Alawi 8:13 - ÎVUKU RÎA ÛVORO MWARO

¹³ Musa nîwacokire akîra avîcî a Aroni maumîre vau mbere na akîmekîra nguo, akîmova mîcivi ciûnorî ciao, na akîmova itambaa ciongorî ciao, wata ûrîa Ngai-Mûnene aathanîte.

Alawi 8:13 ပူးပေါင်းရင်းမြစ်များ

Thaburi 132:9

Athînjîri-Ngai aku marotûûra marî athingu, na andû aku nîmanîrîre nî gûkena.

Ntha 40:13

na wîkîre Aroni nguo cia ûthînjîri-Ngai ûmwamûre na ûmûtherie nîguo andungatagîre arî mûthînjîri-Ngai.

Ntha 40:16

Musa nîwekire maûndû monthe wata ûrîa Ngai-Mûnene aamwathîte.

Isaia 61:10

Nîngaakenagîra mûno Ngai-Mûnene, ngoro yakwa nîgaacanjamûka nîûndû wa Ngai wakwa, nîûndû nîambîkîrîte nguo cia ûvonokio, nîambîkîrîte nguo ya ûthingu, ta ûrîa mûvikania egemagia na maûa, ta ûrîa mûviki egemagia na mathaga make.

Isaia 61:6

Nwatî mue mûgeetagwa athînjîri-Ngai a Ngai-Mûnene, andû makaamwîtaga Ndungata cia Ngai wetû. Mûkaarîcaga ûtonga wa ndûrîrî, na mwîkenagie naguo.

Ezek 42:14

Rîrîa athînjîri-Ngai mauma hekarûrî na nîmarenda kûthiî nja kîvarorî, nwanginya marute nguo irîa ntheru megûtungataga nacio maitige nyombarî ino. Nwanginya mekîre nguo ciîngî cia kûthiî nacio kûrî andû.”

Alawi 10:5

Kwoguo Mishaeli na Elizafani nîmaathiîre na makînyita ciimba icio na nguo ciacio na makîivira nja ya kûu maatûûraga, wata ûrîa Musa aathanîte.

Alawi 8:21

Nîwacokire akîthambia nyama cia nda vamwe na magûrû ma vuva, na akîvîvîria nyama cionthe îgûrû rîa metha ya kîgongoona rîrî îtega rîa kûvîvua, wata ûrîa Ngai-Mûnene aathanîte. Naguo mûtararûko wa rîo nîwakenirie Ngai-Mûnene.

1Pet 2:5

Ûkani kûrî Kristû ta mathiga marî mwoyo mûtûmîrwe gûtuma hekarû ya kîîroho na matuîke ta athînjîri-Ngai atheru a kûrutaga magongoona ma kîîroho kûrî Ngai. Nake agetîkagîra magongoona mau na njîra ya Jesû Kristû.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.

Kûguû 1:6

na nîwatûtuire rûrîrî rwa athînjîri-Ngai a gûtungatîra Ngai ûrîa Îthe wake. Riiri na vinya irogîa kûrî Jesû Kristû tene na tene! Ameni.

Kûguû 5:10

We nîûmatuîte rûrîrî rwa athînjîri-Ngai a gûtungatîra Ngai na nîmakaathana gûkû nthî.”