Alawi 3:1 - ÎVUKU RÎA ÛVORO MWARO

¹ Rîrîa mûndû akûrutîra Ngai-Mûnene nyamû kuuma ndîthiarî yake îrî îgongoona rîa ngwatanîro, nwanginya îthagîrwe îrî ndegwa kana mori îtarî na wonje.

Alawi 3:1 ပူးပေါင်းရင်းမြစ်များ

1Maû 21:26

Daudi nîwatumire metha ya kîgongoona ya Ngai-Mûnene vau na nîwarutire matega ma kûvîvua na matega ma thayû. Nîwavoire na Ngai-Mûnene nîwamûcokerie mavoya make na njîra ya gûtûma mwaki kuuma îgûrû na ûkînyûrûrûka ûkîvîvia matega mau.

Ntha 20:24

Ndumîrani metha ya kîgongoona na mûthetu. Na îgûrû rîayo mûrutîre matega ma kûvîvua na ma thayû, ma ng'ondu na ndegwa cienyu. Vandû vonthe varîa ngaamûra mûngoocagîre vo, nîngaaûkaga kûrî mue na nîmûrathime.

Ntha 24:5

Musa nîwacokire agîtûma anake a Isiraeli, na makîrutîra Ngai-Mûnene matega ma kûvîvua na ng'ombe îmwe nîûndû wa magongoona ma thayû.

Ntha 29:28

Vîndî cionthe rîrîa andû a Isiraeli makûruta matega ma ngwatanîro, nyama ya kîthûri na ya Kîamû ikaarîcagwa nî Aroni na avîcî ake. Nyama icio nî iveo ciao kûrî Ngai-Mûnene.

Nthi 7:14

“Nî ndutire îtega ûmûnthî, na nîmvingirie mîvîtwa yakwa.

Ezek 43:27

Mîthenya mûgwanja yathira athînjîri-Ngai nîmakaarutagîra metharî îo ya kîgongoona matega ma kûvîvua na matega ma thayû, nanie nîngaamwamûkîra. Ûguo nîguo Mwathani Ngai-Mûnene augîte.”

Ezek 45:15

Varî wa ng'ondu magana maîrî nîmakaaruta ng'ondu îmwe kuuma kûrî ndîthia cia andû a Isiraeli. Rîrî nî îtega rîa irio cia mûgûnda, îtega rîa kûvîvua na îtega rîa thayû nîguo andû arîa mamareta mavoroverue mevia mao. Ûguo nîguo Ngai-Mûnene augîte.

Alawi 1:10

“Ethîrwa mûndû nîaruta ng'ondu kana mbûri kuuma ndîthiarî yake îrî îtega rîa kûvîvua, nwanginya îkethîrwa îrî ndûrûme kana nthenge îtarî na wonje.

Alawi 1:3

Ethîrwa akîruta ng'ombe kuuma ndîthiarî yake îrî îtega rîa kûvîvua, akaaruta ndegwa îtarî na wonje wanarî ûrîkû. Akaamîruta arî mûromorî wa îgema rîa Ngai-Mûnene nîguo Ngai-Mûnene amwîtîkîre.

Alawi 17:5

Watho ûyû ûrî vo nîguo andû a Isiraeli maretagîre Ngai-Mûnene nyamû irîa matwîre maûragagîra na kûu nja ya mûromo wa îgema rîa Ngai-Mûnene. Makaairetagîra mûthînjîri-Ngai vau mûromorî wa îgema rîa Ngai-Mûnene na magaciûragîra vo irî matega ma thayû.

Alawi 3:6

Ethîrwa mûndû arenda kûrutîra Ngai-Mûnene mbûri kana ng'ondu ya nûme kana ya nga îrî îgongoona rîa ngwatanîro, akaaruta îtarî na wonje wanarî ûrîkû.

Alawi 9:18

Aroni nîwaûragire ndegwa na ndûrûme cia îtega rîa thayû rîa andû. Avîcî ake nîmaamûvirîre nthakame yacio na akîmîminjaminja mîenarî yonthe ya metha ya kîgongoona.

