Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Alawi 7:12 - ÎVUKU RÎA ÛVORO MWARO

12 Ethîrwa mûndû akîruta îtega nîûndû wa gûcokia ngatho, nîakaarutanîria îtega rîu vamwe na geki itarî mbîkîre ndawa ya kwimbia îtukanîtue na maguta, tûmîgate tûceke tûvakîtwe maguta vamwe na geki îrugîtwe na mûtu mûvinyu ûtukanîtue na maguta.

အခန်းကိုကြည့်ပါ။ ကော်ပီ




Alawi 7:12
25 ပူးပေါင်းရင်းမြစ်များ  

Mûthamaki Hezekia nîwacokire akiuga atîrî, “Rîu nîmwetheria mbere ya Ngai-Mûnene, kuvîvîriani hekarû mûrete magongoona na matega ma gûcokia ngatho kûrî Ngai-Mûnene.” Andû onthe nîmaavirire magongoona na matega ma gûcokia ngatho, na engî nîmaaretire matega ma kûvîvua na njîra ya kwîyendera.


Nîwacokire agîtuma metha ya kîgongoona ya Ngai-Mûnene na akîrutîra magongoona ma thayû na ma gûcokia ngatho îgûrû rîayo. Nîwacokire akîatha andû onthe a Juda magooce Ngai-Mûnene, Ngai wa Isiraeli.


Mûthenya ûcio andû nîmaarutire magongoona meengî na nîmaakenire nîûndû Ngai nîwamavete gîkeno kînene. Aka na ciana wanao nîmaakenire na înegene rîa gîkeno Kîamo kuuma îtûûrarî rîa Jerusalemu nîrîegwîkaga kûndû kûraca.


Nîmacokerie Ngai-Mûnene nîûndû wa wendo wake ûtathiraga, nîûndû wa maûndû ma magegania marîa aamekîre.


Nîngûkûrutîra îgongoona rîa gûcokia ngatho, na ngaîre rîîtwa rîaku.


Mûndû ûrîa ûnjokagîria ngatho rîrî îgongoona nîandîîaga, nama, nîngaavonokia andû onthe arîa mambathîkagîra.”


andû makiugîrîria macanjamûkîte nî gûkena, andû makiugîrîria marî kîrugorî Kîam ûviki. Nîmûkegua andû makina makenete makîrete maketha ma gûcokia ngatho hekarûrî ya Ngai-Mûnene makiugaga, ‘Kumiani Ngai-Mûnene mwene vinya wonthe, nîûndû nî mwaro, nîûndû wendo wake ûtathiraga nîwa tene na tene.’ Nîngatûma vûrûri ûyû ûgîe na maûndû maro wata ûrîa wekariî mbere. Ûguo nîguo nie Ngai-Mûnene nîrauga.”


Nama cokererani Ngai-Mûnene; mûkîveraga mevia menyu mûkiugaga atîrî, “Tûovere mevia metû, na wamûkîre kîrîa Kîamro tûrî nakîo, na nîtûgûkûva îgongoona rîa gûgûkumia.


Rîrîa ûkûruta îtega rîa mîgate îrugîtwe na ovena, nwanginya îthîrwe îtarî na ndawa ya kwimbia îtukanîtue na maguta kana tûmîgate tûnini tûvakîtwe maguta.


Ethîrwa îtega rîaku nî mûgate ûrugîtwe na karaî, nwanginya ûkandwe na mûtu mûvinyu mûno ûtukanîtue na maguta ûtarî na ndawa ya kwimbia.


Vîndî îrîa mûkûrutîra Ngai-Mûnene îgongoona rîa gûcokia ngatho, rûmagîrîrani mawatho nîguo îgongoona rîenyu rîtîkîrîke nî Ngai.


Mûtu ûcio wîngî ûkaarîwa nî Aroni na avîcî ake. Ûkaarîrwa vandûrî varîa vatheru, na nîvo nja ya îgema rîa Ngai-Mûnene, ûtekîrîtwe ndawa ya kwimbia.


Mûndû ûrîa ûkûruta îgongoona rîa thayû nîakaarîa nyama icio ciîngî mûthenya wa ûcio, na gûtirî wanarî îmwe yacio agîrîrwe nî gûtigaria îkinyia kîraûko Kîam mûthenya ûcio wîngî.


Rutagani îgongoona rîa gûcokia ngatho kûrî Ngai rîa mûgate ûtarî na ndawa ya kwimbia, na mwîtîîage nîûndû wa matega ma kwîyendera marîa mûrutaga. Ûguo nîguo Ngai-Mûnene arauga.


Nîakaaruta gîkavu gîcûrîte mîgate îtekîrîtwe ndawa ya kwimbia: geki irugîtwe na mûtu mûvinyu ûtukanîtue na maguta ma ndamaiyû, tûmîgate tûceke tûvakîtwe maguta ma ndamaiyû vamwe na matega ma irio cia mûgûnda na matega ma indo cia kûnyuwa.


Nake mûndû ûcio akinya varîa Jesû aarî, nîwegwîthirie nthî magûrûrî ma Jesû na akîmûcokeria ngatho. Mûndû ûcio aarî Mûsamaria.


Anga gûtirî mûndû wîngî wacoka vuva gûcokeria Ngai ngatho tiga mûndû ûyû ûtarî wa gûkû?”


O nîmecî Ngai, nwatî matimûvecaga gîtîîo kîrîa kîmwagîrîrîte, kana magacokia Ngatho kûrî ke. Vandû va ûguo, meciria mao maatuîkire ma mana na ngoro ciao ciîcûrîtwe nî nduma.


Na rîîtwa rîa Mwathani wetû Jesû Kristû, cokagiani ngatho kûrî Ngai Vava maûndûrî monthe.


Kwoguo, na njîra ya Jesû nîtwagîrîrwe tûkumagie Ngai vîndî cionthe. Rîîrî nîrîo îgongoona rîetû rîrîa tûtegagîra Ngai rîrîa tûkûmumbûra na tûnyua twetû atî ke nî Mwathani.


Ûkani kûrî Kristû ta mathiga marî mwoyo mûtûmîrwe gûtuma hekarû ya kîîroho na matuîke ta athînjîri-Ngai atheru a kûrutaga magongoona ma kîîroho kûrî Ngai. Nake agetîkagîra magongoona mau na njîra ya Jesû Kristû.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