Amosi 3:15 - ÎVUKU RÎA ÛVORO MWARO

¹⁵ Nîngaacûkangia nyomba irîa ciîkaragwa vîndî ya mvevo na vîndî ya riûa na nyomomore nyomba irîa ng'emie na mîguongo. Gûtirî nyomba wanarî îmwe ya icio nene îgaatigara.” Ûguo nîguo nie Ngai-Mûnene mbugîte.

Amosi 3:15 ပူးပေါင်းရင်းမြစ်များ

1Atha 22:39

Maûndû marîa mengî monthe marîa mûthamaki Ahabu eekire, wa vamwe na nyomba yake îrîa aatumîte na mîguongo na matûûra monthe marîa aatumire nîmandîke Îvukuurî rîa Maûndû ma Tene ma Athamaki Isiraeli.

Thaburi 45:8

Nguo ciaku irî na mûtararûko wa maguta na mînyamû mînungi waro, aini a nyîmbo magûkenagia marî nyombarî ya ûthamaki îgemetue na mîguongo.

Isaia 5:9

Nîmbîguîte Ngai-Mûnene mwene vinya wonthe akiuga atîrî, “Nama nyomba nyîngî igaatigwa irî ntheri, nyomba nene na mbaro itarî na andû a gwîkara kuo.

Jeremia 36:22

Vîndî îo kwarî mweri wa kenda, na mûthamaki eekarîte nyomba îrîa ekaraga vîndî ya mvevo agîota mwaki.

Amosi 2:5

Kwoguo nîngaatûma mwaki vûrûrirî wa Juda, na ûcûkangie kûndû kûrîa kûgitîre îtûûrarî rîa Jerusalemu.”

Amosi 3:11

Nthû nîikaarigicîria vûrûri na kûrîa kûgitîre kûthirwe vinya na nthingo irîa cirigîrîte matûûra menyu ciomomorangwe.”

Amosi 5:11

Mue nîmûvinyagîrîria ngîa na mûkametia gooti ya ngano nyîngî gûkîra ûrîa magîrîrwe nî kûruta. Mwîtumîrîte nyomba cia mathiga ma kumia, nwatî mûtigaitûûra. Nîmûrîmîte mîgûnda mîaro ya mîthavibu nwatî mûtikaanyua ndivei ya thavibu icio.

Amosi 6:11

Taroria! Ngai-Mûnene nîarathana, nyomba nene na nini nîikaavaraganua ithire.

Malaki 1:4

Andû a Edomu, na nîruo rûciaro rwa Esaû nwa mauge atîrî, “Matûûra metû nîmaacûkangirue, nwatî nîtûkamatuma rîngî.” Nwatî Ngai-Mûnene, mwene vinya wonthe arauga atîrî, “Nîmagaatuma matûûra mao rîngî nwatî nie nîngaamomora. Andû makaametaga, ‘Vûrûri mwaganu, ûrîa ûtûûraga ûrakarîrîtwe nî Ngai-Mûnene tene na tene.’ ”

Atir 3:20

Ehudi nîwacokire akîthiî kûrî mûthamaki nyombarî ya îgûrû îrîa aarî arî wenga kûrîa aanogokaga vîndî ya ûrugarî. Nîwacokire akîmwîra atîrî, “Nîrî na ndûmîrîri yaku kuuma kûrî Ngai.” Nake mûthamaki nîwarûngamire.