Amosi 3:10 - ÎVUKU RÎA ÛVORO MWARO

¹⁰ Ngai-Mûnene arauga atîrî, “Maigaga indo irîa maîîte na macunanîte na vinya nyombarî ciao. Kwoguo matimenyaga gwîka maûndû marîa magîrîru.

Amosi 3:10 ပူးပေါင်းရင်းမြစ်များ

Ayubu 20:21

nîûndû arîcaga atagûtigaria, kwoguo ûtonga wake ndûgatûûra.

Thaburi 14:4

Ngai-Mûnene araûria atîrî, “Nîkwa andû arîa mekaga maûndû macûku matarî na ûmenyo? Marîcaga andû akwa ta ûrîa marîcaga irio, na matingoocaga.”

Nthi 1:13

Nîtûkegwatîra indo cionthe cia goro, twîcûrie nyomba cietû indo irîa tûtavîte.

Nthi 11:16

Mûndûmûka mûtugi nîavecagwa gîtîîo, na mûndûmûrûme mûvinyaru nîagîcaga na ûtonga.

Nthi 28:5

Andû arîa eki naaî matitaûkagîrwa nî kîvooto, nwatî arîa magoocaga Ngai-Mûnene nîmataûkagîrwa viû.

Mûvunjia 4:1

Nînacokire ngîona maûndû monthe matarî ma kîvooto marîa mekagwa gûkû nthî. Andû arîa avinyîrîrie nwakwa maarîraga na gûtiarî mûndû wa kûmavoreria. Andû arîa maamavinyagîrîria maarî na vinya na gûtirî mûndû ûngîavorerie arîa maavinyagîrîrua.

Jeremia 4:22

Ngai-Mûnene arauga atîrî, “Andû akwa nî irimû matimbicî, o nî ciana nditu itarî na ûmenyo. Methagîrwa na wara wa gwîka maûndû macûku, nwatî matiîcî gwîka maûndû maro.”

Jeremia 5:4

Nanie nînacokire ngiuga atîrî, “Aya nî andû athîni na matirî ûûgî! Nîûndû matiîcî maûndû marîa Ngai-Mûnene endaga, na matiîcî watho wa Ngai wao.

Ezek 18:7

ethîrwa ndavinyagîrîria mûndû wana ûrîkû, nîacokagia kîndû kîrîa eranîrîte kûrî mûndû ûrîa marî thirî nake, wana ndacuunaga andû indo ciao, nwatî nîavecaga arîa avûtu irio na arîa matarî na nguo akamava cia gwîkîra.

Ezek 22:29

Andû onthe a vûrûri nîmacunanaga na makaîa na vinya. Nîmanyariraga athîni na ngîa, na makavinyîrîria ageni vatarî kîvooto.

Ezek 8:17

Ngai-Mûnene nîwambîrire atîrî, “Mûndû, nîwona maûndû mau? Maûndû mau marî mûgiro andû a Juda mareka marona arî ûndû mûnini, nîûndû nîmatûmîte vûrûri wonthe ûgîe mbaara na magatûma nthiî na mbere kûrakara? Taroria, nîmarandakaria makîria!

Hosea 7:1

Rîrîa rîonthe nenda kûrûnga andû akwa a Isiraeli na kûmavonia, wîvia wa andû a Efiraimu nîûguûragua, vamwe na ciîko njûku irîa ciîkîtwe nî andû a Samaria. Nao nîmaavenanagia; nîmavunjaga nyomba cia arîa engî, na acunani nîmaakavagîra andû njîrarî na makamacuna indo ciao.

Amosi 4:1

Tathikîrîriani kiugo gîkî, mue aka a Samaria mue mûnorete ta ng'ombe cia Bashani irîa ndîthie waro mûno. Mûnyamaragia athîni na mûkavinyîrîria arîa matarî kîndû na mûkera arûme enyu mamûretere ndivei mûnyue!

Amosi 5:7

Îîmenyerereni mue arîa mûreganaga na ûûma na mûgakinyangîra kîvooto nthî.

Amosi 6:12

Mbarathi nîivinyûragîra mathigarî? Andû nîmarîmaga îriarî na ndegwa? Nwatî mûgarûrîte kîvooto gîgatuîka ûrogi, na ûthingu ûgatuîka ûrûrû.

Amosi 6:3

Mue mûgeragia kûrega mûthenya mûcûku, nwatî mûgetîkîra arîa maathanaga na vinya.

Amosi 6:8

Ngai-Mûnene mwene vinya wonthe nîevîtîte akauga, “Nînthûrîte mwîtîîo wa andû a Isiraeli, na ngamena nyomba ciao cia goro, nîngaavecana îtûûra rîao rîrîa rînene na indo cionthe irîa irî kuo kûrî nthû ciao.”

Mika 6:10

Nyombarî cia andû arîa aganu kûrî indo irîa andû acio maagwatire na njîra ya maveeni. Matûmagîra ithimi cia maveeni na ûndû ûcio nînîûthûrîte.

Zefania 1:9

Mûthenya ûcio ngamaverithia onthe, arîa onthe magoocaga ngai cia mîvuanano; na arîa onthe mecûragia nyomba ya mwathi wao, na indo irîa macunanîte na vinya na kwîa.”

2Pet 3:5

Makîmenyaga na ma atî tene mûno Ngai nîwathanire kûgîe îgûrû na nthî. Nthî yaûmbirwe kuuma kûrî manjî.