Alawi 5:11 - ÎVUKU RÎA ÛVORO MWARO

¹¹ Ethîrwa mûndû ndarî na ndutuura igîrî kana macîa maîrî, nîakaaruta kilo îmwe ya mûtu rîrî îtega rîa kûtheria wîvia wake. Ndakaavira vamwe na maguta kana ûbani nîûndû nî îtega rîa kûtheria wîvia nwatî, tî îtega rîa irio cia mûgûnda.

Alawi 5:11 ပူးပေါင်းရင်းမြစ်များ

Ntha 16:18

Nwatî rîrîa ciathimirwe, arîa maaûnganîtie nyîngî matiarî na nyîngî makîria, nao arîa maûnganîtie nini matiarî na nini makîria. Wa mûndû aaûnganîtie kûringana na ûrîa aavataraga.

Ntha 16:36

(Kîthimi kîrîa maathimaga nakîo kîndû kîûmû vîndî îo Kîamrî ta lita mîrongo îîrî.)

Alawi 1:14

“Ethîrwa mûndû nîaruta iconi rîrî îtega rîa kûvîvua kûrî Ngai-Mûnene, nîakaaruta ndutuura îtarî ngûrû kana îcîa rîtarî rîkûrû.

Alawi 12:8

“Ethîrwa mûndûmûka ndangîona ng'ondu, nîakaanenganîra ndutuura igîrî kana macîa maîrî. Îmwe ya îtega rîa kûvîvua nayo îo îngî ya îtega rîa kûtheria wîvia. Mûthînjîri-Ngai nîakaarûthîra mûndûmûka ûcio mambura ma kûmûtheria na nîakaathera.”

Alawi 14:21

Nwatî ethîrwa mûndû nî mûthîni na ndangîona indo icio, nîakaaruta gatûrûme kamwe tu karî ga kûmûtheria mevia. Nîgakaanengerwa mûthînjîri-Ngai karî kîveo Kîam mwanya kûrî Ngai-Mûnene. Mûndû ûcio nîakaaruta kilo îmwe tu ya mûtu mûvinyu ûtukanîtue na maguta ma ndamaiyû rîrî îtega rîa irio cia mûgûnda, vamwe na mililita magana mathatû ma mîrongo îthatû ma maguta ma ndamaiyû.

Alawi 27:8

“Ethîrwa mûndû ûrîa wîvîtîte arî mûthîni mûno na ndangîvota kûrîva kîthimi kîrîa gîtîkanîrie, nîakaavirîra mûthînjîri-Ngai mûndû ûcio amûrîrîte Ngai, nake mûthînjîri-Ngai nîagaatua kîthimi kûringana na ûrîa mûndû ûrîa wîvîtîte angîvota kûrîva.

Alawi 5:12

Nîakaavirîra mûthînjîri-Ngai mûtu ûcio nake mûthînjîri-Ngai nîagaatava mûtu ûcio ngundi îmwe kîrî kîririkania atî mûtu wonthe nîûrutîrîtwe Ngai-Mûnene na aûvîvîrie îgûrû rîa metha ya kîgongoona. Rîu nîrîo îtega rîa kûtheria wîvia.

Alawi 5:6

Nîakaarutîra Ngai-Mûnene îtega rîa kûtheria wîvia ûrîa ekîte, narîo îtega rîu rîkeethîrwa rîrî rîa mwatî kana nthenge. Nake mûthînjîri-Ngai nîakaaruta îgongoona nîûndû wa kûtheria wîvia wa mûndû ûcio na nîakooverwa.

Alawi 5:9

na aminjaminje nthakame îmwe yakîo mîenarî ya metha ya kîgongoona. Nayo nthakame îo îngî îtûrûrwe nî mûthînjîri-Ngai vau nthî ya metha ya kîgongoona. Rîu nîrîo îtega rîa kûtheria wîvia ûtarî wa kwîyendera.

Alawi 6:20

“Îtega rîrîa Aroni na avîcî ake makaandutagîra vîndî îrîa makwamûrwa nî: kilo îmwe ya mûtu (mwîgana wa matega ma irio cia mûgûnda ma wa mûthenya). Akaaruta nuthu kilo ya mûtu ûcio kîraûko, nayo nuthu kilo îo îngî amîrute kîvwaî.

Ndari 5:15

mûrûme nîakaamûvira kûrî mûthînjîri-Ngai akuuîte kilo îmwe ya mûtu wa cairi. Ndagîrîrwe nî gwîkîra maguta kana ûbani mûturî ûcio nîûndû nî îtega rîrutîtwe nî mûndûmûrûme agîîkûûa mûka nîguo ûma ûmenyekane.

Ndari 7:13

Îtega rîake rîarî thaani ya sîlûva ya ûrito wa kilo îmwe na nuthu (1.5 kg), karaî kamwe ga sîlûva karî na ûrito wa ngiramu magana manana (800 g) kûringana na kîthimi kîrîa Kîamrî gîtîkîrîku. Thaani îo na karaî kau, ciethagîrwa ciîcûrîte mûtu ûtukanîtue na maguta na ciarî cia îtega rîa irio cia mûgûnda.

Luka 2:24

Wana rîngî maathiîte kuo nîguo makarutîre Ngai îgongoona, wata ûrîa Watho wa Mwathani wathanîte atî mûndû nwa arute îgongoona rîa macîa maîrî kana rîa ndutuura igîrî.

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Ahib 9:22

Kûringana na Watho, vakuvî indo cionthe itheragua na nthakame. Nthakame îngîrega gwîtûrûrwa mevia matingîovanîrwa.