Amosi 4:7 - ÎVUKU RÎA ÛVORO MWARO

⁷ Nînagiririe mbura yure rîrîa mwamîvatarîte mûno. Nînatûmire mbura yure îtûûrarî rîmwe nwatî ngîgiria yure îtûûrarî rîu rîngî. Mbura yauraga mûgûndarî ûmwe nwatî mûgûnda ûcio wîngî ûkaûmagara.

Amosi 4:7 ပူးပေါင်းရင်းမြစ်များ

Ntha 10:22

Na Musa nîwaûkîrîrie njara yake îroretie na îgûrû maturî. Nakuo nîkwagîre nduma nene mûno vûrûri wa Misiri îvinda rîa mîthenya îthatû.

Ntha 10:23

Gûtirî mûndû ûngîavotire kwona ûrîa wîngî na gûtirî mûndû waumire gwake nyomba kavinda kau. Nwatî kûu andû a Isiraeli maatûûraga kwarî na ûtheri.

Ntha 8:22

Nwatî Gosheni kûrîa andû akwa matûûraga, gûtikethîrwa kûrî na ngi. Ûndû ûcio nîguo ûgaatûma ûmenye atî Nie Ngai-Mûnene nînie nîraruta wîra vûrûrirî ûyû.

Ntha 9:26

Gosheni gîcunjî kîrîa andû a Isiraeli maatûûraga nwakuo gûtaaura mbura îo ya mbembe.

Ntha 9:4

Nie nîngekîra ngûrani gatagatî ka nyamû cia andû a Isiraeli na nyamû cia andû a Misiri irîa irîthagua mîciî. Nyamû irîa irîthagua mîciî cia andû a Isiraeli itigaakua.

Isaia 5:6

Nîngaaûrekereria ûcûkangue viû; ndigacaa mîthavibu ya mûgûnda ûcio na ndîkaamîrîmîra. Nîûkaamera nthaugû na mîgua; na nîngaatha matu matikaurithie mbura mûgûndarî ûcio rîngî.”

Jeremia 14:22

Kûrî ngai cia mîvuanano mavûrûri ingiurithia mbura? Kana îgûrû rîo rîene riurithie mbura, kinthî tîwe Ngai-Mûnene Ngai wetû? Twigîte mwîvoko wetû kûrî we, nîûndû nîwe wîkaga maûndû mama monthe.

Jeremia 14:3

Anene ao nîmatûmaga ndungata ciao manjî, mathiîcaga irikorî cia manjî nwatî mationaga manjî, macokaga na mîtûngi îtarî na kîndû, makunîkaga mothiû mao nî gûconoka na kûrwa nî vinya.

Jeremia 14:4

Arîmi marî na kîeva na magakunîka ciongo ciao, nîûndû wa kwona ûrîa nthî yûmagarîte.

Jeremia 3:3

Kwoguo mbura nene nîmvingîrîrie, wana îrîa nini nîndigu kuura; kûnarî ûguo we wîigaga ta îraa; na ndwîgucaga nthoni.

Joeli 2:23

“Kenani, mue andû a Zayuni, mûcanjamûke mûrî kûrî Ngai-Mûnene, Ngai wenyu, nîûndû nîamûvete mbura îrîa mûkwenda. Nîaurithîtie mbura ya kwîgana, mbura nene na mbura nini wata mbere.

Zakaria 14:17

Na kûngîkethîrwa kûrî na rûrîrî rûkaarega kûthiî Jerusalemu kûgooca Ngai-Mûnene mwene vinya wonthe ûrîa mûthamaki, vûrûri wao nîûgaatura mbura.

Johana 4:35

Mue mwîthagîrwa na nthimo yugaga atîrî, ‘Îvinda rîa gûketha rîtigarîtie mîeri îna tu.’ Nwatî nie nîramwîra atîrî, vingûrani metho menyu na mûrorie mîgûnda mwone atî maciaro ma kîmera gîkî nî makûrû!

1Akor 4:7

Nû wagûtuire mûnene gûkîra arîa engî? Nîndûî ûrî nakîo ûtaavewa? Na ethîrwa nîkwa waveerwe, wîtîîaga nîkî takwa atarî kûvewa waveerwe?

Gûco 11:17

Mûngîkaagooca ngai ciîngî, Ngai-Mûnene nîakaarakara nîmue na atige kuurithia mbura na mîgûnda yenyu îng'aare na îtige kuuma kîndû. Nîmûgaacoka mûkuîre kuo narua, wana ethîrwa vûrûri ûcio Ngai-Mûnene akûmûva nî mwaro.

Jakuvu 5:17

Elija aarî mûndû wa tatue. Nîwavoire arî na kîîo atî gûtikaure na gûtiaura mbura gûkû nthî kwa îvinda rîa mîaka îthatû na nuthu.

Kûguû 11:6

Aira acio marî na ûvoti wa kûgiria mbura yure kavindarî karîa methagîrwa makîanîrîra ndûmîrîri ya Ngai. O marî na ûvoti wa kûgarûra manjî magatuîka nthakame, na wa gûtûma kûgîe na mathîna ma mîthemba mîîngî gûkû nthî maita meengî wa ûrîa mangîenda.