Amosi 4:1 - ÎVUKU RÎA ÛVORO MWARO

¹ Tathikîrîriani kiugo gîkî, mue aka a Samaria mue mûnorete ta ng'ombe cia Bashani irîa ndîthie waro mûno. Mûnyamaragia athîni na mûkavinyîrîria arîa matarî kîndû na mûkera arûme enyu mamûretere ndivei mûnyue!

Amosi 4:1 ပူးပေါင်းရင်းမြစ်များ

1Atha 16:24

Nîwagûrire kîrîma gîa Samaria na sîlûva ngiri ithathatû (6,000) kuuma kûrî Shemeri. Omuri nîwairigîre kîrîma kîu, agîtuma îtûûra kuo na akîrîtania na Shemeri ûrîa warî mwene kîrîma kîu. Omuri eetire îtûûra rîu Samaria.

Ayubu 20:19

nîûndû nîwavinyîrîrie ngîa na akîmatiganîria, na agîtava nyomba ataatumîte.

Ayubu 24:4

Magiragîrîria ngîa inyita ivooto ciao, na magatûma athîni onthe methithe.

Thaburi 12:5

Nwatî Ngai-Mûnene augîte atîrî, “Nîûndû andû arîa athîni nîavinyîrîrie, na andû arîa manyamaragua nî maracaa, nîngûmava ûgitîri ûrîa meriragîria.”

Thaburi 140:12

Nîmbîcî atî Ngai-Mûnene nîaciragîrîra arîa maranyamarua, na nîonanagia ivooto kûrî ngîa.

Thaburi 22:12

Nthû nyîngî inthiûrûrûkîrîtie ta ndegwa, inthiûrûrûkîrîtie ta ndegwa mbaganu cia vûrûri wa Bashani.

Nthi 22:7

Itonga ciathaga arîa athîni, ûrîa ûkombaga nî ngombo ya ûrîa ûkombithanagia.

Mûvunjia 4:1

Nînacokire ngîona maûndû monthe matarî ma kîvooto marîa mekagwa gûkû nthî. Andû arîa avinyîrîrie nwakwa maarîraga na gûtiarî mûndû wa kûmavoreria. Andû arîa maamavinyagîrîria maarî na vinya na gûtirî mûndû ûngîavorerie arîa maavinyagîrîrua.

Mûvunjia 5:8

Ndûkamake rîrîa ûkwona vûrûrirî atongoria makîvinyîrîria arîa athîni na makîmacuna ivooto ciao na maûndû ma ma. Mûtongoria wa wonthe ethagîrwa arî rungu rwa mûtongoria wîngî, nao oîrî methagîrwa marî rungu rwa atongoria engî.

Isaia 28:1

Kaî andû a Efiraimu arîa mîrîu marî na thîna-î, ûthaka wa riiri wao ûrathira ta ûrîa yûa rîvovaga, ûthaka wao ûrîa ûvana ta maûa maravova maigîrîrîtwe ciongorî cia atongoria acio marîtwe nî ndivei.

Isaia 5:8

Mue nyomba na mîgûnda kaî mûrî na thîna-î, mwongagîrîra mîgûnda kûrî îrîa mûgûrîte, nginya rîrîa gûkethîrwa gûtarî na vandû mûndû wîngî angîtûûra, na mûgatûûra mûrî muenga.

Isaia 56:12

Meranaga atîrî, “Ûkani tûgacarie ndivei; tigani tûnyue njovi tûvae! Rûyû rûkaavana wata ûmûnthî, na rûyû ûkethîrwa ûrî mûthenya mûnene makîria!”

Isaia 58:6

“Kwînyerekia kûrîa kûngenagia nî gûkû: kûthengutia mînyororo ya gûkinyanîrîria na ya kwimana kîvooto; kûrekereria andû arîa akinyîrîrie, na kûthengutia mînyororo ya mîthemba yonthe.

Jeremia 50:11

“Mue arîa mwatavire vûrûri wakwa! Wana ethîrwa nîmûrakena na mûgacanjamûka; mûrarûgarûga ta ng'ombe îkîvûûra ngano, na mûkaania ta mbarathi cia njamba.

Jeremia 50:27

Ûragani athigari onthe arîa njamba; tigani manyûrûrûke mathiî kîthînjîro! Kaî andû a Babuloni marî thînarî-î, kavinda kao ga kûverithua nîgakinyu.

Jeremia 51:34

Nebukadinezarû mûthamaki wa Babuloni nîacûkangîtie Jerusalemu na agakwananga. Agûtigîte gwîkariî ta nyûngû îtarî na kîndû, akûmeretie ta njûnamatu. Eyocerete kîrîa kîonthe akwenda, agacoka agata indo icio ciîngî.

