Alawi 7:6 - ÎVUKU RÎA ÛVORO MWARO

⁶ Mûndûmûrûme wa wonthe wa nyomba ya mûthînjîri-Ngai nwa arîe nyama icio ciîngî cia nyamû îo, nwatî nwanginya îkaarîrwa vandûrî varîa vatheru, nîûndû icio nî ntheru mûno.

Alawi 7:6 ပူးပေါင်းရင်းမြစ်များ

Ezek 42:13

Mûndû ûcio nîwambîrire atîrî, “Nyomba ino irî mwena wa rûgûrû na ino irî mwena wa îveti cionthe nî ntheru. Athînjîri-Ngai arîa matungataga Ngai-Mûnene nîkuo makarîcagîra matega marîa matheru, na kwigagwe matega marîa matheru mûno. Matega mau nî ma irio cia mîgûnda, matega ma kûtheria mevia na matega ma kûrîvîra mevia nîûndû nî vatheru.

Alawi 2:3

Matega ma irio marîa magaatigara nî ma athînjîri-Ngai; nî matheru mûno nîûndû nî mamwe ma irio irîa irutîrîtwe Ngai-Mûnene.

Alawi 21:22

Mûndû ta ûcio nwa arîe irio irîa ndutîrîtwe, îtega rîa irio irîa ntheru kana rîa irio irîa ntheru mûno.

Alawi 6:11

Nî agaacoka arute nguo icio ekîre ciîngî na akuue mûu ûcio na aûvire vandû varîa vatherie na kûu nja ya kûrîa matûûraga.

Alawi 6:29

Mûndûmûrûme wa wonthe wa mbarî ya athînjîri-Ngai nwa arîe nyama icio. Nî ntheru mûno.

Alawi 7:5

Mûthînjîri-Ngai nî akaavîvîria maguta monthe îgûrû rîa metha ya kîgongoona rîrî îtega rîa kûvîvua kûrî Ngai-Mûnene. Rîu nîrîo îtega rîa kûthiria wîvia.

Hagai 2:12

Ethîrwa mûndû nwa oce nyama îno ntheru kuuma îgongoonarî na amîkuue yovetwe na nguo yake. Ethîrwa nwa areke nguo îvutie mûgate, irio irî nduge, ndivei, maguta ma ndamaiyû, kana irio cia mûthemba wa wonthe, irio icio nwa ituîke nyamûre wanacio?” Nao athînjîri-Ngai nîmaamûcokerie atîrî, “Naarî.”

1Akor 10:18

Ta îcirieni ûvoro wîgiî andû a Isiraeli; na kinthî arîa marîcanagîra kîrîa kîrutîtwe kîgongoona matirîcanagîra metharî ya kûrutîra Ngai kîgongoona?

1Akor 9:13

Na ma mue nîmwicî atî arîa marutaga wîra hekarûrî marîcaga kîrîa kiumanîte na hekarû nao arîa marutaga magongoona metharî ya kîgongoona, marîcaga kîrîa kiumanîte na magongoona mau?