Alawi 6:17 - ÎVUKU RÎA ÛVORO MWARO

¹⁷ Ndûkaarugwa wîkîrîtwe ndawa ya kwimbia. Nîmavete guo ûrî gacunjî gakwa ka matega makwa ma kûvîvua. Nî katheru mûno ta îtega rîa kûtheria wîvia na ta îtega rîa kûthiria mavîtia.

Alawi 6:17 ပူးပေါင်းရင်းမြစ်များ

Ntha 29:37

Ûgeekaga ûguo mûthenya wa mûthenya îvinda rîa mîthenya mûgwanja. Nayo metha ya kîgongoona nîkaathera viû na mûndû wa wonthe kana kîndû wa kîonthe gîkaamîvutia nîgîgaatuîka kîtheru.

Ntha 40:10

Ûcoke wamûrîre Ngai-Mûnene metha ya kîgongoona ya kûvîvîrua matega wa vamwe na indo ciayo cionthe. Metha îo nîgaatuîka ntheru mûno.

Alawi 10:16

Musa nîwacokire agîtuîria waro ûvoro wîgiî mbûri îrîa yarutirwe îrî îtega rîa kûtheria mevia na akîmenya atî yarî mvîvie. Ûndû ûcio nîwatûmire arakarîre Eliazaru na Ithamaru, na nîwamaûririe atîrî,

Alawi 2:11

Gûtirî îtega rîa irio cia mûgûnda rîa kûrutîra Ngai-Mûnene rîkaarûthwa rîrî na ndawa ya kwimbia, nîûndû ndwagîrîrwe nî kûvîvia ndawa ya kwimbia kana ûûkî irî îtega rîa kûvîvua kûrî Ngai-Mûnene.

Alawi 2:3

Matega ma irio marîa magaatigara nî ma athînjîri-Ngai; nî matheru mûno nîûndû nî mamwe ma irio irîa irutîrîtwe Ngai-Mûnene.

Alawi 6:25

“Îra Aroni na avîcî ake mawatho megiî matega ma kûtheria mevia. Namo nî atî: nyamû ya îtega rîa kûtheria mevia îkaaûragagîrwa îgemarî rîa Ngai-Mûnene varîa nyamû cia matega ma kûvîvua ciûragagîrwa. Rîu nî îtega rîtheru mûno.

Alawi 6:26

Mûthînjîri-Ngai ûrîa ûkaaruta nyamû îo akaamîrîra vandûrî varîa vatheru, na vau nja ya îgema rîa Ngai-Mûnene.

Alawi 6:29

Mûndûmûrûme wa wonthe wa mbarî ya athînjîri-Ngai nwa arîe nyama icio. Nî ntheru mûno.

Alawi 7:1

Mawatho mama marûmîrîrîte nîmo megiî îtega rîa kûthiria wîvia. Îtega rîu nî rîtheru mûno.

Alawi 7:6

Mûndûmûrûme wa wonthe wa nyomba ya mûthînjîri-Ngai nwa arîe nyama icio ciîngî cia nyamû îo, nwatî nwanginya îkaarîrwa vandûrî varîa vatheru, nîûndû icio nî ntheru mûno.

Alawi 7:7

Kûrî na watho ûmwe ûrîa ûnyitîte îtega rîa kûtheria wîvia na îtega rîa kûthiria wîvia. Naguo nî atî, mûthînjîri-Ngai ûrîa ûkûruta îgongoona rîu nîke ûrîcaga nyama icio.

1Pet 2:22

Ke gûtirî wîvia eekire na ndaanaria maveeni.