Alawi 9:22 - ÎVUKU RÎA ÛVORO MWARO

²² Rîrîa Aroni aarîkirie kûruta magongoona monthe, nîwaûkîrîrie njara ciake erekerete andû na akîmarathima. Nîwacokire akiuma varîa metha ya kîgongoona yarî.

Alawi 9:22 ပူးပေါင်းရင်းမြစ်များ

1Atha 8:55

Nîwarûngamire na akîrathima andû onthe a Isiraeli arîa maaûnganîte vau na mûgambo mûnene akiugaga atîrî,

1Maû 23:13

Avîcî a Amuramu maarî: Aroni na Musa. Aroni na njiarwa ciake nîmaathuurirwe matuîke andû amûre tene na tene. Maathuurirwe nîguo mamenyagîrîre indo irîa nyamûre na mavîvagie ûbani nîûndû wa kûgooca Ngai-Mûnene, kûmûtungatîra na kûrathimanaga vîndî cionthe.

2Maû 6:3

Mûthamaki Solomoni nîwavûgûkîre andû onthe a Isiraeli wa marûngamîte na akîmarathima.

Thaburi 72:17

Rîîtwa rîa mûthamaki rîrotûûra rîririkanagwa tene na tene, ngumo yake îrotûûra vîndî rîrîa riûa rîgûtûûra rîaraga. Mavûrûri monthe marovoyaga Ngai amarathime, ta ûrîa arathimîte mûthamaki.

Ntha 39:43

Musa nîwaroririe wîra wonthe na akîona atî nîwarutîtwe wata ûrîa Ngai-Mûnene aathanîte. Kwoguo Musa nîwamarathimire.

Ndari 6:22

Ngai-Mûnene nîwathire Musa

Maariko 10:16

Jesû nîwacokire agîoca twana, agîtûkumbata, agîtwigîrîra njara ciake na agîtûrathima.

Luka 24:50

Jesû nîwamatongoririe makiuma kûu îtûûrarî rîu na makîthiî îtûûrarî rîa Bethania. Nîwacokire agîûkîrîria njara ciake na akîmarathima.

Ciîko 3:26

Kwoguo Ngai nîwathuurire Ndungata yake na akîmîtûma kûrî mue mbere, nîguo îmûrathime na îtûme wa mûndû wa wonthe agarûrûke atige mîtugo yake ya waganu.”

Gûco 10:8

Vîndî îo, Ngai-Mûnene nîwathuurire andû a mûvîrîga wa Lawi makuuage îthandûkû rîa kîrîkanîro na mamûtungatagîre marî athînjîri-Ngai, na marathimage andû rîîtwarî rîake. Ûguo nîguo mekaga nginya ûmûnthî.

Gûco 21:5

Athînjîri-Ngai Alawi nîmakaathiî vau wanao, nîûndû Ngai-Mûnene Ngai wenyu amathuurîte nîguo mamûtungatagîre na marathimage andû na rîîtwa rîake. Nîmagaatuithanagia maciira monthe megiî ngarari na mbaara.

1Pet 3:9

Mwekwa naaî tigagani kwîrîvîrîria na naaî. Mwarumwa tigagani kwîrîvîrîria na irumi. Vandû va ûguo rathimanagani, nîûndû kîrathimo nîkîo Ngai aamwîrîîre rîrîa aamwîtire.