Alawi 7:2 - ÎVUKU RÎA ÛVORO MWARO

² Nyamû ya îtega rîîrî îkaaûragagîrwa varîa nyamû cia matega ma kûvîvua ciûragagîrwa, nayo nthakame yayo nîkaaminyaminjwa mîenarî yonthe ya metha ya kîgongoona.

Alawi 7:2 ပူးပေါင်းရင်းမြစ်များ

Isaia 52:15

nwaguo îkaamakia ndûrîrî nyîngî, nao athamaki magaakira ki, magegete nîûndû wake, nîûndû nîmakoona maûndû marîa matanerwa, na nîmageciria maûndû marîa mateguîte ûvoro wamo.”

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Ezek 40:39

Kanyombarî kau kaarî kîvingorî kwarî na metha igîrî mwena ûmwe na ûcio wîngî metha igîrî. Metha icio ciarî cia kûthînjîra nyamû cia magongoona ma kûvîvua, magongoona ma mevia na cia magongoona ma kûthengutîrua mavîtia.

Alawi 1:11

Nî akaamîûragîra mwena wa rûgûrû wa metha ya kîgongoona mbere ya Ngai-Mûnene, nao athînjîri-Ngai a nyomba ya Aroni nîmakaaminjaminja nthakame yayo mîenarî yonthe ya metha ya kîgongoona.

Alawi 1:3

Ethîrwa akîruta ng'ombe kuuma ndîthiarî yake îrî îtega rîa kûvîvua, akaaruta ndegwa îtarî na wonje wanarî ûrîkû. Akaamîruta arî mûromorî wa îgema rîa Ngai-Mûnene nîguo Ngai-Mûnene amwîtîkîre.

Alawi 1:5

Nî akaaûragîra ndegwa îo vau mbere ya Ngai-Mûnene nao athînjîri-Ngai a nyomba ya Aroni, nîmagaategera Ngai-Mûnene nthakame, macoke mamîminjaminje mîenarî yonthe ya metha ya kîgongoona îo îrî vau mûromorî wa îgema rîa Ngai-Mûnene.

Alawi 14:13

Nîakaaûragîra gatûrûme vandû varîa vatheru, varîa nyamû cia matega ma kûtheria mevia na cia matega ma kûvîvua ciûragagîrwa. Nwanginya ageeka ûguo nîûndû îtega rîa wîvia na îtega rîa kûtheria mevia nî ma mûthînjîri-Ngai na nî matheru mûno.

Alawi 3:2

Mûndû ûcio nîakaaigîrîra njara yake kîongorî Kîam nyamû îo na amîûragîre mûromorî wa îgema rîa Ngai-Mûnene. Nao athînjîri-Ngai a nyomba ya Aroni maminjaminje nthakame mîenarî yonthe ya metha ya kîgongoona.

Alawi 3:8

Nîakaaigîrîra njara yake kîongorî Kîam nyamû îo na amîûragîre mbere ya îgema rîa Ngai-Mûnene. Athînjîri-Ngai a nyomba ya Aroni nîmakaaminjaminja nthakame ya nyamû îo mîenarî yonthe ya metha ya kîgongoona.

Alawi 4:24

Nî akaaigîrîra njara yake kîongorî Kîamyo na amîûragîre varîa nyamû ya matega ma kûvîvua yûragagîrwa Ngai-Mûnene akîonaga. Rîîrî nî îtega rîa kûtheria wîvia.

Alawi 4:29

Mûndû ûcio nî akaaigîrîra njara yake kîongorî Kîamyo na amîûragîre varîa matega ma kûvîvua marutagîrwa.

Alawi 4:33

Akaaigîrîra njara yake kîongorî Kîamyo na amîûragîre varîa matega ma kûvîvua marutagîrwa rîrî îtega rîa kûtheria mevia.

Alawi 5:16

Nwanginya akaarîva kîrîa ataarîvîte na nwanginya ongerere tûcunjî mîrongo îîrî îgûrû rîa îgana. Nîakaavirîra mûthînjîri-Ngai, nake mûthînjîri-Ngai arute nyamû îo îrî îgongoona rîa kûtheria wîvia wa mûndû ûcio, na mûndû ûcio nîakooverwa.

Alawi 5:7

Nwatî ethîrwa mûndû ndangîona ng'ondu kana mbûri, nîakaarutîra Ngai-Mûnene ndutuura igîrî kana macîa maîrî, îmwe îrî îtega rîa kûtheria wîvia, nayo îo îngî îrî îtega rîa kûvîvua.

Alawi 5:9

na aminjaminje nthakame îmwe yakîo mîenarî ya metha ya kîgongoona. Nayo nthakame îo îngî îtûrûrwe nî mûthînjîri-Ngai vau nthî ya metha ya kîgongoona. Rîu nîrîo îtega rîa kûtheria wîvia ûtarî wa kwîyendera.

Alawi 6:25

“Îra Aroni na avîcî ake mawatho megiî matega ma kûtheria mevia. Namo nî atî: nyamû ya îtega rîa kûtheria mevia îkaaûragagîrwa îgemarî rîa Ngai-Mûnene varîa nyamû cia matega ma kûvîvua ciûragagîrwa. Rîu nî îtega rîtheru mûno.

Alawi 6:7

Mûthînjîri-Ngai nîakaaruta îgongoona rîa kûtheria wîvia wa mûndû ûcio, na mûndû ûcio nîakooverwa.”

Ndari 6:12

na eyamûrîre Ngai-Mûnene rîngî arî Mûnazari. Îvinda rîu rîa mbere rîarî rîa mana nîûndû njuîrî ciake irîa ciarî nyamûre ciarî ngwatie gîko. Nîakaaruta gatûrûme ga ûkûrû wa mwaka ûmwe rîrî îrîvi rîa mavîtia make.

Ahib 11:28

Wîtîkio nîguo watûmire Musa athondeka kîrugo Kîam pasaka na akîathana nthakame îminjaminjîrue mîrango, nîguo mûraika ûrîa ûretaga gîkuû ndakaûrage marikithathi ma Isiraeli.

Ahib 12:24

Nîmûkîte kûrî Jesû ûrîa mwîgwithania wa kîrîkanîro kîrîa gîcerû, na kûrî nthakame yake îrîa yetûrûrirwe. Nthakame îo nî îranagîra maûndû maro gûkîra ya Abili.

1Pet 1:2

Mue mwathuurirwe kûringana na wendi wa Ngai Vava, na mûkîtherua nî Roho nîguo mwathîkagîre Jesû Kristû na mûtherague nî nthakame yake. Mûrotuîka a kwîngîvîrwa nî wega na thayû.