Alawi 4:22 - ÎVUKU RÎA ÛVORO MWARO

²² “Ethîrwa nî mûtongoria wîvîtie atakûmenya na njîra ya kuna rîmwe rîa maathani ma Ngai-Mûnene,

Alawi 4:22 ပူးပေါင်းရင်းမြစ်များ

Thaburi 19:13

Mvonokia wana kuuma kûrî mevia marîa mbîkaga ngîmenyaga, ndûgatûme mevia mau mandongorie. Ngaacoka gûtuîka mûndû mwagîrîru, na ndikethîrwa nîrî na mavîtia ma wîvia mûnene.

Ntha 18:21

Nwatî îgûrû rîa maûndû mau monthe thuura andû gatagatî ka andû aya onthe. Ûthuure arûme arîa marî na ûvoti, na metigîrîte Ngai, evokeku na andû mathûrîte mavaki. Andû acio matue atongoria a andû. Amwe matongoragie ikundi cia andû ngiri, engî magana, na engî ikundi cia andû mîrongo îtano na engî makûmi.

Mûvunjia 5:6

Ndûkareke ciugo ciaku itûme wîvie nîguo ndûkathiî kwîra mûthînjîri-Ngai atî wevirie ûtakûmenya. Ndûgatûme Ngai arakare na acûkangie wîra waku ûrîa ûrutîte.

Alawi 4:13

“Ethîrwa nî andû onthe a Isiraeli mevîtie na njîra ya kuna rîathani rîmwe rîa maathani ma Ngai-Mûnene matakûmenya,

Alawi 4:2

“Îra andû a Isiraeli atî, mûndû wa wonthe angîvia na atakûmenya aune rîathani wanarî rîmwe rîa mama Ngai-Mûnene athanîte, nwanginya arûmîrîre mawatho mama marûmîrîrîte.

Alawi 4:27

“Ethîrwa nî mûndû ûtarî mûthînjîri-Ngai na ûtarî mûtongoria wîvîtie na njîra ya kuna rîmwe rîa maathani ma Ngai-Mûnene atakûmenya,

Alawi 5:17

“Ethîrwa mûndû wa wonthe nwa evie atakwenda na njîra ya kuna rîmwe rîa maathani ma Ngai-Mûnene, mûndû ûcio arî na mavîtia na nwanginya akaaverithua.

Ndari 15:22

“Nwatî mûndû nwa aremwe nî kûvingia atakwenda mawatho monthe marîa naveere Musa,

Ndari 15:24

Ethîrwa andû onthe maaregire kûvingia mawatho mau matakûmenya, makaarutaga ndegwa îmwe îrî îtega rîa kûvîvua nîguo mûtararûko warîo ûkenie Ngai-Mûnene. Makaarutanagîria na îtega rîa irio cia mûgûnda, na îtega rîa indo cia kûnyuwa, na marute nthenge îmwe rîrî îtega rîa kûtheria mevia.

Ndari 16:2

na marî vamwe na atongoria magana maîrî ma mîrongo îtano (250) arîa maathuurîtwe kuuma gatagatîrî ka andû a Isiraeli nîmaatuire maregane na ûtongoria wa Musa.

Ndari 31:13

Musa, mûthînjîri-Ngai Eliazaru na atongoria onthe a andû a Isiraeli nîmaaumire kûrîa maambîte magema na makîthiî gûtûnga athigari a mbaara.

Ndari 32:2

nîmaathiîre kûrî Musa, Eliazaru, mûthînjîri-Ngai na atongoria a andû na makîmeera atîrî,

Ndari 35:11

nîmûkaathuura matûûra marîa mûndû angîthiî kwîthitha angîûraga mûndû ûrîa wîngî atakwenda.