Amosi 4:3 - ÎVUKU RÎA ÛVORO MWARO

³ Mûgakururua nginya kûrîa kûrî na mîanya rûthingorî mwikue na nja. Ûguo nîguo Ngai-Mûnene arauga.”

Amosi 4:3 ပူးပေါင်းရင်းမြစ်များ

2Atha 25:4

Rûthingo rwa îtûûra nî rwomorirwe mwena ûmwe na mûthamaki vamwe na athigari onthe a mbaara nîmaaûrire ûtukû mavîtûkîrîrîte mûgûndarî wa mûthamaki. Maavîtûkîrîre kîvingorî kîrîa Kîamrî gatagatî ka nthingo igîrî, na nîmaathiîre merekerete mwena wa Araba, wana ethîrwa athigari a Babuloni nîmaarigicîrîtie îtûûra.

2Atha 7:15

Arûme acio nîmaathiîre Jorodani na makîona nguo inyagarûkîte njîrarî na indo ciîngî irîa andû a Sîria maatecaga maûrîte. Ndungata icio nîciacokire rîngî na ikîra mûthamaki ûvoro ûcio.

Isaia 2:20

Mûthenya ûcio, andû nîmagaaikîria mbuko na mvuvu, mîvuanano yao ya sîlûva na ya thaavu, îrîa meerûthîre nîguo mamîgoocage.

Isaia 31:7

Nîûndû mûthenya ûcio mue muonthe nîmûgaata mîvuanano ya sîlûva na ya thaavu, îrîa mwîrûthîrîte mue ene na njara cienyu îgatûma mwîvie.

Jeremia 52:7

Kwoguo rûthingo rwa îtûûra nîrwatûrîkirue, nao athigari a mbaara makiuma îtûûrarî rîu ûtukû, makîûra. Nao mavîtûkîrîre mûgûndarî kwa mûthamaki na makîthiî makiumîrîra kîvingorî kîrîa Kîamrî gatagatî ka nthingo irîa igîrî. Maathiîre maroretie mwena wa werû wa Araba.

Ezek 12:12

Mûtongoria ûrîa ûrî gatagatî kao nîagaakuua mûrigo wake kûrî na nduma, na aumîrîre îrimarî rîrîa aatûrîkirie rûthingorî na athiî. Nîagaakunîka ûthiû wake nîguo ndakoone vûrûri kûrîa athiîte.

Ezek 12:5

Tûrîkia îrima rûthingorî na umîrîre vo na mîrigo yaku magîkwonaga.

Amosi 6:7

Kwoguo mûkethîrwa mûrî a mbere kûthiî îthamîriorî, na irugo cia arîa mekaraga magangarîte nîikaathira.

Zefania 1:18

Mûthenya ûcio wa marakara ma Ngai-Mûnene sîlûva ciao kana thaavu ciao itikaavota kûmavonokia. Nîûndû wa mwaki wa wîru wake, nthî yonthe nîîkavîa. Nîakaathiria na îvenya arîa onthe matûûraga nthî.”

Mathaayo 16:26

Kûrî umithio ûrîkû wa mûndû kûgîa na ûtonga wa nthî yonthe nwatî acoke aûrwe nî mwoyo wake? Gûtirî kîndû wana kîmwe mûndû angîkûûranania mwoyo wake nakîo.

Atir 5:17

Mûvîrîga wa Gadi wekarire mwena wa îrathîro wa Jorodani, naguo mûvîrîga wa Dani nîwekarire vakuvî na Meri. Mûvîrîga wa Asheri nîwekarire vakuvî na îria, nîmeekarire rûtererî rwa îria.