Amosi 2:10 - ÎVUKU RÎA ÛVORO MWARO

¹⁰ Nînacokire ngîmûruta vûrûri wa Misiri, ngîmûtongoria werûrî mîaka mîrongo îna, nîguo mûkegwatîre vûrûri wa Amori.

Amosi 2:10 ပူးပေါင်းရင်းမြစ်များ

Nehemia 9:21

Nîwamamenyerere îvinda rîa mîaka mîrongo îna marî werûrî na matiatura kîndû, nguo ciao itiathira kana magûrû mao maimba.

Thaburi 95:10

Nînaarakarirue nî rûciaro rûu îvinda rîa mîaka mîrongo îna, na ngiuga atîrî, ‘Aya nî andû aremi, na nîmaregete kwathîkîra maathani makwa.’

Ntha 12:51

Na mûthenya ûcio Ngai-Mûnene nîwarutire andû a mîvîrîga ya Isiraeli vûrûri wa Misiri.

Ntha 20:2

“Nînie Ngai-Mûnene, Ngai waku ûrîa wakûrutire vûrûri wa Misiri kûrîa warî ûkomborî.

Ntha 3:8

Kwoguo nie nyûrûrûkîte mbûke nîmatethûre kuuma kûrî andû a Misiri, nîmarute Misiri nîmavire vûrûri mwaro na mûnene. Vûrûri ûcio wîcûrîte îria na ûûkî, na nîkuo gûtûûragwa nî Akanaani, Ahiti, Amori, Aperizi, Ahivi na Ajebusi.

Jeremia 2:6

Matieyûria atîrî, ‘Arîkû Ngai-Mûnene, ûrîa watûrutire vûrûri wa Misiri, na agîtûtongoria werûrî, vûrûri warî mûmagaru na warî na marima, kûndû gûtaarî manjî na kwarî nduma nene, vûrûri ûtavîtûkagîrîrwa nî mûndû, kana ûgatûûrwa nî andû?’

Ezek 20:10

“Kwoguo nînaamarutire vûrûri wa Misiri na ngîmavira werûrî.

Amosi 3:1

Mue andû a Isiraeli, tathikîrîriani ndûmîrîri îrîa Ngai-Mûnene arîtie îmwîgiî mue arîa onthe aarutire vûrûri wa Misiri.

Amosi 9:7

Ngai-Mûnene arauga atîrî, “Mue andû a Isiraeli, nîmwîciragia wata ûrîa nîîciragîria andû a Ethiopia. Nînarutire andû a Isiraeli vûrûrirî wa Misiri, na ngîruta Afilisiti kuuma Kirete, na andû a Sîria ngîmaruta Kiru.

Mika 6:4

Nie nînaamûrutire vûrûri wa Misiri, na ngîmûkûûra kuuma ûkomborî. Nînaamûtûmîre Musa, Aroni, na Miriamu mamûtongorie.

Ndari 13:32

Kwoguo athigani acio nîmaavenirie andû a Isiraeli ûvoro wîgiî vûrûri ûcio maathiîte kûthigana rîrîa maaugire atîrî, “Vûrûri ûrîa tûthiûrûrûkîte tûkîûthigana nî mûgînju mûno wana ndwîganagîria andû a guo irio. Nao andû onthe arîa twonire maarî araca na anene mûno.

Ndari 21:25

Kwoguo andû a Isiraeli nîmegwatîre matûûra monthe ma vûrûri wa Amori, Heburoni na icagi cionthe ciamo.

Ndari 32:13

Ngai-Mûnene nîwarakarirue mûno nî andû a Isiraeli na agîtûma maûrûre werûrî îvinda rîa mîaka mîrongo îna (40) nginya rîrîa rûciaro rûu ruonthe rwekîte maûndû macûku mbere ya Ngai-Mûnene rwakwire.

Ciîko 13:18

na kwa îvinda rîa mîaka mîrongo îna akîmamenyerera werûrî.

Ciîko 7:42

Nwatî Ngai nîwamatiganîrie na akîmarekereria magooce njata cia îgûrû wata ûrîa kwandîkîtwe îvukuurî rîa arathi atîrî, ‘Andû a Isiraeli! Nie tî nie mwathînjagîra na mûkarutîra magongoona vîndî îrîa mue mwaûrûraga werûrî kwa îvinda rîa mîaka mîrongo îna.

Gûco 1:39

“Ngai-Mûnene nîwacokire agîtwîra atî, ‘Ciana cienyu irîa itangîvota gûkûûrana ûndû mwaro na mûcûku, icio mwaugire nîigaatavwa nî nthû cienyu, nîcio igaatonya vûrûrirî ûcio, na nîngaaiva guo ûtuîke wacio.

Gûco 2:7

“Ngai-Mûnene, Ngai wenyu ethîrîtwe akîmûrathima maûndûrî monthe marîa mwethîrîtwe mûgîka, na akîmûmenyagîrîra rîrîa mwaûrûraga werûrî ûyû mûnene ûguo. Ethîrîtwe arî vamwe namue îvinda rîa mîaka mîrongo îna (40) na mwarî na indo cionthe irîa mwavataraga.

Josh 13:4

vûrûri wonthe wa Kanaani na Meara (kûrîa kwarî kwa andû a Sidoni) nginya Afeku mûvakarî wa Amori.

Josh 24:8

Nînaacokire ngîmûreta vûrûrirî wa Amori arîa maatûûraga mwena wa îrathîro wa rûnjî rwa Jorodani. Nîmwarûire nao na nînaamûvotithirie kûmavoota. Nîmwegwatîre vûrûri wao ûgîtuîka wenyu na nînaamacûkangagia wa ûrîa mwathiîcaga na mbere.