Alawi 9:4

ndegwa na ndûrûme cia îtega rîa thayû. Marutîre Ngai-Mûnene indo icio vamwe na matega ma irio cia mûgûnda itukanîtue na maguta nîûndû Ngai-Mûnene nîakûmaumîrîra ûmûnthî.”

Amosi 5:22

Wana mwandutîra matega ma kûvîvua na matega ma irio cia mîgûnda ndikaametîkîra. Na ndigetîkîra matega menyu ma thayû ma nyamû irîa noru.

Malaki 1:14

Kûgwatwa nî kîrumi nî mûndû ûrîa wîranagîra na njîra ya mwîvîtwa atî nîakûndutîra îgongoona rîa nyamû ntheru kuuma ndîthiarî yake, nwatî agacoka akandutîra nyamû îrî na wonje. Taroria, nie nî mûthamaki mûnene, Ngai-Mûnene mwene vinya wonthe na andû a mavûrûri monthe nîmagoocaga rîîtwa rîakwa.”

Malaki 1:8

Rîrîa mwaruta nyamû îno ndumumu, kana kîthua, kana îno ndwaru rîrî îgongoona, ûguo tî naaî? Ûngîva mûnene waku nyamû ta îo kîrî kîveo, nwa akene?”

Ndari 15:8

Rîrîa ndegwa îkûrutwa îrî îtega rîa kûvîvua kana îtega rîa kûvingia mwîvîtwa, kana îgongoona rîa kûvingia mwîvîtwa, kana îtega rîa thayû,

Ndari 6:14

na arutîre Ngai-Mûnene nyamû ithatû itarî na wonje. Nacio nî: ndûrûme ya ûkûrû wa mwaka ûmwe rîrî îtega rîa kûvîvua, mwatî wa ûkûrû wa mwaka ûmwe rîrî îtega rîa kûtheria mevia, na ndûrûme ya îtega rîa thayû.

Ndari 7:17

ndegwa igîrî, ndûrûme ithano, nthenge ithano, na tûtûrûme tûtano twa ûkûrû wa mwaka ûmwe irî îgongoona rîa îtega rîa thayû.

Ndari 7:59

ndegwa igîrî, ndûrûme ithano, nthenge ithano, na tûtûrûme tûtano twa ûkûrû wa mwaka ûmwe irî îgongoona rîa îtega rîa thayû.

Gûco 12:27

Vau nîvo mûkaarutagîra matega ma kûvîvua, nyama na nthakame metharî ya kîgongoona ya Ngai-Mûnene Ngai wenyu. Nthakame îgeetûrûragwa metharî ya kîgongoona ya Ngai-Mûnene Ngai wenyu, mûgacoka mûkarîa nyama.

Akol 1:20

Kwoguo na njîra ya Mûriû, Ngai nîwonire kûrî kwagîrîru acokanîrîrie indo cionthe kûrî ke irîa irî îgûrû na irî nthî. Ngai nîwatûmire kûgîe na thayû na njîra ya kûûragwa kwa Mûriû wake mûtharavarî.

Ahib 10:22

Kwoguo nîtûthiîni vakuvî na Ngai tûrî na ûvoro wa ma ngororî cietû, wîtîkio wa ma na tûrî na ngoro ntheru na thamiri cietû itagwîcuka na mîîrî yetû îthambîtue na manjî matheru.

1Joh 1:3

Maûndû marîa tûonete na tûkeîguîra nîmo tûmwîraga wa namue nîguo mûgwatanagîra natue ngwatanîrorî îrîa twîthagîrwa tûrî nayo na Îthe na Mûriû Jesû Kristû.

Atir 20:26

Andû onthe a Isiraeli nîmaacokire makîthiî Betheli na magîcakaîra kuo. Nîmeekarire mbere ya Ngai-Mûnene kuo na makîînyerekia nginya kîvwaî na nîmaarutîre Ngai-Mûnene magongoona ma kûvîvua na ma thayû.

Atir 21:4

Kîraûko tene mûthenya ûcio wîngî, andû nîmaaramûkire na magîtuma metha ya kîgongoona kuo na makîruta matega ma kûvîvua na matega ma thayû.