Jeremia 6:6

Ngai-Mûnene mwene vinya wonthe arauga atîrî, “Kûrani mîtî yarîo, ûmbani mûthetu ivumbu ithiûrûrûkîrîtie Jerusalemu. Nwanginya îtûûra rîîrî rîverithue, nîûndû rîcûrîtwe nî kûvinyanîrîria.

Jeremia 7:6

Tigani kûvinyîrîria ageni, ciana cia ngoriai na aka a ndigwa, kana mûrage mûndû mûthingu gûkû vûrûrirî ûyû, wana mûtige gûtungatîra ngai ciîngî nîûndû kûu nîgwîcûkangagia.

Ezek 18:12

Ke nîavinyagîrîria andû arîa athîni na arîa mavatarîte, nî mûcunani, ndarîvaga kîndû kîrîa meranîrîte atî nîakaarîva, nî avoyaga mîvuanano, na nîekaga maûndû marî mûgiro,

Ezek 22:12

Andû amwe enyu nîmetagia mavaki nîguo maûrage andû engî. Na engî nîmetagia umithio wa indo irîa makombithîtie andû ao, magacuuna andû indo na magetongia na njîra îrîa îtagîrîrîte na makariganîrwa Nînie.” Ûguo nîguo Ngai-Mûnene augîte.

Ezek 22:27

Atongoria ao arîa marî îtûûrarî mekariî ta ciathi irîa itambururangaga nyamû irîa ciûragîte. Maûragaga andû nîguo megîre na ûtonga na njîra îrîa îtarî mbagîrîru.

Ezek 22:29

Andû onthe a vûrûri nîmacunanaga na makaîa na vinya. Nîmanyariraga athîni na ngîa, na makavinyîrîria ageni vatarî kîvooto.

Ezek 22:7

Îthe na ng'ina wa mûndû arîa marî kûrî we mativecagwa gîtîîo. Mûgeni ûrîa ûtûûraga gwaku, nîacunagwa indo ciake. Nacio ciana cia ngoriai na aka a ndigwa nîmoonagîrwa.

Ezek 34:16

“Ng'ondu irîa ciûrîte nîngaaicaria, na irîa inyaganîtie nîngaaicokanîrîria vamwe. Irîa ikûthua nîngaaciova na mbîkîre vinya irîa itarî na vinya. Nwatî irîa noru na irî na vinya nîngaaicûkangia nîûndû nie ndîthagia na kîvooto.

Ezek 39:18

Nîikaarîa nyama cia athigari njamba na inyue nthakame ya anene a nthî arîa makaaûragwa ta ndûrûme, tûgondu, mbûri kana ndegwa irîa noru cia Bashani.

Joeli 3:3

Nîmaaûthire nîguo mamenye nî ûrîkû ûgwoca mîgwate; nîmeendirie anake na erîtu marî ngombo, nîguo marîve ûmaraa na ndivei.

Amosi 3:1

Mue andû a Isiraeli, tathikîrîriani ndûmîrîri îrîa Ngai-Mûnene arîtie îmwîgiî mue arîa onthe aarutire vûrûri wa Misiri.

Amosi 3:3

Andû aîrî nwa mathiî rûgendo matarîkanîrîte?

Amosi 5:11

Mue nîmûvinyagîrîria ngîa na mûkametia gooti ya ngano nyîngî gûkîra ûrîa magîrîrwe nî kûruta. Mwîtumîrîte nyomba cia mathiga ma kumia, nwatî mûtigaitûûra. Nîmûrîmîte mîgûnda mîaro ya mîthavibu nwatî mûtikaanyua ndivei ya thavibu icio.

Amosi 6:1

Kaî arîa mekaraga Zayuni magangarîte marî na thîna-î, na arîa megucaga marî agitîre marî kîrîmarî gîa Samaria, mue atongoria a rûrîrî rûnene rwa Isiraeli, kûrîa andû mathiîcaga gûcaria ûtethio!

Amosi 6:6

Mûnyunyaga ndivei na mbakûri, na mûkevaka maguta manungi waro mûno, nwatî mûtiîgucaga kîeva nîûndû wa gûcûkangua gwa Isiraeli.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Ndari 21:33

Andû a Isiraeli nîmaacokire vuva na makîrûmîrîra njîra îrîa yathiîte Bashani. Nake Ogu mûthamaki wa Bashani nîwaumire na athigari ake na makîmatharîkîra marî Ederei.

Gûco 24:14

“Ndûkaverithie mûndû mûthîni na ngîa ûrîa wandîkîte, arî wa andû enyu Aisiraeli kana arî mûgeni kuuma îtûûrarî rîmwe rîa vûrûri wenyu.

Gûco 28:33

Vûrûri mûgeni ûgoocaga irio cienyu cionthe irîa mûrutîrîte wîra na mûtikoona wanarî kîndû, tiga kûvinyîrîrua na kûthînua mûno vîndî cionthe.