Amosi 1:2 - ÎVUKU RÎA ÛVORO MWARO

² Amosi nîwaugire atîrî, Ngai-Mûnene nîararama arî kîrîmarî gîa Zayuni; na akaruruma arî Jerusalemu, wana nyaki ya arîthi nîraûma. Nyaki îrîa îrî kîrîmarî gîa Karimeli nîîravova.

Amosi 1:2 ပူးပေါင်းရင်းမြစ်များ

Thaburi 29:4

Mûgambo wa Ngai-Mûnene ûrî vinya, mûgambo wa Ngai-Mûnene wîcûrîtwe nî riiri.

Thaburi 46:6

Mavûrûri nî mamaku, mothamaki makainaina; rîrîa Ngai aria, nthî nîîrarûkaga ta mûvûra.

Nthi 20:2

Mûthamaki arî mûrakaru nîta mûnyambû ûkîrarama, mûndû ûrîa ûmûrakaragia ecaragîria gîkuû ke mwene.

Isaia 33:9

Nthî îrî na kîeva na îkarega gûciara maciaro, mîtî ya Lebanoni nî mîûmû; Kîamnda kînoru gîa Sharoni gîkariî ta werû, nayo mîtî ya Bashani na Karimeli nî mîrivarivûku mathangû ma yo.

Isaia 35:2

Nîgûkaamera maûa meengî, na kwine gûcanjamûkîte na gîkeno. Werû nîûkaavewa riiri wa Lebanoni, ûthaka wa kîrîma gîa Karimeli na wa Kîamnda gîa Sharoni. Nîmakoona riiri wa Ngai-Mûnene, nîmakoona ûnene wa Ngai wetû.

Isaia 42:13

Ngai-Mûnene aumagarîte ta njamba îrî vinya, evarîrîtie kûrûa ta mûthigari arî mbaararî. Nîaraugîrîria, aranîrîra na mûgambo mûnene, na nîareyonania arî na vinya gûkîra nthû ciake.

Jeremia 12:4

Nî nginya rî vûrûri ûgwîkara ûgîcakayaga, na nyaki yonthe îrî nyûmû mîgûndarî. Nyamû na iconi nîkwa irakua, nîûndû wa waganu wa andû acio, marauga atî: “Ngai ndarona ûrîa tûreka.”

Jeremia 14:2

“Juda nîîracakaya, matûûra ma Juda mamamîte nthî magîcakaya, andû akuo maracakaya maturîtie maru mao, andû a Jerusalemu nî mararîra makîenda ûtethio.

Jeremia 25:30

“ ‘We Jeremia nîûkaaratha maûndû mama monthe îgûrû rîao na uuge atî: Ngai-Mûnene nîakaararama kuuma îgûrû, na arie mûgambo arî kûrîa kûtheru ekaraga, nîakaaruruma na vinya îgûrû rîgiî andû ake, nîakaaugîrîria ta andû arîa makinyangaga thavibu, îgûrû rîgiî atûûri onthe a nthî.

Jeremia 28:8

Arathi arîa maarî kuo mbere yaku na mbere yakwa mavinda ma tene, nîmaarathire atî mbaara, yûra na mîrimû nîgaûka kûrî mavûrûri meengî na mothamaki marî vinya.

Jeremia 50:19

Nîngatûma andû a Isiraeli vûrûrirî wao. Makarîcaga irio irîa ikûraga kîrîmarî gîa Karimeli na Bashani. Nao nîmakaarîa nginya meganie kîrîa kîonthe gîkûragua mwena wa Efiraimu na Gileadi.

Hosea 11:10

Nîmakaanjaria nie Ngai-Mûnene, ûrîa ûrurumaga ta mûnyambû, rîrîa ngaruruma ciana ciakwa ikauma îthûîro igîtetemaga.

Hosea 13:8

Nînîmûrûgîra ta Kîamthi gîcunîtwe twana twakîo, Nînîmûtarûranga ithûri cienyu ta mûnyambû na nîmûrîe vau vau. Nînîmûtarûranga inuku ta ûrîa nyamû ya kîthaka îkaga.

Joeli 1:19

We Ngai-Mûnene nînîrakûrîrîra, mwaki nîûthirîtie kûndû gwa kûrîthua, nînîmbî cia mwaki nîithirîtie mîtî yonthe ya kîthaka.

Joeli 2:11

Ngai-Mûnene nîathaga athigari ake, athigari ake nî engî mûno, arîa mamwathîkagîra nî eengî mûno. Mûthenya wa Ngai-Mûnene nî mûnene na nîwakûmakania, nîûrîkû ûngîvota kûwîtirîria?

Joeli 3:16

Ngai-Mûnene nîararuruma arî kîrîmarî gîa Zayuni; aranîrîra na mûgambo mûnene arî Jerusalemu, îgûrû na nthî nîirainaina. Ngai-Mûnene nîke rîûrîro rîa andû ake, nîke ûgitagîra andû ake.

Amosi 9:3

Wana mangîkeethitha kîrîmarî gîa Karimeli îgûrû, nîngamacaria nîmarute kuo. Wana mangîkeethitha kûraca nanie îriarî kûrîa kûrikîru mûno, nîngaatha njoka îrîa îtûûraga îriarî îmarûme.

Nahumu 1:4

Nîathaga îria na rîkanyaara, ke nîanyarithagia nyûnjî. Mîgûnda ya Bashani na kîrîma gîa Karimeli nîciûmagaraga, maûa ma Lebanoni makavova.

1Sam 25:2

Nakuo kwarî na mûndû wa mûvîrîgarî wa Kalebu warî wa kuuma îtûûrarî rîa Maoni. Ke aarutaga wîra wa kûgûra na kwendia ng'ondu îtûûrarî rîa Karimeli. Nîwarîthagia ng'ondu na agacienja guoya. Aarî na ng'ondu ngiri ithatû (3,000) na mbûri ngiri îmwe (1,000). Kwoguo aarî mûtongu mûno.