Amosi 1:1 - ÎVUKU RÎA ÛVORO MWARO

¹ Ino nîcio ciugo cia Amosi. Amosi aarî ûmwe wa arîthi a kuuma îtûûra rîa Tekoa. Mîaka îîrî mbere ya kîthingithia, rîrîa Uzia aarî mûthamaki wa Juda, na Jeroboamu mûvîcî wa Joashi arî mûthamaki wa Isiraeli, Ngai nîwaguûrîrie Amosi maûndû mama megiî Isiraeli.

Amosi 1:1 ပူးပေါင်းရင်းမြစ်များ

2Sam 14:2

Kwoguo Joabu nîwatûmanîre mûndûmûka ûmwe warî mûûgî watûûraga îtûûrarî rîa Tekoa. Rîrîa mûndûmûka ûcio aathiîre kûrî Joabu, Joabu nîwamwîrire atîrî, “Îîtue atî nîkwa ûracakaya, wîkîre nguo ciaku cia macakaya, na ndûgacanûre njuîrî ciaku na wîtue ta mûndûmûka wîthîrîtwe agîcakaya kavinda karaca.

1Atha 19:19

Elija nîwaumire vau, akîthiî na akîthîrîria Elisha mûvîcî wa Shefati akîrîma na ikundi îkûmi na igîrî cia ndegwa; ikundi îkûmi na kîmwe ciarî mbere yake, nwatî ke mwene aarîmaga na gîkundi gîa îkûmi na igîrî. Elija nîwavîtûkîrîre vakuvî na Elisha, akîruta nguo yake na agikîria Elisha yo.

2Atha 14:21

Nao andû onthe a Juda nîmoocire mûvîcî, Azaria arî na ûkûrû wa mîaka îkûmi na îtandatû (16) na makîmûtua mûthamaki vuva wa gûkua kwa îthe, Amazia.

2Atha 14:23

Mwakarî wa îkûmi na îtano Amazia, mûvîcî wa Joashi arî mûthamaki wa Juda, Jeroboamu mûvîcî wa Joashi nîwatuîkire mûthamaki wa Isiraeli na nîwathanire arî Samaria îvinda rîa mîaka mîrongo îna na ûmwe (41).

2Maû 11:6

Aatumire matûûra ma: Bethilehemu, Etamu, Tekoa,

2Maû 20:20

Kîraûko tene, andû onthe a Juda na a Jerusalemu nîmaathiîre werûrî wa Tekoa. Mbere ya mambîrîria rûgendo Jehoshafati nîwamerire atîrî, “Tanthikîrîriani mue andû a Juda na a Jerusalemu! Îîvokeni Ngai-Mûnene, Ngai wenyu na nîmûkwîvanda. Îtîkiani ûrîa arathi ake makûmwîra na nîmûkûvootana.”

Ntha 3:1

Mûthenya ûmwe Musa akîrîthia ndîthia ya mûthoniwe Jethiro, mûthînjîri-Ngai wa Midiani, nîwavirire mbûri ikîranîrîtie werûrî na igîkinya kîrîmarî gîa Sinai. Kîrîma gîa Sinai Kîamrî kîrîma kîtheru.

Isaia 1:1

Ino nî cioneki irîa Ngai aaguûrîrie Isaia, mûvîcî wa Amozu, ciîgiî Juda na Jerusalemu vîndî îrîa Uzia, Jothamu, Ahazi na Ezekia maarî athamaki a Juda.

Jeremia 1:1

Îno nî ciugo cia Jeremia mûvîcî wa Hilikia, ûmwe wa athînjîri-Ngai a îtûûra rîa Anathothi vûrûrirî wa Benjamini.

Jeremia 28:8

Arathi arîa maarî kuo mbere yaku na mbere yakwa mavinda ma tene, nîmaarathire atî mbaara, yûra na mîrimû nîgaûka kûrî mavûrûri meengî na mothamaki marî vinya.

Jeremia 6:1

Mue andû a Benjamini, ûrani mûkegitîre! Ûrani mume Jerusalemu! Vuvani karumbeta mûrî Tekoa; na mwonanie rûûri rwa ûgwati kûu Bethi-hakeremu! Nîûndû ûndû mûcûku na mwanangîko kuuma mwena wa rûgûrû nîûkîte.

Jeremia 7:27

“Kwoguo we Jeremia, îra andû akwa maûndû mama monthe, nwatî tîmakûthikîrîria. We nîûkameta, nwatî matigagwîtîka.

Hosea 1:1

Ndûmîrîri ya Ngai-Mûnene nîyakinyîre Hosea mûvîcî wa Beeri vîndî îrîa Uzia, Jothamu, Ahazi na Hezekia maarî athamaki a Juda, nake Jeroboamu mûvîcî wa Joashi arî mûthamaki wa Isiraeli.

Amosi 7:14

Nake Amosi nîwacokerie Amazia atîrî, “Nie ndirî mûrathi wa kûrîvwa, kana ûmwe wa gîkundi Kîam arathi. Nîrî mûrîthi na mûmenyereri wa mûkûyû.

Mika 1:1

Ndûmîrîri ya Ngai-Mûnene nîyakinyîre Mika vîndî îrîa Jothamu, Ahazi, na Hezekia maarî athamaki a vûrûri wa Juda. Mûrathi Mika aarî wa kuuma îtûûra rîa Moreshethi, na nîwaguûrîrue maûndû marîa maarî mekîke Samaria na Jerusalemu.

Zakaria 14:5

Nîmûkaaûra mûvîtûkîrîrîte Kîamndarî kîu kîgaanîtie kîrîma kîu kîrî gatagatî ka irîma igîrî cia Ngai-Mûnene. Mûkaûra wata ûrîa methe menyu ma tene maûrire rîrîa kwagîîre kîthingithia vîndî ya mûthamaki Uzia. Ngai-Mûnene Ngai wakwa nîagûka na araika onthe.

Mathaayo 4:18

Na rîrîa Jesû aavîtûkîrîrîte rûtererî rwa îria rîa Galili, nîwonire ariû aîrî a ng'ina ûmwe magîtega nthamaki îriarî na neti, nîûndû ûcio nîguo warî wîra wao. Nao maarî, Simoni (ûrîa wîtagwa Petero) na mûrwang'ina Enderea.

1Akor 1:27

Nwatî Ngai nîwathuurire maûndû marîa andû matucaga nî ma ûrimû nîguo aconorithie arîa aûgî, na nîwathuurire arîa matucagwa nî andû atî matirî vinya nîguo aconorithie arîa methagîrwa marî na vinya.