mavangaga vamwe maûndû marîa makwenda.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Ciîko 7:52

Nî mûrathi ûrîkû methe menyu ma tene mataanyarira? Arathi acio nîmaanîrîrîte makauga atî Ûrîa-Mûthingu nîagûka, nwatî methe menyu ma tene nîmaamûragire. Na rîu mue nîmwacukanîrîra na mwaûraga Ûrîa Mûthingu.

Gûco 16:18

“Thuurani atucanîri ciira na anene kuuma matûûrarî menyu monthe marîa Ngai-Mûnene Ngai wenyu akûmûva kûringana na mîvîrîga yenyu. Andû acio magaatucagîra andû na waragania.

Gûco 31:21

Nîmakaanyitwa nî mîthiro mîîngî na mathîna. Nwatî rwîmbo rûrû rûkaainagwa nî andû a Isiraeli rûrî ûira kûrî o, na njiarwa ciao itikaariganîrwa nî ruo. Nie nîmbicî meciria mao wana mbere ya nîmavira vûrûrirî ûrîa nameerîre na mwîvîtwa atî nîngaamava.”

Jakuvu 5:4

Mûtirîvîte mîcara wana îrîkû kûrî arîa maarutire wîra mîgûndarî yenyu. Tathikîrîriani mateta mao! Kîrîro Kîam arîa mamûkethagîra irio nî gîkinyîte matûûrî ma Ngai, Mwathani Mwene vinya wonthe.

Jakuvu 5:6

Mue nîmûtuîrîrîte na mûkaûraga andû arîa athingu na matireganaga namue.

Ruthu 4:1

Boazu nîwathiîre kîvingorî gîa îtûûra na agîkara nthî vo. Nake mûndû ûrîa wa kuuma mbarî ya Elimeleku Boazu aarîtie ûvoro wake nîwavîtûkîrîre vau. Boazu nîwetire mûndû ûcio na akîmwîra atîrî, “Mûrata wakwa, ûka wîkare nthî ava.” Kwoguo mûndû ûcio nîwathiîre varî Boazu na agîkara nthî vo.

1Sam 8:3

Nwatî anake acio a Samueli matiarûmîrîra maûndû marîa îthe eekaga; maacaragia ûtonga tu; kwoguo nîmeetagia mavaki na matiatucaga ciira na kîvooto.