Amosi 2:8 - ÎVUKU RÎA ÛVORO MWARO

⁸ Mamamaga vakuvî na metha ya kîgongoona, na makamamîra nguo irîa macunîte athîni nîguo irûngamîrîre thirî wao. Manyunyagîra ndivei hekarûrî ya Ngai wao, îrîa matavîte andû maremwa nî kûrîva mathiirî.

Amosi 2:8 ပူးပေါင်းရင်းမြစ်များ

Ntha 22:25

“Mûndû ûgaakombithia ûmwe wa andû akwa arîa athîni mbeca, ndagatuîke ta mûndû ûrîa ûkombithanagia mbeca agîa na maciaro.

Isaia 57:7

Mûrîarûthîru ûtharia kûndû kûrîa gûtûgîru na njîra ya kûgooca mîvuanano, kwoguo mûtiîthîrîtwe mûrî evokeku kûrî nie.

Ezek 18:12

Ke nîavinyagîrîria andû arîa athîni na arîa mavatarîte, nî mûcunani, ndarîvaga kîndû kîrîa meranîrîte atî nîakaarîva, nî avoyaga mîvuanano, na nîekaga maûndû marî mûgiro,

Ezek 18:7

ethîrwa ndavinyagîrîria mûndû wana ûrîkû, nîacokagia kîndû kîrîa eranîrîte kûrî mûndû ûrîa marî thirî nake, wana ndacuunaga andû indo ciao, nwatî nîavecaga arîa avûtu irio na arîa matarî na nguo akamava cia gwîkîra.

Ezek 23:41

Mekarîîre itî mbaro mûno ta irîa ciîkaragîrwa nî anene na metha îtandîkîtwe mbere yao. Metharî îo maaigîrîrîte ûbani wakwa na maguta makwa.

Hosea 4:8

Metongetia na maketha ma andû akwa arîa evia, nîmeriragîria mûno kwona magîka mevia.

Hosea 7:14

O nîmangayagîra nwatî tî kuuma ngoro ndaarî. Maragaragara na magetemanga marî itandarî ciao, nîguo nyamûkîre matega mao ma ndivei na ngano; nwatî nîmareganîte nanie.

Amosi 3:14

Mûthenya ûrîa ngaaverithia andû Isiraeli nîûndû wa mevia mao na njûkangie metha cia kîgongoona cia Betheli, nîngaatemanga mvîa cia metha cionthe cia magongoona nîigwîthie nthî.

Amosi 4:1

Tathikîrîriani kiugo gîkî, mue aka a Samaria mue mûnorete ta ng'ombe cia Bashani irîa ndîthie waro mûno. Mûnyamaragia athîni na mûkavinyîrîria arîa matarî kîndû na mûkera arûme enyu mamûretere ndivei mûnyue!

Amosi 6:4

Mue arîa mûmamagîra itanda cia mîguongo kaî mûrî na thîna-î, na mûgatambararia itîîrî cia cûva, mûkîrîcaga nyama kuuma ndîthiarî cia ng'ondu, na nyama cia njaû kuuma ndîthiarî cia ng'ombe.

Amosi 6:6

Mûnyunyaga ndivei na mbakûri, na mûkevaka maguta manungi waro mûno, nwatî mûtiîgucaga kîeva nîûndû wa gûcûkangua gwa Isiraeli.

1Akor 10:21

Mue mûtingîvota kûnyuîra gîkomberî Kîam Mwathani na mûcoke mûnyuîre gîkomberî Kîam ndaimono; mûtingîvota kûrîîra metharî ya Mwathani na mûcoke mûrîîre metharî ya ndaimono.

1Akor 10:7

na tûtikavoyage mîvuanano ta ûrîa amwe meekire. Kwandîkîtwe mandîkorî matheru atîrî, “Andû nîmeekarire nthî, makîrîa na makînyua magîka ciîko cia ûmaramari.”

1Akor 8:10

Ethîrwa mue mûrî na “ûmenyo” nîmûrîcaga irio mûrî hekarûrî ya mîvuanano, kinthî mûndû ûrîa ûrî na thamiri mvûthû angîmwona mûkîrîîra irio kuo ndakarîa irio irîa irutîrîtwe mîvuanano?

Atir 9:27

Andû a Shekemu nîmaathiîre mîgûndarî yao ya mîthavibu na magîketha thavibu, makîthondeka ndivei na makîgîa na kîrugo. Nîmaacokire magîtonya hekarûrî ya ngai yao, nîmaarîre na makînyua magîcoka makîruma Abimeleki.