Amosi 4:8 - ÎVUKU RÎA ÛVORO MWARO

⁸ Nîûndû wa nyonda andû kuuma matûûrarî meengî nîmaathiîcaga îtûûrarî rîrîa meeciragia atî nîmakwona manjî, nwatî gûtiarî na manjî ma kwîgana. Kûnarî ûguo mûtianjokerera.

Amosi 4:8 ပူးပေါင်းရင်းမြစ်များ

1Atha 18:5

Ahabu nîwerire Obadia atîrî, “Tiga tûthiî vûrûrirî tûkarorie ithimarî cionthe cia manjî na ndeererî cionthe cia nyûnjî twone kana nîtûkwona nyaki mbîganu ya kûva mbarathi na nyûmbû nîguo itigakue cionthe.”

Isaia 9:12

Andû a Sîria marî mwena wa îrathîro, na andû a Filisiti marî mwena wa îthûîro, mathamîtie tûnyua twao nîguo mamerie Isiraeli. Kûnarî ûguo, marakara ma Ngai-Mûnene tî mathiru; na nîatambarûkîtie njara yake nîguo îverithanie.

Jeremia 23:14

Nwatî gatagatîrî ka arathi a Jerusalemu, nîmonete magîka ûndû mûcûku mûno; mekaga ciîko cia ûtharia na makaveenania. Mekagîra andû arîa marî ciîko njûku vinya nîguo matikagarûrûke matiga waganu, onthe kûrî nie matuîkîte ta Sodomu, na atûûri a kuo matuîkîte ta Ngomora.

Jeremia 3:3

Kwoguo mbura nene nîmvingîrîrie, wana îrîa nini nîndigu kuura; kûnarî ûguo we wîigaga ta îraa; na ndwîgucaga nthoni.

Jeremia 3:7

Nie neciririe atî, ‘Vuva wa Isiraeli gwîka maûndû mau monthe, nîakûnjokerera;’ nwatî nîwaregire kûnjokerera, na Juda mwarwang'ina ûrîa mûthani nîwonire ûndû ûcio.

Jeremia 5:3

We Ngai-Mûnene na kinthî we ndûcaragia kîvooto? We nîûmarivîte nwatî matiîgucaga ûrûrû, we nîûmavîvîtie na mwaki makathira, nwatî nîaregu kûrûngwa. Maûmîtie ngoro gûkîra îthiga; nîmaregete kûvera mevia mao.

Hosea 11:5

O nîmagacoka Misiri; nîmakaathwa nî mûthamaki wa Asîria, nîûndû nîmaregete kûnjokerera.

Hosea 7:10

Mwîtîîo wa andû a Isiraeli nî mûcûku wao. Kûnarî ûguo matingînjokerera nie Ngai Mûnene Ngai wao, wana matingînjaria manekîte maûndû mau monthe.

Amosi 4:6

Nînie natûmire kûgîe na yûra matûûrarî menyu monthe nwatî mûtianjokerera.

Mika 6:14

Mûkaarîcaga irio na mûtikaavaa, vîndî cionthe mûkethagîrwa mûrî avûtu. Mûgocaga indo na mûkîthiî nacio, nwatî mûtikaavota gûciiga. Indo irîa mûkaaigaga ngatûmaga cianangîke vîndî ya mbaara.

Hagai 1:6

Mue mûvandîte mbeû nyîngî, nwatî mûkethete tûnini; mûrîcaga, nwatî mûtivaaga; mûnyunyaga ndivei, nwatî mûtiîganagia; nîmwîkagîra nguo, nwatî nwa mûregua mvevo; mûrutaga wîra nwatî mûcara nîtakwa wîkîrîtwe mûvukorî mûtûrîku.”

Hagai 2:17

Nînatûmire rûkûngi rûnene na ndavaîki na mbura ya mbembe ciûke icûkangie indo cionthe irîa mwageragia kûrîma, nwatî kûnarî ûguo mue mûtianjokerera, ûguo nîguo Ngai-Mûnene arauga.