5 Rîrîa mûndû arî mûvîtiu na njîra ya gwîka ûmwe wa mau, nwanginya akaaumbûra wîvia ûrîa ekîte.
Ke ainaga arî mbere ya andû akauga atîrî, “Nînevirie na ngîregana na maûndû marîa maro, nwatî Ngai ndaamverithia nîûndû wa wîvia ûcio.
Nînaacokire ngiumbûra mevia makwa kûrî we, na ndiathitha mavîtia makwa. Nînatwire nyumbûre mevia makwa kûrî we, na nîwanjovere mevia makwa monthe.
Mûndû ûrîa ûthithaga mevia make ndangîgîa na mûtûûrîre mwaro, nwatî mûndû ûrîa umbûraga na agatiga mevia make nîakeguîrwa ntha nî Ngai.
Îtîkîrani tu mevia menyu, atî nîmwareganire na Ngai-Mûnene Ngai wenyu; na atî rungu rwa mîtî yonthe mîruru, nîwonanîtie wendo waku kûrî ngai ciîngî; na warega kwathîkîra mûgambo wakwa, ûguo nîguo Ngai-Mûnene arauga.”
Nînavoire Ngai-Mûnene, Ngai wakwa na ngiumbûra mevia marîa meekîtwe nî andû akwa. “Nînaugire atîrî, ‘Mwathani, wî Ngai mûnene na nîwîkaga maûndû ma magegania. We nîwigaga kîrîkanîro gîaku, na nîwonanagia wendo ûtathiraga kûrî andû arîa makwendete na mathîkagîra maathani maku.
Aroni nîakambararia njara ciake cioîrî îgûrû rîa kîongo Kîam mbûri na agwete maûndû monthe macûku ma andû a Isiraeli, mevia mao monthe, na ûremi wao, na amatonyie mbûrirî îo. Mbûri îo nîgaacoka îrekererue îthiî na kûu werûrî nî mûndû ûrîa ûvetwe wîra ûcio.
“Nwatî njiarwa cienyu nî ikaaumbûra mevia mao na mevia ma methe mao ma tene, arîa maareganire nanie na makîrega kûmbathîkîra.
Ûguo nîguo mûthînjîri-Ngai akaaruta îgongoona rîa kûtheria wîvia wa mûndû ûcio na mûndû ûcio nî akoverwa. Mûtu ûcio wîngî nî wa mûthînjîri-Ngai, wata ûrîa gwîkagwa na matega ma irio cia mûgûnda.
mûndû ûcio nwanginya aumbûre mevia make na acoke arîve mûndû ûrîa avîtîrîtie îrîvi rîonthe, na acoke ongerere icunjî mîrongo îîrî îgûrû rîa îgana, anengere mûndû ûcio avîtîrîtie.
Nîûndû mûndû etîkagia na ngoro agatuuwa mûthingu, na akaumbûra na kanyua gake na akavonoka.
Joshua nîwacokire akîra Akani atîrî, “Mûvîcîwa, aria ûma mbere ya Ngai-Mûnene, Ngai wa Isiraeli na ûmûve riiri. Mbîra ûrîa wîkîte ûtakûnthitha.”